တောင်သူများနှင့် ဒစ်ဂျစ်တယ် နည်းပညာ

“ခေတ်မီတောင်သူဖြစ်ဖို့ ဒစ်ဂျစ်တယ်နည်းပညာ လေ့လာစို့” အစီစဥ်လေး ပြန်လည် ရောက်ရှိလာပြန်ပါပြီ ခင်ဗျ။ ယခုတစ်ပတ်မှာတော့ တောင်သူများနှင့် ဒစ်ဂျစ်တယ် နည်းပညာ ဆိုတဲ့အကြောင်း မျှဝေပေးသွားမှာ ဖြစ်ပါတယ်။

ယနေ့ခေတ်ဟာ နည်းပညာခေတ်ဖြစ်ပါတယ်။ မြို့ရွာ ကျေးလက်ဒေသ မကျန် ဖုန်းတွေ၊ အင်တာနက်တွေ သုံးစွဲလာကြပြီး သတင်းအချက်အလက်တွေရရှိလာကြပါတယ်။ ထို့အတူ စိုက်ပျိုးရေး လုပ်ကိုင်ကြတဲ့ တောင်သူတွေအတွက်လည်း ဒစ်ဂျစ်တယ်နည်းပညာကို အခြေခံပြီး ဖန်တီးထားတဲ့ စိုက်ပျိုးရေးဆိုင်ရာ ဖုန်းဆော့ဝဲလ်တွေ၊ နည်းပညာတွေ ရှိနေပြီဖြစ်ပါတယ်။

တောင်သူတွေဟာ ဖုန်းဆော့ဝဲလ်တွေကနေတစ်ဆင့် စိုက်ပျိုးရေး၊ မွေးမြူရေး၊ ရေလုပ်ငန်း၊ မိုးလေဝသ၊ သီးနှံဈေးကွက် စသည်ဖြင့် မိမိတို့လိုအပ်တဲ့ နည်းပညာတွေကို အလွယ်တကူ လေ့လာနိုင်ကြပြီ ဖြစ်ပါတယ်။ ထို့အပြင် တောင်သူများ အနေနဲ့ သီးနှံစိုက်ပျိုးရာမှာ လုပ်ဆောင်ခဲ့တာတွေကို မှတ်သားနိုင်တဲ့ နည်းပညာတွေ၊ ဖုန်းဆော့ဝဲလ်ကနေ စိုက်ခင်းအတွက်လိုအပ်တဲ့ သွင်းအားစုတွေဝယ်ယူနိုင်တာတွေ၊ စိုက်ခင်းမှ ထွက်ရှိတဲ့ သီးနှံတွေကို ဆော့ဝဲမှတစ်ဆင့် ရောင်းချနိုင်တာတွေအထိ ရှိလာပြီဖြစ်ပါတယ်။

ဥပမာ - အစိမ်းရောင်လမ်း စိုက်ပျိုး/မွေးမြုရေး ဖုန်းဆော့ဝဲလ် စိုက်ပျိုးရေးဆိုင်ရာ သင်တန်းတွေနဲ့ ဆွေးနွေးပွဲတွေဆိုရင်လည်း Zoom/ Google Meet/ Messenger Room စတဲ့ ဆော့ဝဲလ်တွေအသုံးပြုပြီး အွန်လိုင်းကနေ တက်ရောက်လာနိုင်ကြပြီဖြစ်ပါတယ်။ မြန်မာနိုင်ငံမှာ လူသိများတဲ့ Facebook (ဖေ့စ်ဘုတ်)တို့ Youtube (ယူကျူ့) တို့လို လူမှုကွန်ယက်မီဒီယာတွေမှာဆိုရင်လည်း စိုက်ပျိုးရေးနည်းပညာလေ့လာနိုင်တဲ့ Group (အဖွဲ့/အုပ်စု) တွေ၊ ဗီဒီယိုတွေရှိနေတာကြောင့် အလွယ်တကူရှာဖွေ လေ့လာနိုင်ပြီဖြစ်ပါတယ်။

တောင်သူတွေအတွက် လိုအပ်နေတဲ့ နည်းပညာတွေနဲ့ သတင်းအချက်အလက်တွေ မြန်မြန်ဆန်ဆန် ရရှိနိုင်ဖို့အတွက် ဒစ်ဂျစ်တယ်နည်းပညာတွေဟာ အဓိကကျလာပါတယ်။ ဒါကြောင့် တောင်သူဦးလေး ဒေါ်လေးတို့အနေနဲ့လည်း အင်တာနက်နဲ့ ဖုန်းတွေကို ကောင်းစွာနားလည် တတ်ကျွမ်းထားဖို့ လိုအပ်လာပါတယ်။ ဒါမှသာ မိမိသိချင်တဲ့ နည်းပညာတွေ၊ သတင်းအချက်အလက်တွေ၊ အချိတ်အဆက်တွေ၊ ဈေးကွက်ဆိုင်ရာ အခွင့်အလမ်းတွေ ပိုမိုရရှိလာနိုင်မှာ ဖြစ်ပါတယ် ခင်ဗျ။ ခေတ်မှီတဲ့ တောင်သူတွေဖြစ်လာကြမယ်လို့ ယုံကြည်ရင်း…

ယခင်တစ်ပတ်က ဖော်ပြခဲ့တဲ့ ဆောင်းပါးလေးကို ပြန်လည်ဖတ်ရှုချင်ရင်တော့ ဖော်ပြပါ လင့်ကနေတစ်ဆင့် ဝင်ရောက်ဖတ်ရှုနိုင်ပါတယ် ခင်ဗျ။

ဒစ်ဂျစ်တယ် ခြေရာများ

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

တောင်သူများနှင့် ဒစ်ဂျစ်တယ် နည်းပညာ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

တောင်သူများနှင့် ဒစ်ဂျစ်တယ် နည်းပညာ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

ဒေသထွက်ဇီဝထွက်ကုန်များ ကုန်သွယ်ခြင်းဆိုသည်မှာ

ICT (အိုင်စီတီ) ဆိုတာ ဘာလဲ ?

အင်တာနက်ဆိုတာ ဘာလဲဗျ?

{{ post.title }}