မုတ်သုံဆုတ်ခွာမယ့် အရိပ်အယောင်တွေ ပြနေပြီလား?

ယနေ့ (၁၄.၉.၂၃) မနက် ထိုင်းမိုးလေဝသဌာန(TMD)ကရတဲ့ မြေပြင်မိုးလေဝသ chart မှာတော့ အမြင့်ပေ ၅၀၀၀ အထက်မှာ အရှေ့လေတွေ လေဖိအားများရပ်ဝန်းကြီးကတဆင့် တိုက်နေပြီဆိုတာတွေ့ရပါတယ်။

WINDY APP ရဲ့ ECMWF, ICON နဲ့ GFS model တွေရဲ့ အထက်လေစီးကြောင်းအခြေအနေတွေကလည်း နီပေါလ်နိုင်ငံနဲ့ ဘူတန်နိုင်ငံမြောက်ဘက် တိဗက်ကုန်းမြင့်ဒေသကြီးမှာ ပေ ၃၅,၀၀၀ အထိ အရှေ့ဘက်ကနေပြီး လေအေးစီးကြောင်းတွေတိုက်နေကြောင်း Sounding Forecast မှာပါ တွေ့နေရတယ်။

ဒီအခြေအနေတွေဖြစ်နေပြီဆိုရင်တော့ မကြာခင် အိန္ဒိယနိုင်ငံမြောက်ပိုင်းဒေသတွေက အနောက်တောင်မုတ်သုံလေဆုတ်ခွာတော့မဲ့ အရိပ်အယောင်တွေ့နေရပြီ။

အိန္ဒိယမိုးလေဝသဌာနကတော့ နိုင်ငံအရှေ့မြောက်ပိုင်းက မုတ်သုံဆုတ်ခွာတာ စက်တင်ဘာ ၁၇ ရက်ဝန်းကျင်လောက်ဖြစ်နိုင်ကြောင်းခန့်မှန်းပါတယ်။ သူတို့ဆီမှာတော့ ပုံမှန်ပဲဆုတ်ခွာနိုင်မယ်လို့ သုံးသပ်ထားတာတွေ့ရပါတယ်။

၂၀၂၂ ခုနှစ်က မုတ်သုံပုံမှန်ဆုတ်ခွာရက်(အနီရောင်) နှင့် အမှန်တကယ်ဆုတ်ခွာသည့်ရက်(အပြာရောင်)

မြန်မာနိုင်ငံမှာတော့ စက်တင်ဘာလ ၂၀ ရက်ဝန်းကျင် ဘင်္ဂလားပင်လယ်အော်အနောက်မြောက်ပိုင်းမှာ လေဖိအားနည်းရပ်တန်းတစ်ခုထပ်ဖြစ်ပြီးတဲ့အခါ မြောက်ဘက်ဒေသတွေက အနောက်တောင်မုတ်သုံလေ စတင်ဆုတ်ခွာတော့မယ်လို့ ခန့်မှန်းရပါတယ်။

တကယ်လို့ စက်တင်ဘာလကုန်၊ အောင်တိုဘာလမဆန်းခင် မုတ်သုံဆုတ်ခွာမယ်ဆိုရင် ပုံမှန်ထက် တစ်ပတ်/ ဆယ်ရက်လောက်လောက်စောပြီးထွက်မယ်။ မိုးလွန်ကာလရက် ပိုရှည်မယ်။

စက်တင်ဘာလနဲ့ နိုဝင်ဘာလကုန်အထိ မိုးလွန်ကာလမိုးဟာ အရှေ့ဘက်ကဝင်လာတဲ့ လေပွေလှိုင်းတွေနဲ့ မုန်တိုင်းအကြွင်းအကျန်တွေကြောင့် ရွာနိုင်ပါမယ်။

ဒီမိုးတွေကတော့ ဖျက်မိုးတွေဖြစ်လာနိုင်တာကြောင့် တောင်သူများသတိပြုနိုင်ကြရန် အသိပေးတင်ပြလိုက်ပါတယ်။

Photo - ဦးဝင်းနိုင်

(မိမိဒေသ မြို့နယ်တစ်ခုချင်းအလိုက် အသေးစိတ်မိုးလေဝသအခြေအနေများကို သိလိုပါက Green Way app ရှိ ‘ မေးကြ၊ ဖြေကြ ဒေသအလိုက် မိုးလေဝသ’ အဖွဲ့တွင် အခမဲ့အဖွဲ့ဝင်ပြီး ဆရာနှင့် တိုက်ရိုက်မေးမြန်းနိုင်ပါသည်)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်