ချက်ရောင်ခြင်း

20/10/2020 12:45 PM တွင် MDEP MDEP မှ ရေးသား ပြီး MDEP MDEP မှ ပေးပို့ထားပါသည်။

    ချက်ကြိုးသည် ကိုယ်၀န်ဆောင်ကာလအတွင်း သန္ဓေသား အသက်ရှင်ကြီးထွားရန် လိုအပ်သည့် အောက်ဆီဂျင်နဲ့ အာဟာရများကို မိခင်နွားမကြီးထံမှ သန္ဓေသားထံသို့ သယ်ပေးခြင်း၊ သန္ဓေသားထံမှ စွန့်ထုတ်ပစ္စည်းများကို ပြန်လည်သယ်ဆောင်ပေးခြင်းစသည့် လုပ်ငန်းများကိုလုပ်ဆောင်ပေးသည်။ 

    နွားကလေးချက်ကြိုးဖြတ်ပြီးနောက် ကျန်ရှိသည့်အပိုင်းသည် သဘာ၀အရ ပိတ်သွား၊  ခြောက်သွားပြီး ကြွေကျသွားသည်။ သို့သော် ထိုချက်ကြိုးမခြောက်ခင် သန့်ရှင်းမှုအားနည်း‌ခြင်းကြောင့် ပတ်၀န်းကျင်ရှိ ဘက်တီးရီးယားပိုးမွှားများ ၀င်ရောက်လာပြီး ချက်ရောင်ခြင်း၊ ပြည်တည်ခြင်းများဖြစ်နိုင်သည်။ ‌ယင်ကောင်နားပြီး လောက်ကျသည်အထိဖြစ်တတ်ပါသည်။ 

    တစ်ခါတရံ မွေးဖွားရခက်ခြင်းကြောင့်  မွေးသည့်အချိန်တွင် ချက်ကြိုးဆုတ်ပြဲသွားခြင်း၊ ချက်ကြိုးပြတ်တာ အလွန်တိုသွားခြင်း စသည်တို့ကြောင့်လည်း ချက်ရောင်ခြင်းဖြစ်တတ်ပါသည်။ တချို့နွားငယ်လေးများတွင် သန့်ရှင်းမှုအားနည်းခြင်းကြောင့် တစ်ကောင်နဲ့တစ်ကောင် ချက်ကို လျှာဖြင့်လျှက်ခြင်းမှလည်း ဖြစ်တတ်ပါသည်။

    နွားငယ်လေးများ ချက်ရောင်ခြင်းဖြစ်လာလျှင် အဖျားရှိပြီး မှိုင်လာမည်။ အစားပျက်လာမည်။ ‌ချက်ရောင်နေသည့် နွားငယ်လေးကို သန့်ရှင်းသောနေရာတွင် သီးသန့်ခွဲထားရမည်။ နားလည်တတ်ကျွမ်းသူနဲ့ စနစ်တကျ ဆေးကုသသင့်သည်။ ပြည်တည်နာဖြစ်‌နေလျှင် ပြည်ဖောက်ထုတ်ရမည်။ 

    နောက်ဆက်တွဲအနေဖြင့် ချက်တိုင်မှတဆင့် ခန္ဓာကိုယ်အတွင်း၀င်သွားသော ဘက်တီးရီးယားပိုးအများစုသည် အရိုးအဆစ်များတွင်နေပြီး အဆစ်ရောင်ပြည်တည်ခြင်းလည်း ဖြစ်နိုင်ပါသည်။ 

    ငယ်ရွယ်စဉ်တွင် ချက်ရောင်ခြင်းပြဿနာရှိခဲ့သော နို့စားနွားမများသည် ၎င်းတို့ အမှန်တကယ်ပေးနိုင်သော အမြင့်ဆုံးထုတ်လုပ်မှုကို မပေးနိုင်တော့ပေ။

    ချက်ရောင်ခြင်းသည် နွားငယ်များတွင် စတုတ္ထဖြစ်ပွားမှုအများဆုံးရောဂါဖြစ်သည်။ ထို့ကြောင့် နွားငယ်များ ချက်ရောင်ခြင်းမဖြစ်စေရန် စနစ်တကျ ကြိုတင်ကာကွယ်သင့်သည်။

နွားငယ်များချက်ရောင်ခြင်း မဖြစ်စေရန်

  • နွားမကြီး သားမွေးသည့်နေရာသည် သန့်ရှင်းနေရမည်။
  • နွားကလေးကို ချက်ကြိုးဖြတ်ပြီးပြီးချင်း ချက်ကို တင်ချာအိုင်အိုဒင်း (၇%) ဖြင့် တစ်နေ့ (၂) ကြိမ် ပိုးသတ်ပေးရမည်။ 
  • နွားကလေးခြံသည် သန့်ရှင်းခြောက်သွေ့နေရမည်။ 
  • မွေးပြီး အမြန်ဆုံး နို့ဦးရည် အလုံအလောက်တိုက်ရန် အရေးကြီးသည်။
  • နွားထီးလေးများ၏ချက်သည် ခြောက်ရန် အချိန်ပိုကြာသည့်အတွက် ပို၍ဂရုစိုက်ပေးရန် လိုအပ်ပါသည်။

MDEP

ဆောင်းပါးများ/သတင်းများ ပြန်လည်ကူးယူဖော်ပြပါက "အစိမ်းရောင်လမ်းမှ ပြန်လည်ကူးယူဖော်ပြပါသည်" ဟု ထည့်ပေးပါရန် မေတ္တာရပ်ခံအပ်ပါသည်။


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်