မွေးဝက်ငယ်လေးများကို ပြုစုစောင့်ရှောက်နည်း

စီးပွားဖြစ်ဝက်မွေးမြူရေးလုပ်ငန်းမှာ ဝက်မကြီးမွေးပြီး နာရီအနည်းငယ်ဟာ မွေးဝက်ငယ်လေးများ  အသက်ရှင်နိုင်ဖို့အတွက် လွန်စွာအရေးကြီးတဲ့ ကာလဖြစ်ပါတယ်။ ဒါ့ကြောင့် ဝက်မွေးမြူသူတွေအနေဖြင့် မွေးပြီး (၂၄) နာရီအတွင်း မွေးဝက်မနှင့် ဝက်ကလေးတွေကို အနီးကပ် ဂရုစိုက်မှုလိုအပ်ပါတယ်။ ပုံမှန်အားဖြင့် မွေးဝက်ငယ်သေဆုံးမှုရဲ့ ထက်ဝက်ကျော်ဟာ မွေးပြီးနာရီအနည်းငယ်အတွင်း သေဆုံးတာကြောင့် အဖြစ်များပါတယ်။ မွေးမြူသူတွေ အနေဖြင့် ဝက်ငယ်မွေးဝက်ငယ်လေးများ သေဆုံးမှုနည်းအောင်၊ သားခွဲကိုယ်အလေးချိန် ပြည့်မီအောင် လုပ်ဆောင်နိုင်ရန်အတွက် အရေးကြီးတဲ့အချက်တွေကို  ဖော်ပြပေးချင်ပါတယ်။

ပထမအရေးကြီးတဲ့အချက်ကတော့ မွေးပြီးပြီးချင်း ဝက်ငယ်လေးတွေရဲ့ နှာခေါင်း၊ ပါးစပ်နှင့် ခန္ဓာကိုယ်အနှံ့မှာ အကျိအချွဲများ ကပ်ပါလာတတ်ပါတယ်။ ၎င်းအကျိအချွဲများကို သေချာသန့်စင်ပြီး မိခင်၏ နို့ဦးရည်(colostrum) ကို (၂၄) နာရီအတွင်းရရှိအောင် လုပ်ဆောင်ပေးရပါမယ်။ ထိုသို့လုပ်ဆောင်ရာတွင် ဝက်ငယ်လေးတွေကို အုပ်စု(၂) စုခွဲကာ နို့ဦးရည်ကို တိုက်ကျွေးပေးနိုင်ပါတယ်။ 

ထို့နောက်မွေးပြီး တစ်ရက်ကျော်လျှင် ဝက်ငယ်လေးတွေကို ချက်ကြိုးဖြတ်ခြင်း၊ အမြီးဖြတ်ခြင်းတို့ကို လုပ်ဆောင်ပေးနိုင်ပါတယ်။ မွေးပြီး ရက်သတ္တပတ်အတွင်း ဝက်ငယ်လေးတွေ လိုအပ်တဲ့အပူချိန် ရရှိအောင်လုပ်ဆောင်ပေးခြင်း၊ နို့တိုက်ပေးခြင်းတို့ကို လုပ်ဆောင်ပေးရပါမယ်။

ဝက်မွေးသူတွေအနေဖြင့် ဝက်အုပ်အတွင်း အားနည်းသည့် ဝက်ငယ်လေးများ၊ အရွယ်ငယ်တဲ့ ဝက်ငယ်လေးများကို သေချာဂရုစိုက်ပေးခြင်းဖြင့် ဝက်ငယ်လေးတွေ သေဆုံးမှုကို လျှော့ချနိုင်ပါတယ်။ 

မွေးဝက်ငယ်လေးတွေအတွက် နို့ဦးရည်(colostrum) ဟာ အောက်ပါအချက်တွေကြောင့် အရေးကြီးလှပါတယ်။ 

• ၁) နို့ဦးရည်ဟာ ဝက်ကလေးတွေအတွက် ခံနိုင်ရည်၊ အာဟာရနှင့် ခုခံအားအတွက် မရှိမဖြစ်အရေးကြီးခြင်း။
• ၂) နို့ဦးရည်ဟာ ဝက်ငယ်လေးရဲ့ ခုခံအားစနစ်ဖွံ့ဖြိုးလာအောင် အကူအညီပေးခြင်း။
• ၃) မွေးပြီး၂၄ နာရီကျော်လျှင် ဝက်ငယ်လေးတွေရဲ့ အူလမ်းကြောင်းဟာ ခုခံအားစနစ်အတွက်အရေးကြီးတဲ့ပစ္စည်း (antibodies) ကို မစုပ်ယူနိုင်တော့ခြင်း။
• ၄) ဝက်မကြီးမှ မွေးပြီး ၂၄ နာရီအတွင်းသာ နို့ဦးရည် ထွက်ရှိခြင်းတို့ကြောင့် နို့ဦးရည်ကို (၂၄) နာရီအတွင်း အဖြစ်မနေတိုက်ကျွေးပေးသင့်ပါတယ်။

နောက်ထပ်အရေးကြီးတဲ့အချက်ဖြစ်တဲ့ ဝက်ငယ်လေးတွေ သေဆုံးမှုများနိုင်တဲ့ အခြေအနေတွေကို မွေးမြူသူတွေ ရှောင်ရှားနိုင်အောင်ဖော်ပြပေးချင်ပါတယ်။ ပုံမှန်အားဖြင့် မွေးဝက်ငယ်လေးတွေဟာ အောက်ပါအခြေအနေတွေမှာ သေဆုံးတာဖြစ်တတ်ပါတယ်။

• ၁) နို့ဦးရည်ကို ၂၄ နာရီအတွင်း လုံလောက်စွာ မရရှိခြင်း၊
• ၂) မွေးစကိုယ်အလေးချိန် ၀.၈ ကီလိုဂရမ်ထက် နည်းခြင်း၊
• ၃) မွေးဝက်ငယ်ကောင်ရေများတဲ့ ဝက်အုပ်ရှိ ဝက်ငယ်လေးများ စနစ်တကျ ပြုစုစောင့်ရှောက်မှု မရရှိခြင်း၊
• ၄) ဝက်မကြီးကိုကျွေးတဲ့အစာ အာဟာရမပြည့်ဝခြင်း၊
• ၅) ဝက်မကြီးမှ နေမကောင်းသောကြောင့် နို့မချခြင်း စတဲ့အခြေအနေတွေမှာ သေဆုံးမှုများနိုင်ပါတယ်။

မွေးမြူရေးလုပ်ငန်းရှင်တွေအနေဖြင့် ဝက်မွေးမြူရေးကို အောင်အောင်မြင်မြင်လုပ်ဆောင်နိုင်ဖို့ဆိုလျှင် ဝက်ငယ်လေးများ မွေးပြီး ရက်အနည်းငယ်အတွင်း စနစ်တကျ ပြုစုစောင့်ရှောက်ခြင်းဖြင့် မွေးဝက်ငယ်လေးများ သေဆုံးနှုန်း(motality) ကို လျှော့ချနိုင်ပြီး စီးပွားရေးအတွက် အကျိုးအမြတ်ရရှိနိုင်မှာဖြစ်ပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်