ဧပြီ ၇ ရက် မွန်းလွဲပိုင်းတွင် မြန်မာနိုင်ငံဒေသအချို့ မိုးထစ်ချုန်းရွာနိုင်

မနက်ဖြန် ဧပြီလ ၇ ရက်နေ့ မွန်းလွဲပိုင်းမှာ မြန်မာနိုင်ငံဒေသအချို့မှာ မိုးထစ်ချုန်းရွာနိုင်တယ်လို့ ECMWF model forecast မှာ ဖော်ပြချက်ကို ကိုးကားပြီး အပြည်ပြည်ဆိုင်ရာမိုးလေဝသစောင့်ကြည့်လေ့လာသူတစ်ဦးဖြစ်သူ ဦးဝင်းနိုင် က ဆိုပါတယ်။

မြန်မာနိုင်ငံတောင်ပိုင်းဒေသအချို့(ဧရာဝတီ/ရန်ကုန်/ပဲခူး/မွန်-တနင်္သာရီနဲ့ ရှမ်းပြည်နယ်(တောင်/မြောက်)ဒေသအချို့၊ ကချင်ပြည်နယ်နဲ့ ကရင်ပြည်နယ်(ကော့ကရိတ်ဝန်းကျင်ဒေသအချို့)မှာ ထစ်ချုန်းမဲ့ အခြေအနေတွေရှိ‌ကြောင်း ECMWF model forecast မှာ တွေ့ရတယ်လို့ ဦးဝင်းနိုင်က သူ့ရဲ့Facebook page မှာ ဖော်ပြထားတာပါ။ 

မိုးရေချိန်ကတော့ ၇၂ နာရီ (၃ ရက် စုစုပေါင်း ၁ လက်မကျော်ကျော်)အထိရှိနိုင်ပြီး မိုးကြီးနိုင်မယ့် ဒေသတွေမှာတော့ ပိုနိုင်တယ်လို့ သိရပါတယ်။

" မိုးတိမ်တောင်ကြီးတွေ ဖြစ်နေတာကို ဘယ်လို ကြည့်မလဲ မေးကြပါတယ်။ မိုးတိမ်တောင်ကြီးတွေ ဖြစ်နေတာကို Windy ပေါ်က ဂြိုဟ်တုဓာတ်ပုံမှာ အချိန်နဲ့ တပြေးညီ ကြည့်လို့ ရပါတယ်။ မိုးတိမ်တောင်တွေရဲ့ အမြင့်ကြောင့် သူတို့တိမ်ထိပ်ဖျားမှာ အနှုတ် ၆၅ ဒီဂရီအထိ အပူချိန်ကျဆင်းနေတာတွေ့ရပါမယ်။ သာမန်တိမ်တိုက်တွေက အဲ့သည်လောက် မမြင့်ဘူး အပူချိန်အနှုတ်အထိ ကျတာ မရှိပါဘူး" လို့ ဦးဝင်းနိုင်က ပြောပါတယ်။

ဒီလိုထစ်ချုန်းမယ့် အခြေအနေမှာ "စိုက်ဆင်းလေပြင်းအန္တရာယ်" နဲ့ "မိုးကြိုး" အန္တရာယ်တွေကို တောင်သူဦးကြီးများ သတိထားကြဖို့ လိုမယ်လို့ ဦးဝင်းနိုင်က ပြောပါတယ်။

မိုးလေဝသနှင့်ဇလဗေဒညွှန်ကြားမှုဦးစီးဌာနရဲ့ မနက်ဖြန်မနက်အထိခန့်မှန်းချက်မှာတော့ နေပြည်တော်၊ စစ်ကိုင်းတိုင်းဒေသကြီးအောက်ပိုင်းနှင့် မကွေးတိုင်းဒေသကြီးတို့တွင် တိမ်အသင့်အတင့် ဖြစ်ထွန်းပြီး ရှမ်းပြည်နယ်(အရှေ့ပိုင်း)တွင် နေရာစိပ်စိပ်၊ တနင်္သာရီတိုင်းဒေသကြီးနှင့် ကချင်ပြည်နယ်တို့တွင် နေရာကျဲကျဲနှင့် ကျန်တိုင်းဒေသကြီးနှင့် ပြည်နယ်တို့တွင် နေရာကွက်ကျားမိုးထစ်ချုန်းရွာနိုင်တယ်လို့ ဖော်ပြထားပါတယ်။

ဓာတ်ပုံခရက်ဒစ် - Win Naing Facebook page

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်