ဖုန်းတွေရဲ့ လိုင်းဆွဲအားများအကြောင်း

“ခေတ်မီတောင်သူဖြစ်ဖို့ ဒစ်ဂျစ်တယ်နည်းပညာ လေ့လာစို့” အစီစဥ်လေး ပြန်လည်ရောက်ရှိလာပြန်ပါပြီ ခင်ဗျ။

ယခုတစ်ပတ်မှာတော့ ဖုန်းတွေရဲ့ လိုင်းဆွဲအား အကြောင်း မျှဝေပေးသွားမှာ ဖြစ်ပါတယ်။

တောင်သူ ဦးလေး ဒေါ်လေးတို့ 3G/ 4G တို့ဆိုတာ ကြားဖူးကြမယ် ထင်ပါတယ် ခင်ဗျ။ အခြေခံအားဖြင့် G (ဂျီ) ဆိုတာ ပိုမိုမြန်ဆန်သော လိုင်းဆွဲအားကို ရည်ညွှန်းပါတယ်။ ဖုန်းရဲ့ လိုင်းဆွဲအားတွေ အဆင့်ဆင့် ဘယ်လိုပြောင်းလဲလာခဲ့တယ်ဆိုတာ လေ့လာကြည့်ရအောင်လား ခင်ဗျ။

1G - ၁၉၈၀ လောက်မှာ အသုံးပြုခဲ့ကြပါတယ်။ ပထမဆုံးသော ကြိုးမဲ့ ဖုန်းပြောစနစ်လည်း ဖြစ်ပါတယ်။ ဖုန်းပြောလို့ ရပေမယ့် နည်းပညာတွေ မတိုးတက်သေးတဲ့အတွက် ဖုန်းပြောတဲ့အခါမှာ အသံ ကြည်လင်ပြတ်သားမှု မရှိပါဘူး။

2G - ဒီစနစ်ဟာတော့ 1G စနစ်ထက် ပိုပြီးတွင်ကျယ်စွာ အသုံးပြုလာနိုင်ပါတယ်။ အင်တာနက်၊ မက်ဆေ့ချ်၊ အီးမေးလ်တွေ စတင်အသုံးပြုနိုင်ခဲ့ပြီး ဖုန်းပြောရာမှာလည်း ပိုပြီးကြည်လင်လာပါတယ်။

3G - ယခင်စနစ်တွေထက် ပိုပြီးတွင်တွင်ကျယ်ကျယ် အသုံးပြုလာနိုင်ပါတယ်။ အင်တာနက်လိုင်းများ ပိုကောင်းလာပြီး ဗီဒီယိုများကို မြန်ဆန်စွာ ကြည့်ရှုလာနိုင်ပါတယ်။ ဓာတ်ပုံတွေ ပေးပို့လာနိုင်ပါတယ်။ ဖုန်းပြောရာမှာလည်း ကြည်လင်စွာကြားရပြီး အချက်အလက်တွေကိုလည်း မြန်မြန်ဆန်ဆန်ပို့လာနိုင်ပါတယ်။

4G - ယခုလက်ရှိသုံးနေတဲ့ လိုင်းဆွဲအားဖြစ်ပါတယ်။ ယခင်စနစ်တွေထက် လိုင်းဆွဲအားကောင်းပြီး အင်တာနက်၊ ဖုန်း စတာတွေကို အမြင့်ဆုံးလိုင်းဆွဲအားဖြင့် လုပ်ဆောင်ပေးပါတယ်။

5G - 5G ဆိုတာ ပဥ္စမမျိုးဆက် မိုဘိုင်းဆက်သွယ်ရေး နည်းပညာတစ်ခုဖြစ်ပါတယ်။ 5G ဆက်သွယ်ရေးကိရိယာတွေဟာ လက်ရှိ 4G ထက်မြန်နှုန်းပိုမြင့်ပါတယ်။ 5G မှာ ဇာတ်ကား တစ်ကားကို စက္ကန့်ပိုင်းအတွင်း ဒေါင်းလုဒ်ဆွဲနိုင်မှာ ဖြစ်ပါတယ်။ 5G မှာဆိုရင် အင်တာနက်လိုင်း မကောင်းတာမျိုးတွေ ရှိမှာမဟုတ်ပါဘူး။ 5G ကိုအသုံးပြုခြင်းဖြင့် မြောက်များစွာသော လျှပ်စစ်အခြေခံပစ္စည်းတွေနဲ့လည်း ချိတ်ဆက်အသုံးပြုနိုင်မှာပဲ ဖြစ်ပါတယ်။

Knowledge Box App မှ ကိုးကားဖော်ပြပါသည်။

ယခင်တစ်ပတ်က ဖော်ပြခဲ့တဲ့ ဆောင်းပါးလေးကို ပြန်လည်ဖတ်ရှုချင်ရင်တော့ ဖော်ပြပါ လင့်ကနေတစ်ဆင့်ဝင်ရောက်ဖတ်ရှုနိုင်ပါတယ်။

SMS(အက်စ်အမ်အက်စ်) ဆိုတာဘာလဲ?

ဆောင်းပါးများ/သတင်းများပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန်မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...