အယ်လ်နီညိုအကြိုကာလအတွင်း တောင်သူများ ကြိုတင်ပြင်ဆင်ထားရမည့်အရာများနှင့် ဖြစ်နိုင်ချေများ

အယ်လ်နီညိုက ဖြစ်ပြီ/ဖြစ်နေပြီလို့ ဩစတေးလျ မိုးလေဝသဗျူရိုက ကြေညာထားပြီဖြစ်ကြောင်းကို စာရေးသူ ဆရာဦးဝင်းနိုင်ရဲ့ ဖေ့ဘုတ်စ်စာမျက်နှာမှာ post တင်ပေးထားပြီးပါပြီ။

https://www.facebook.com/uwinnaing/posts/pfbid02JxeeCnFQKzPDRHFZTCTNLFGVUcx2NGiKQQ7MipXUyG7udDbi32um9Mr9naMSzXVcl

အခု ဆောင်းပါးမှာတော့ စက်တင်ဘာလ လကုန်ပိုင်းမှာသိသာထင်ရှားလာနိုင်မဲ့ နောက်ဆက်တွဲဖြစ်ရပ်တစ်ခုကိုရှင်းပြပေးချင်ပါတယ်။ အရင်ဆုံး အယ်လ်နီညိုဖြစ်ပြီဆိုရင် ပုံမှန်အားဖြင့် အရှေ့အရပ်မှ အနောက်အရပ်ကို တိုက်ခတ်နေတဲ့ အပူပိုင်းဇုံအတွင်း(TROPICAL ZONE)ထဲက ကုန်သည်လေစီးကြောင်းကြီး အားနည်းသွားပါတယ်။ အဲ့ဒီလိုဖြစ်ရတာကလဲ အယ်လ်နီညို ကြောင့် ပိုမိုပူနွေးလာတဲ့ ပင်လယ်ပြင်ကပျံ့လွင့်တက်လာတဲ့ ရေခိုးရေငွေ့တွေကြောင့် ကုန်သည်လေစီးကြောင်းကြီးပုံမှန်စီးဆင်းနေတာကို အနှောင့်အယှက်ဖြစ်စေတဲ့ အထက်ပင့်လေစီးကြောင်းတွေ(UPDRAFTS and CONVECTIOS)ဖြစ်လာတာကြောင့်ပါပဲ။

အဲ့ဒီတော့ အယ်လ်နီညိုဖြစ်လာရင် -

ပူပြင်းပြီးခြောက်သွေ့တဲ့လေထုအခြေအနေတွေ ဖြစ်လာတာကြောင့် အစွန်းရောက်ရာသီဥတုဖြစ်စဉ်များဖြစ်ပေါ်တတ်ပါတယ်။

မိုးခေါင်ခြင်းကြောင့် စိုက်ပျိုးမြေများတွင်လိုအပ်သည့် စိုထိုင်းဆကျဆင်းပြီး သီးနှံဖြစ်ထွန်းအောင်မြင်နိုင်ခြေနည်းပါးလာခြင်းပါ ဖြစ်လာနိုင်တယ်။

ပူပြင်းပြီးမြေပြင်ခြောက်သွေ့မှုလွန်ကဲတာကြောင့် တောမီးလောင်ခြင်းတွေလည်း များလာနိုင်တယ်။ ဒီလိုအခြေအနေတွေက အခုလာမယ့် ဆောင်းရာသီက စ ပြီးဖြစ်လာနိုင်ကြောင်း NOAA က ခန့်မှန်းထားတယ်။

ကျန်းမာရေးရှုထောင့်ကကြည့်ရင်တော့ အဓိကအချက်ကြီး ၃ ခုအပေါ်မှာ သက်ရောက်မှုတွေ ဖြစ်လာနိုင်တယ်။

အဲ့ဒါတွေက -

(၁)ရောဂါများပြန့်ပွားကူးစက်မှု ပြင်းထန်တတ်ခြင်း၊
(၂)အစာရေစာငတ်မွတ်ခေါင်းပါးခြင်းနဲ့
(၃)အသက်ရှုလမ်းကြောင်းဆိုင်ရာရောဂါများပိုမိုများပြားလာခြင်းတွေ ဖြစ်နိုင်ကြောင်း .. စသည်ဖြင့် ဖြစ်နိုင်တာတွေကိုလေ့လာတင်ပြပေးခဲ့ပါတယ်။

🔸 တစ်ခုသိထားရမှာက ဒီအခြေအနေတွေဟာ ၂၀၂၃ ဒီဇင်ဘာလမှာ အယ်နီညိုအားအပြင်းဆုံးဖြစ်လာနိုင်ပြီး အယ်နီညိုနှစ်လို့ပြောတဲ့ ၂၀၂၄ ခုနှစ်ထဲမှာ ဖြစ်လာနိုင်မယ့် ဖြစ်ရပ်တွေဖြစ်ပါတယ်။

အခုလက်ရှိအချိန် - ၂၀၂၃ စက်တင်ဘာလတွင်း (အယ်လ်နီညိုအကြိုကာလ) ထဲမှာတော့ မိုးလွန်ကာလမိုးတွေရွာစေနိုင်မယ့် လေဖိအားနည်းရပ်ဝန်းတွေ၊ မုန်တိုင်းတွေ၊ အရှေ့လေပွေလှိုင်းတွေဖြစ်လာနိုင်ပါတယ်။

🔸 အပူပိုင်းဇုံ(TROPICAL ZONE)အတွင်း ကုန်သည်လေစီးကြောင်းကြီးအားနည်းသွားပြီး အနောက်မှအရှေ့သို့ တိုက်ခတ်နေတဲ့ အနောက်လေစီးကြောင်းအားကောင်းလာတာနဲ့ - အယ်လ်နီညိုအကြိုကာလ-မိုးနှောင်း/မိုးလွန်ကာလမှာဖြစ်လာနိုင်မယ့် အခြေအနေတွေက အခုစက်တင်ဘာလ လကုန်ပိုင်းမှာဖြစ်လာနိုင်ကြောင်း သင်္ချာပုံစံမိုးလေဝသကြိုတင်ခန့်မှန်းရေမော်ဒယ်တွေက တပြေးညီ ပြသနေကြတာလဲ တွေ့နေရပါတယ်။

အဲ့ဒီတော့ကာ

🔸 အယ်လ်နီညိုအကြိုကာလအတွင်း အရင်ဆုံးကြုံတွေ့ကြရတော့မယ့် - မိုးလွန်ကာလဖျက်မိုးတွေကြောင့် (မိုးရွာတာရပ်သွားပြီး ရိတ်သိမ်းခြွေလှေ့လုပ်ငန်းတွေလုပ်ကြရတဲ့ စပါးရိတ်သိမ်းချိန်မှာ) ရိတ်သိမ်းပြီးကောက်လှိုင်းတွေ ရေစိုကုန်တာမျိုး ဖြစ်နိုင်ပါတယ်။ရေနစ်မြုပ်ပျက်စီးတာတွေမှ လွတ်မြောက်အောင် မြေအမြင့်ပိုင်းနေရာတွေမှာ ကောက်လှိုင်းစည်းတွေရွှေ့ပြောင်းသိမ်းဆည်းဖို့ ပြင်ဆင်တာ၊ မရွှေ့ပြောင်းနိုင်တဲ့လယ်ကွင်းထဲက ကောက်လှိုင်းစည်းတွေကိုဖုံးအုပ်ကာကွယ်ပေးနိုင်မဲ့ မိုးကာစတွေကြိုတင်စီစဉ်တာ စသည်ဖြင့် .. "မိုးလွန်ကာလဖျက်မိုးအန္တရာယ်မှ ကာကွယ်နိုင်အောင် စတင်ပြင်ဆင်ကြရမယ့်အချိန်" ရောက်လာပြီဖြစ်ပါကြောင်း တောင်သူဦးကြီးတို့ကို သတိပေးလိုက်ရပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

အယ်လ်နီညိုအကြိုကာလအတွင်း တောင်သူများ ကြိုတင်ပြင်ဆင်ထားရမည့်အရာများနှင့် ဖြစ်နိုင်ချေများ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

အယ်လ်နီညိုအကြိုကာလအတွင်း တောင်သူများ ကြိုတင်ပြင်ဆင်ထားရမည့်အရာများနှင့် ဖြစ်နိုင်ချေများ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

နေ့စဉ်မိုးလေဝသသတင်း

ဇူလိုင်လ၊ ဒုတိယ(၁၀)ရက်ပတ်အတွက် မြစ်ရေအခြေအနေခန့်မှန်းချက်များ

နေ့စဉ်မိုးလေဝသ သတင်း

{{ post.title }}