မျိုးစိတ်သစ် Omicron ၏ ထူးခြားသောအချက်များ

- အခြားမျိုးစိတ်များနှင့်မတူဘဲ ကူးစက်နှုန်းမြန်လွန်းခြင်း

    Omicron မျိုးစိတ်ကို စတင်တွေ့ရှိခဲ့တဲ့ တောင်အာဖရိကနိုင်ငံက နိုဝင်ဘာလလယ်အတွင်း ကိုဗစ်ရောဂါဖြစ်သူ တစ်နေ့လျှင် အယောက် ၂၀၀ မှ ၃၀၀ အတွင်းရှိခဲ့ရာမှ ဒီဇင်ဘာလအစမှာ တစ်နေ့တည်း ကူးစက်သူပေါင်း ၁၁၅၀၀ ထိ မြင့်တက်သွားပါတယ်။ ဒါ့ပြင် ကမ္ဘာပေါ်မှာရှိတဲ့ တိုက်ကြီးခြောက်တိုက်မှ နိုင်ငံပေါင်း ၂၆ ခုကျော်ထိ ပျံ့နှံ့သွားပြီဖြစ်ပါတယ်။

- ကိုဗစ်ကူးစက်ခံရဖူးသူတွေ ပြန်လည်ကူးစက်နိုင်ခြင်း

    ကိုရိုနာဗိုင်းရပ်စ်ကြောင့် ကိုဗစ်ဖြစ်ဖူးသူတွေက Omicron မျိုးစိတ်ကွဲကြောင့် ရောဂါပြန်လည်ဖြစ်နှုန်း အလွန်များပြားပါတယ်။ ယခင်မျိုးစိတ်ကြောင့် ကိုဗစ်ဖြစ်သူတွေက ယခုမျိုးစိတ်သစ် Omicron ကို ခုခံနိုင်ဖို့ အလွန်နည်းပါးပါတယ်။

- ကိုဗစ်ကာကွယ်ဆေးများ၏ ထိရောက်မှုနှုန်း လျော့ကျနိုင်ခြင်း

    လက်ရှိရရှိနေတဲ့ ကိုဗစ်ကာကွယ်ဆေးတချို့က Omicron ပိုးကို ကာကွယ်နိုင်စွမ်း ၄၀ ရာခိုင်နှုန်းထိ လျော့ကျနိုင်တယ်လို့ သိရပါတယ်။ ဒါပေမယ့် ကိုဗစ်ကာကွယ်ဆေး အပြည့်အဝထိုးထားတာကြောင့် ဆေးရုံတက်ရနိုင်ခြေနဲ့ သေဆုံးနိုင်ခြေကတော့ လျော့နည်းနိုင်ပါတယ်။

- ကလေးတွေနဲ့ အသက် ၃၀ အောက်လူငယ်တွေမှာ ပိုမိုကူးစက်နိုင်ခြင်း

- ရောဂါလက္ခဏာ မပြင်းထန်ခြင်း

    Omicron မျိုးစိတ် ကူးစက်ခံရသူတွေက ပြင်းထန်တဲ့ ကိုဗစ်ရောဂါလက္ခဏာမရှိသလို ဆေးရုံတက်ရတာ ကိုယ်တွင်းအောက်ဆီဂျင်ပမာဏလျော့ကျတာမျိုးလည်း မရှိသလောက်ပါ။ မောပန်းတာ၊ ကိုယ်လက်ကိုက်ခဲတာနဲ့ လည်ချောင်းယားတာလိုမျိုးလက္ခဏာလောက်ပဲ ပြတတ်ပါတယ်။ ကိုဗစ်ရောဂါရဲ့သဘာဝက ရောဂါတွေ့ရှိပြီး သုံးလေးပတ်အကြာမှ ရောဂါလက္ခဏာက ပြင်းထန်တတ်ပါတယ်။ ပိုးစတင်တွေ့ရှိတဲ့ချိန်နဲ့ သုံးသပ်ချိန်က နှစ်ပတ်သာခြားသေးတာမို့ အတည်ပြုဖို့ စောနေပါသေးတယ်။

Source - ဒေါက်တာခင်မိုးမိုး (၃.၁၂.၂၀၂၁)