တစ်နိုင်ငံလုံး မိုးဆက်ရွာနေဦးမယ့် စက်တင်ဘာပထမအပတ်

လေဖိအားနည်းချိုင့်ဝှမ်းက ဘင်္ဂလားပင်လယ်အော်မြောက်ပိုင်းနဲ့ အလယ်ပိုင်းအစပ်မှာ ဆက်ဖြစ်နေကြောင်း တွေ့ရပါတယ်။

တိုင်ဖွန်းမုန်တိုင်း SAOLA ကလည်း တောင်တရုတ်ပင်လယ်ထဲကို စူပါတိုင်ဖွန်းမုန်တိုင်းကြီးအဖြစ်နဲ့ ဝင်လာပါတယ်။ သူ့ဗဟိုလေတိုက်နှုန်းက အခု တစ်နာရီ ၁၅၅ မိုင်တောင်ရှိပြီး မုန်တိုင်းဗဟိုမှာ လှိုင်းအမြင့် ၄၆ ပေတောင်မှ ဖြစ်နေပါတယ်။ SAOLA ရဲ့ အရှိန်သက်ရောက်မှုကြောင့် ကပ္ပလီပင်လယ်မှာ မုတ်သုံလေအားအလွန်ကောင်းနေစေပြီး မြန်မာနိုင်ငံတောင်ပိုင်းဒေသတွေမှာ မိုးကောင်းနေမယ့် အကြောင်းရင်းတစ်ခုဖြစ်နေပါမယ်။

အဲ့ဒီအရှိန်ကြောင့်ရယ်နဲ့ အိန္ဒိယနိုင်ငံမြောက်ပိုင်း၊ ဟိမဝန္တာတောင်ကြောကြီးပေါ်မှာဖြစ်နေတဲ့ လေဖိအားနည်းချိုင့်ဝှမ်းကြီးကြောင့် မြန်မာတစ်နိုင်ငံလုံးမှာတော့ စက်တင်ဘာလ ပထမပတ်အတွင်း မိုးဆက်ရွာနေပါဦးမယ်။

ဆိုတော့ ဒီလာမယ့် ၃ ရက်မှာ -

တစ်နိုင်ငံလုံး နေရာလပ်မကျန် မိုးရွာနိုင်ပြီး တနင်္သာရီတိုင်း၊ ကရင်ပြည်နယ်၊ မွန်ပြည်နယ်၊ ပဲခူးတိုင်းအရှေ့ခြမ်း၊ ရန်ကုန်တိုင်း၊ ဧရာဝတီတိုင်း၊ ရခိုင်ပြည်နယ်မြောက်ပိုင်း၊ ကယားပြည်နယ်၊ မန္တလေးတိုင်း၊ စစ်ကိုင်းတိုင်း၊ ရှမ်းပြည်နယ်နဲ့ ချင်းပြည်နယ်တောင်ပိုင်းတွေမှာ မိုးများနိုင်ပါမယ်။

ရခိုင်ပြည်နယ်တောင်ပိုင်း၊ မကွေးတိုင်းနဲ့ ကချင်ပြည်နယ်တွေမှာတော့ ၃ ရက်အတွင်း မိုးနည်းနေနိုင်ပါမယ်။

နောက် ၃ ရက်မှ ၅ ရက်အတွင်း(နောက် ၇၂ နာရီ မှ ၁၂၀ နာရီအတွင်း)မှာတော့ ဘင်္ဂလားပင်လယ်အော် အနောက်အလယ်ပိုင်း သို့မဟုတ် အနောက်မြောက်ပိုင်းမှာ စက်တင်ဘာလ ၄ ရက် ညနေပိုင်းကစပြီး ဖြစ်လာနိုင်တဲ့ လေဖိအားနည်းရပ်ဝန်းကြောင့် ရခိုင်ပြည်နယ်၊ ဧရာဝတီတိုင်း၊ ပဲခူးတိုင်း၊ နေပြည်တော်၊ ကယားပြည်နယ်၊ ကရင်ပြည်၊ မွန်ပြည်နယ်နဲ့ တနင်္သာရီတိုင်းတွေမှာ မိုးပိုလာနိုင်ပါမယ်။

မိုးများမယ့်ဒေသတွေဖြစ်တဲ့ တနင်္သာရီတိုင်း၊ ကရင်ပြည်နယ်၊ မွန်ပြည်နယ်၊ ပဲခူးတိုင်းအရှေ့ခြမ်း၊ ရန်ကုန်တိုင်း၊ ဧရာဝတီတိုင်း၊ ရခိုင်ပြည်နယ်မြောက်ပိုင်း၊ ကယားပြည်နယ်၊ မန္တလေးတိုင်း၊ စစ်ကိုင်းတိုင်း၊ ရှမ်းပြည်နယ်နဲ့ ချင်းပြည်နယ်တောင်ပိုင်းတွေမှာ ၃ ရက် မိုးရေချိန်က အများဆုံး ၈၀ မီလီမီတာ(၃. ၁၄ လက်မ) ရှိပါမယ်။

တနင်္သာရီတိုင်း၊ ကရင်ပြည်နယ်၊ မွန်ပြည်နယ်တွေမှာ နောက် ၅ ရက်အတွင်း အများဆုံး မိုးရေချိန် မီလီမီတာ ၂၀၀ အထိရှိလာပါမယ်။ လက်မနဲ့ဆိုရင်တော့ ၈ လက်မ နီးပါးအထိ မိုးများလာပါမယ်။

မိုးတွေဆက်ရွာနေဦးမယ်ဆိုတော့ မြစ်ရေအခြေအနေကိုလဲ သတိထားရမှာပါ။ တစ်ခုတော့ ရှိတယ် ၃ ရက်အတွင်းမှာ ကချင်က မိုးနည်းနည်းလျော့သွားတယ်။ မြစ်ရေတွေ ကျတာလည်း တွေ့ရတယ်။ မြန်မာနိုင်ငံ အောက်ဘက်မှာတော့ ရေက ဆက်တိုးနေနိုင်ပါတယ်။ ဆိုတော့ မွန်ပြည်နယ်နဲ့ တနင်္သာရီတိုင်းတွေမှာ နောက် ၃ ရက်မှ ၅ ရက်အတွင်း ရေပြန်ကြီးလာနိုင်ပါတယ်။

Photo - ဦးဝင်းနိုင်
Crd#မိုးလေဝသနှင့်ဇလဗေဒညွှန်ကြားမှုဦးစီးဌာန

(မိမိဒေသ မြို့နယ်တစ်ခုချင်းအလိုက် အသေးစိတ်မိုးလေဝသအခြေအနေများကို သိလိုပါက Green Way app ရှိ ‘ မေးကြ၊ ဖြေကြ ဒေသအလိုက် မိုးလေဝသ’ အဖွဲ့တွင် အခမဲ့အဖွဲ့ဝင်ပြီး ဆရာနှင့် တိုက်ရိုက်မေးမြန်းနိုင်ပါသည်)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...