စက်တင်ဘာလ (၁၁)ရက် မှ (၁၅)ရက်နေ့ထိ အပြောင်းအလဲဖြစ်ပေါ်ခဲ့သော ကုန်စည်စျေးနှူန်းများစာရင်း

08/12/2017 22:29 PM တွင် အစိမ်းရောင်လမ်း အစိမ်းရောင်လမ်း မှ ရေးသား

ဒီတစ်ပတ်မှာတော့ မတ်ပဲက အကျစျေးနဲ့ စျေးပြန်ဖွင့်ခဲ့ပြီး တစ်ပတ်လုံးမှာ စျေးကွက်အပြောင်းအလဲက တည်ငြိမ်မှုမရှိခဲ့ပါဘူး။ ပဲစင်းငုံကတော့ လက်ရှိအချိန်ထိ အကျစျေးနဲ့ပဲ တည်ငြိမ်နေခဲ့ပါတယ်။ ကြက်သွန်နီကတော့ ဒီတစ်ပတ်မှာ စျေးပြန်လည်ကျဆင်းသွားခဲ့ပါတယ်။

မတ်ပဲ(FAQ/RC)အကျစျေးနဲ့ စျေးကွက်မတည်ငြိမ်

စက်တင်ဘာ ပထမအပတ်မှာ တက်ရိပ်အနည်းငယ်ပြခဲ့တဲ့ မတ်ပဲက ဒုတိယအပတ်မှာတော့ အကျစျေးနဲ့ စျေးပြန်ဖွင့်ခဲ့ပြီး စျေးကွက်အတွင်း အပြောင်းအလဲများခဲ့ပါတယ်။ တစ်တန်ကို ငါးသိန်းခွဲပတ်ချာလည် အခြေအနေနဲ့အတက်အကျ အပြောင်းအလဲရှိနေခဲ့ပြီး ဒီထက် စျေးတက်လာနိုင်သေးတဲ့ အခြေအနေမရှိသေးပါဘူး။

မတ်ပဲကအိန္ဒိယကိုသာ အဓိကတင်ပို့နေရတဲ့အတွက် အိန္ဒိယနိုင်ငံမှာ တင်သွင်းခွင့်ကို ပြောင်းလဲ ပြင်ဆင်ခြင်း မပြုသရွှေ့ မတ်ပဲ စျေးကလက်ရှိမှာ ပြောင်းလဲနိုင်ခြင်း မရှိနိုင်ဘူးလို့သိရပါတယ်။

လက်ရှိမတ်ပဲ ပေါက်စျေးကတော့ ငါးသိန်းခွဲဝန်းကျင်မှာသာ အပြောင်းအလဲ ဖြစ်နေပါတယ်။

ပဲစင်းငုံအကျစျေးနဲ့ စျေးငြိမ်

ပဲစင်းငုံကဒီတစ်ပတ်မှာတော့အကျစျေးနဲ့ စျေးငြိမ်နေခဲ့ပါတယ်။တစ်တန်ကို လေးသိန်းနှစ်သောင်းနဲ့ထောင်ဂဏန်းလောက်သာအတက်အကျအပြောင်းအလဲရှိခဲ့ပါတယ်။

ပဲစင်းငုံကတော့ မတ်ပဲနဲ့ယှဉ်ရင် စျေးကွက်မှာ အရမ်းကို စျေးငြိမ်တဲ့ ပဲတစ်မျိုးပဲ ဖြစ်ပါတယ်။ ပြီးတော့ အိန္ဒိယနိုင်ငံမှာလည်း မတ်ပဲကသာအထွက်တိုးနေပေမယ့် ပဲစင်းငုံကတော့ အထွက်လျော့နေတဲ့အတွက် စျေးကလက်ရှိအချိန်မှာ ခန့်မှန်းရခက်တဲ့ အနေအထားတစ်ခုလည်း ဖြစ်နေပါတယ်။

ပြီးခဲ့တဲ့အပတ်က အိန္ဒိယဝန်ကြီးအနေနဲ့ မြန်မာနိုင်ငံကို လာရောက်ဆွေးနွေးမှုတွေ ပြုလုပ်ခဲ့ပြီး စာချုပ်ချုပ်ထားပြီးပါက ဆက်လက်တင်ပို့ခွင့်ပြုတယ်ဆိုတဲ့ ဖြေလျော့မှုတစ်ခုကို ပြုလုပ်ခဲ့ပါတယ်။ ဒါပေမယ့် ပဲတင်ပို့မှုက မြန်မာနိုင်ငံ တစ်နိုင်ငံတည်းမဟုတ်ပဲ တစ်ခြားနိုင်ငံပါ ပါဝင်နေတဲ့အတွက် ထိရောက်တဲ့ ဖြေလျော့မှုတစ်ခုတော့ မဟုတ်ခဲ့ပါဘူး။

ကြက်သွန်နီ စျေးအနည်းငယ်ကျဆင်း

သြဂုတ်လ နောက်ဆုံးအပတ်ကနေစပြီး တစ်ဖြေးဖြေး စျေးမြင့်တက်ခဲ့တဲ့ ကြက်သွန်နီက စက်တင်ဘာ ဒုတိယအပတ်မှာတော့ စျေးအနည်းငယ်ကျဆင်းသွားခဲ့ပါတယ်။

ကြက်သွန်အသစ်ပေါ်ဖို့အတွက် အချိန်သိပ်မလိုတဲ့အချိန်မှာ ဝယ်ယူသိုလှောင်သူတွေ ပြန်လည်ရောင်းချသူတွေကြောင့် စျေးကွက်အတွင်းမှာ ကမောက်ကမဖြစ်တာလို့သိရပါတယ်။ စျေးကွက်အတွင်း ကြက်သွန်အလုံအလောက်ရှိနေပေမယ့် သိုလှောင်သူတွေကြောင့် စျေးကွက်အတွင်း စျေးမြင့်တက်ခဲ့တာပါ။

တစ်ပိဿာကို အနိမ့်ဆုံး ၁၇၀၀ ကနေ အမြင့်ဆုံးစျေး ၂၂၅၀ ထိ စျေးမြင့်တက်ခဲ့ပေမယ့် ဒီတစ်ပတ်မှာတော့ တစ်ပိဿာကို ၁၇၀၀ ကနေ ၂၀၅၀ အထိ တစ်ပိဿာကို ၂၀၀ လောက် စျေးကျဆင်းသွားခဲ့ပါတယ်။

စီပီပြောင်းစျေးဆက်တက်

တရုတ်နိုင်ငံကို အဓိကထား တင်ပို့နေတဲ့ စီပီပြောင်းက စျေးဆက်တက်လာပါတယ်။ တစ်ပိဿာကို ၅၂၀ ကနေ ၅၉၀ ထိ ပေါက်စျေးရှိနေပြီး လက်ရှိအချိန်မှာတော့ တစ်ပိဿာကို ၃၀ကျပ်လောက် စျေးမြင့်တက်လာခဲ့ပါတယ်။

တရုတ်နိုင်ငံက အဝယ်သွက်နေတဲ့အတွက် စျေးက မြင့်တက်နေတာလည်း ဖြစ်ပါတယ်။ ပုံမှန် မူဆယ်ကနေတဆင့် တရုတ်နိုင်ငံကို ပြောင်းကားအစီးရေ ၄၀၀ နီးပါး နေ့စဉ်ဝင်ရောက်နေပြီး ပြီးခဲ့တဲ့တစ်လလုံး ပြောင်းတန်ချိန် လေးသောင်းကျော် တင်ပို့ခဲ့ပြီးဖြစ်တယ်လို့ စီးပွားရေးနဲ့ ကူးသန်းရောင်းဝယ်ရေးဝန်ကြီးဌာနကနေ သိရပါတယ်။

လက်ရှိပြောင်းပေါက်စျေးကတော့ တစ်ပိဿာကို ၅၄၀ ကနေ ၆၀၀ ရှိပါတယ်။

ကုလားပဲစျေးဆက်မြင့်

ကုလားပဲမျိုး ဝယ်ယူမှုများနေတဲ့အတွက် ကုလားပဲစျေးကတော့ ဆက်ပြီး မြင့်နေပါတယ်။ လက်ရှိမှာ ပြည်တွင်းက ဝယ်လက်ဝယ်ယူမှုများနေပြီး ပဲခွဲစက်တွေကလည်း ပုံမှန်ဝယ်ယူနေတဲ့အတွက် စျေးကအတက်စျေးနဲ့ရှိနေပါတယ်။

လက်ရှိကုလားပဲစျေးက တစ်တင်းကို လေးသောင်းခွဲလောက် စျေးရရှိနေပြီး မျိုးပဲကတော့ တစ်တင်းကို ၄၆၀၀၀ လောက် ပေါက်စျေးရှိနေပါတယ်။

 

၀တ်ရည်မွန် (AMIA)v


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်