တိုင်းရင်းကြက်မွေးမြူရေးရုံ ပြင်ဆင်ခြင်း

ကြက်များ အရွယ်တူမွေးမြူခြင်းနှင့် ကြက်အုပ်လိုက် ခြံသွင်း၊ ခြံထုတ်စနစ် “All in All out” သည် ရောဂါ ထိန်းချုပ်မှုအတွက် အကောင်းဆုံးဖြစ်သည်။
ကြက်ရုံမှ အသုံးအဆောင်ပစ္စည်းများကို ဖော်မလင် (၁ : ၂၀ ) အချိုးဖြင့်ဖျန်းပြီး တစ်ရက်ထားပါ။
ရွှေ့ပြောင်း၍ ရနိုင်သောပစ္စည်းများကို ကြက်ရုံထဲမှ ရွှေ့ပြောင်းပါ။
မြက်များကို ကြက်ရုံမှ (၂) မီတာအကွာအထိ ခုတ်ထွင်ရှင်းလင်းပြီး ပတ်ဝန်းကျင်အား ပိုးသတ်ဆေးသုံးပါ။
ကြက်ရုံနှင့် အသုံးအဆောင်ပစ္စည်းများကို ရေနှင့် ဆပ်ပြာမှုန့်ရောစပ်ပြီး သန့်ရှင်းသည်အထိ ဆေးကြောပါ။ ကြက်ရုံဆေးသော ကိရိယာသည် အနည်းဆုံး (၁) စတုရန်းလက်မတွင် ပေါင် (၅၀၀) ဖိအားရှိရမည်။
ကြက်သန်ကောင်ပြဿနာရှိခဲ့ဖူးလျှင် သန်ဥများကို ဖျက်ဆီးရန် ကော့စတစ်ဆိုဒါ ပြင်းအား (၂ %) ဖြင့် အခင်းနှင့် ပတ်ဝန်းကျင်အနှံ့ဖျန်းရန်၊ ဖျန်းပြီးနောက် အားလုံးကုန်စင်အထိ ရေသုံးပြီးဆေးရမည်။
သံဇကာနှင့် ခြံထောင့်များတွင် ကပ်ငြိနေသော ကြက်မွှေးများကို သုတ်သင်ပစ်ရန် မီးမှုတ်သွင်းပါ။
ပိုးသတ်ဆေးဖျန်းပြီးသော ခြံသုံးပစ္စည်းများကို ကြက်ရုံအတွင်း ပြန်ထည့်သွင်းပါ။
အားလုံးသန့်စင်ပြီးသည့်အခါ ကြက်ရုံအား အဝင်အထွက်မရှိစေရန် ပိတ်လိုက်ပါ။
(၁၄) ရက်ကြာပိတ်ထားပြီး ကြက်များ ထည့်သွင်းမွေးမြူနိုင်မည်ဖြစ်သည်။

အဆောက်အဦ

ကြက်ရုံအဆောက်အဦဆောက်လုပ်ခြင်းသည် တိုင်းရင်းကြက်ထုတ်လုပ်ခြင်းတွင် အရေးပါသောအချက်ဖြစ်သည်။ အဆောက်အဦသည် ကြက်များ၏လုံခြုံရေး၊ သက်တောင့်သက်သာနေနိုင်ရေးအတွက် စီစဉ်ပေးရမည်။ အဆောက်အဦအရွယ်အစားသည် ကြက်အရွယ်အစားအလိုက် ဆောက်လုပ်ပေးသင့်သည်။ ကြက်ရုံနှင့် ခြံစည်းရိုးဆောက်လုပ်ခြင်းဖြင့် ကောင်းမွန်သည့်အချက်များ-

• ကြက်များအား မိုးဒဏ်၊ လေဒဏ်၊ ပူပြင်းသော နေရောင်ခြည်ကို ကာကွယ်ပေးခြင်း၊

• ပြင်ပတိရစ္ဆာန်၊ သူခိုးများအန္တရာယ်မှ ကာကွယ်ပေးခြင်း၊

• ကြက်များအား အစာရေစာ လွယ်ကူစွာဖြည့်ဆည်းပေးနိုင်ခြင်း၊

• ရောဂါစစ်ဆေးခြင်း၊ ကာကွယ်ဆေးထိုးနှံခြင်း၊ ရောဂါကာကွယ်ပေးနိုင်ခြင်း၊

• ပြင်ပမှ ကူးစက်ရောဂါများအား ဝင်ရောက်မှုမရှိစေရန် ထိန်းချုပ်နိုင်ခြင်းတို့ဖြစ်သည်။

အဆောက်အဦဆောက်လုပ်ရာတွင် မွေးမြူမည့်စနစ်အလိုက် ဆောက်လုပ်ပေးရမည်ဖြစ်သည်။

တစ်ဝက်လွှတ်ကြောင်းမွေးမြူခြင်း

• မြေနေရာ ရွေးချယ်ခြင်း

• လိုအပ်သော အကျယ်အဝန်း

• ကြက်ခြံအဆောက်အဦ ဆောက်လုပ်မည့် အစီအစဉ်

• လွှတ်ကွင်းတွင် စိုက်ပျိုးပေးမည့် မြက်ခင်းအမျိုးအစားများ

• နေ့ခင်းအနားယူရန် ပြုလုပ်ပေးရမည့်ပုံစံ

• လေဝင်လေထွက်ကောင်းမွန်ရမည်။

ခြံတွင်းမွေးမြူခြင်း

• မွေးမြူမည့်ကောင်ရေအလိုက် ဆောက်လုပ်မည့် အဆောက်အဦအကျယ်အဝန်း

• အသက်အရွယ်ဦ အမျိုးအစားအလိုက် ဆောက်လုပ်ပေးရမည့် အဆောင်အဦပုံစံ

• ကြက်ခြံအတွင်း ထည့်သွင်းရမည့် ခြံသုံးပစ္စည်းများ (အစာခွက်၊ ရေခွက်၊ အိပ်တန်း၊ ဥတင်း၊ ဝပ်ကျင်း) စသည့်အချက်များ ထည့်သွင်းစဉ်းစားရမည်။

အဆောင်အဦဆောက်လုပ်ရာတွင် ဒေသထွက်ပစ္စည်းများနှင့် ဆောက်လုပ်ပြီး ကြက်ကြီးတစ်ကောင်လျှင် (၃) စတုရန်းပေ၊ ကြက်လတ်တစ်ကောင်လျှင် (၂) စတုရန်းပေ အကျယ်အဝန်းလိုအပ်သည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

တိုင်းရင်းကြက်မွေးမြူရေးရုံ ပြင်ဆင်ခြင်း

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

တိုင်းရင်းကြက်မွေးမြူရေးရုံ ပြင်ဆင်ခြင်း

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

မြေဆွေးကန်နဲ့ ဝက်မွေးမြူခြင်း

နို့စားနွား မွေးမြူရေး ခြံတွင် အဓိကထား လုပ်ဆောင်ရမည့် ဦးတည်ချက်များ

ထုတ်လုပ်မှု ကုန်ကျစာရိတ်နှင့် အကျိုးအမြတ် တွက်ချက်မှု (တစ်လစာ)

{{ post.title }}