အရေပြားပြဿနာ...ဝဲ

    ဒီလိုအချိန်ကာလကြီးမှာ ဝဲ ဆိုတဲ့ အရေပြားပြသနာကလည်း စိတ်ညစ်စရာပါ။ အကျဥ်းချုပ်‌ပြောရရင် အရေပြားကို လှေးကောင်သေး‌သေးလေးတွေ ကိုက်တာခံရပြီး သူတို့ဥတွေကနေမှတစ်ဆင့် ယားနာတွေ ဖြစ်တာမျိုးပါ။ အကောင်းဆုံးကတော့ ဆရာဝန်ဆီပြပြီး ဆေးကုသမှုခံယူသင့်တာပါ။ ဒါ‌ပေမယ့် အကြောင်းအမျိုးမျိုးကြောင့် အခက်အခဲဖြစ်ခဲ့ရင် ကုသနိုင်မယ့် အိမ်တွင်းပစ္စည်းတွေကို ပြောပြပေးလိုက်ရပါတယ်။

၁။ လက်ဖက်စိမ်းဆီ

    လူသိများတဲ့ essential oil တစ်မျိုးပါ။ ဝဲကုသရာမှာ ထိရောက်မှုရှိပါတယ်။

၂။ ရှားစောင်း

    Smoothing gel ရယ်လို့ အသုံးများကြတဲ့ရှားစောင်းကို ဝဲအတွက်လည်း သုံးနိုင်ပါတယ်။ ဝဲကုသရာမှာသုံးတဲ့  Benzyl Bezonate လို့ခေါ်တဲ့ဆေးတစ်မျိုးနဲ့ အာနိသင်တူပါတယ်။

၃။ တမာဆီ

    ပိုးသတ်နိုင်ပြီးရောင်ရမ်းမှုကို လျော့ချနိုင်တဲ့ အာနိသင်တွေပါဝင်နေပါတယ်။ ‌ဝဲ ပေါက်စေတဲ့ လှေးကောင်လေး‌တွေကို သေစေလို့ အကျိုးသက်ရောက်မှုကောင်းတဲ့ အိမ်တွင်းဆေးတစ်မျိုးပါ။ (ခွေးလေးတွေမှာပေါက်တဲ့ ဝဲကို‌ကုချင်ရင် တမာဆီပါတဲ့ ရှန်ပူနဲ့ ၂ ပတ်ဆက်တိုက် ရေချိုးပေးခြင်းဖြင့် သိသာတဲ့သက်သာမှုကို ရရှိပါတယ်တဲ့)

၄။ လေးညှင်းဆီ Clove oil

    လေ့လာမှုတစ်ခုမှာတော့ ‌ယုန်တွေ ဝက်တွေမှာ ပေါက်တဲ့ဝဲကိုတော့ လေးညှင်းဆီက ကောင်းကောင်းနိုင်တယ်လို့ဆိုပါတယ်။ လူမှာပေါက်တဲ့ ဝဲကိုတော့ ထိရောက်မှုမရှိပါဘူးတဲ့။

၅။ Cayenne pepper

    Cayenne pepper ဆိုတာကတော့ လွယ်လွယ်ပြောရရင် ငရုတ်မှုန့်ပါပဲ။ သက်သေပြထားတဲ့ အကျိုးသက်ရောက်မှုတွေမရှိပေမယ့် cayenne pepperက ဝဲ ကို ကုသနိုင်တယ်လို့ လူတွေက ယုံကြည်ကြပါတယ်။ လေ့လာမှုတစ်ခုမှာတော့ Cayenne pepper ထဲမှာပါတဲ့ capsaicin ဓာတ်က ယားတာကို သက်သာစေတယ်လို့ ဆိုပါတယ်။

၆။ နနွင်း

    နနွင်းကတော့ ဝဲကြောင့်ဖြစ်လာတဲ့လက္ခဏာတွေကို သက်သာစေတာပါ။ အရှင်းပျောက်ဖို့ဆိုရင်တော့ အခြားဆေးတွေ ထပ်လိုအုံးမှာပါ။

၇။ ဇင့် Zinc

    ဇင့် က ဝဲကို တိုက်ရိုက်ကုသတာမျိုးတော့မဟုတ်ပါဘူး။ ဝဲကြောင့် နောက်ဆက်တွဲဖြစ်လာနိုင်တဲ့ အရေပြားပိုးဝင်တာတွေကို ကာကွယ်ပေးတာမျိုးပါ။

၈။ ရေနွေးနဲ့ အဝတ်လျှော်ပါ

    အိမ်တွင်းပြုလုပ်နိုင်တဲ့ နောက်တစ်နည်းကတော့ ဝဲပေါက်ရာနေရာနဲ့ စပ်ဆက်ထိမိတဲ့ အဝတ်စ၊ အိပ်ယာ၊ အဝတ်အစား စတာတွေကို ရေနွေးနဲ့လျှော်ပါ။

၉။ အစွန်းချွတ်ဆေး

    အဝတ်လျော်တဲ့နေရာမှာ ထည့်သွင်းအသုံးပြုခြင်းဖြင့်လည်း ဝဲဆက်မပွားအောင် လုပ်နိုင်ပါတယ်။ အစွန်းချွတ်ဆေးကလည်း အိမ်သုံးပစ္စည်းတစ်မျိုးဖြစ်ပြီး လှေးကို ကောင်းကောင်းနိုင်ပါတယ်။ ပြင်းတဲ့ ဓာတုပစ္စည်းတွေဖြစ်လို့ အရေပြားကိုတိုက်ရိုက်မသုံးဘဲ အဝတ်လျှော်တဲ့အခါ သုံးလို့ရပါတယ်။

၁၀။ ပန်းသီးရှာလကာရည် 

    ပန်းသီးရှာလကာရည်ကလည်း ဝဲတွေကိုကုသနိုင်တယ်လို့ အများစုက လက်ခံထားကြပါတယ်။

    ဆရာဝန်နဲ့ပြသပြီး ကုသမှုခံယူတာက အကောင်းဆုံးဖြစ်ပေမယ့် အကြောင်းအမျိုးမျိုးကြောင့် အခက်အခဲရှိတဲ့အခါ ဒီနည်းလမ်းတွေထဲက အဆင်ပြေရာကိုအသုံးချရင်း ကုသနိုင်ဖို့ ရေးသားဖော်ပြလိုက်ရပါတယ်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်