မိုးဇလ
Greenovator
လက်ရှိအခြေအနေအရ မုတ်သုံလေဦးဟာ အီကွေတာအနီးနဲ့ တောင်ဖက်တွင်ရှိနေသေးခြင်းနဲ့ ဘင်္ဂလား ပင်လယ်အော်မှာရော၊ တောင်တရုတ်ပင်လယ်ပြင်မှာရော မုန်တိုင်းများ အဖြစ်နည်းနေခြင်းတို့ကြောင့် မြန်မာနိုင်ငံ အလယ်ပိုင်းဒေသများ၊ မြစ်ဝကျွန်းပေါ်ဒေသများ၊ မြေလတ်ပိုင်းဒေသများ နဲ့ တောင်ပိုင်းဒေသတွေမှာ မိုးနည်းပြီး အပူချိန်များမြင့်တက်လျက် ရှိနေပါတယ်။
ပူပြင်း လွန်တဲ့ နေအ ရှိန်ကြောင့် လူအများက မိုးကို တောင့်တလျက်ရှိနေ ကြပါတယ်။ လက်ရှိအခြေအနေများအပေါ် အခြေခံကာ မိုးဖို့အလားအလာကိုတွက်ဆကြည့်ရာတွင် ဧပြီလ (၂၂-၂၈) ရက်အတွင်း ဘင်္ဂလား ပင်လယ်အော်တောင်ပိုင်းတွင် လေဖိအားနည်းရပ်ဝန်းတစ်ခု စတင်ဖြစ်ပေါ်လာနိုင်ပြီး၊ မုန်တိုင်းတစ်ခုအဖြစ်သို့ ရောက်ရှိလာနိုင်ကာ အရှေ့မြောက်ဖက်သို့ဦးတည်ရေွ့လျားသွားလာရင်း ရခိုင်ပြည်နယ်မြောက်ပိုင်း-ဘင်္ဂလားဒေ့ရှ်နိုင်ငံ ကမ်းခြေကို ချဉ်းကပ်လာနိုင်ပါတယ်။ ဒါပေမယ့် ဧပြီလ(၂၈)ရက်နေ့အထိ မြန်မာနိုင်ငံတွင် မိုးရွာသွန်မှုမရှိနိုင်သေးပဲ ရာသီဥတု ကို ဆက်လက်ပူပြင်းခြောက်သေွ့နေစေဦးမှာဖြစ်ပါတယ်။
ဧပြီလ(၂၉)ရက်မှ မေလ(၅)ရက်နေ့အထိ ကာလအတွင်းမုန်တိုင်းငယ်ဟာ ကမ်းကိုမဖြတ်ကျော်မီ အားလျော့ သွားနိုင်ကာ ရခိုင်ပြည်နယ် နဲ့ ဘင်္ဂလားဒေ့ရှိနိုင်ငံကမ်းခြေအနီးမှ ကမ်းကိုဖြတ်ကျော်ဝင်ရောက် လာနိုင်ပါတယ်။ ထိုအချိ န်မေလဆန်းတွင် မြန်မာတနိုင်ငံလုံးမိုးရရှိနိုင်ပြီး အပူရှိန်မြင့်တက်မှုတွေလည်းလျော့နည်း ကျဆင်းသွားဖွယ် ရာရှိပါကြောင်း သုံးသပ်ရရှိပါတယ်။
- ဒေါက်တာထွန်းလွင်
မာလာမြိုင် ကုမ္ပဏီ ကြော်ငြာ
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ comment.comment }}
{{ question.title }}