ဧပြီ ၅ ရက်မှ ၁၁ ရက်အတွင်း တစ်ပတ်စာ အပူချိန်ကြိုတင်ခန့်မှန်းချက်

ဧပြီလ ၅ ရက် - ၁၂ နာရီ ၅၀ မိနစ်အချိန်တွင်ရရှိလာသော မိုးလေဝသဒေတာအရ

🔸 အယ်လ်နီညို၊ လာနီညာနှင့် အိုင်အိုဒီ positive

အယ်လ်နီညိုဖြစ်နေတဲ့အခြေအနေကတော့ လာမဲ့ ၁ လ ၂ လအတွင်း(ခန့်မှန်း မေလအကုန် ဇွန်လဆန်း ကာလအတွင်း)ပြီးဆုံးပြီး ကြားနေရာသီဥတုဖြစ်စဉ် Neutral ကာလကို ရောက်လာနိုင်ပါမယ်။ ဇူလိုင်လမှ စက်တင်ဘာလအတွင်း လာနီညာဖြစ်နိုင်ချေက တဖြည်းဖြည်းမြင့်တက်လာပြီး ဖြစ်နိုင်ချေ ၈၅% အထိရှိလာနိုင်ကြောင်း နိုင်ငံတကာ မိုးလေဝသနဲ့ ရာသီဥတုစောင့်ကြည့်လေ့လာရေးဌာနကြီးတွေက ထုတ်ပြန်ထားတာတွေ့ရပါတယ်။

မြန်မာနိုင်ငံမှာတော့ အယ်လ်နီညိုရဲ့ သက်ရောက်မှုကဆက်လက်ရှိနေတာကြောင့် ပူပြင်းခြောက်သွေ့တဲ့ ရာသီဥတုအခြေအနေကို ဆက်လက်ရင်ဆိုင်နေရဆဲပါပဲ။ ကျနော်အရင်က ကြိုတင်ခန့်မှန်းထားတဲ့ မိုးဦးမိုးအခြေအနေအတိုင်း မကောင်းနိုင်ဘဲ မိုးလယ်နဲ့ မိုးနှောင်းမှာသာ မိုးကောင်းနိုင်ပါမယ်။ အယ်လ်နီညိုဆက်လက်ဖြစ်ပေါ်နေနိုင်တဲ့အခြေအနေတွေကြောင့် မုတ်သုံအဝင်လည်း ပုံမှန်ထက်အနည်းငယ်နောက်ကျနိုင်ချေရှိမယ်လို့တော့ ခန့်မှန်းနိုင်ပါတယ်။

🔸 မိုးဦး/မိုးလယ်ကာလ မုန်တိုင်းဖြစ်ပေါ်နိုင်ချေ

ဘင်္ဂလားပင်လယ်အော်မှာ ဇွန်လနဲ့ ဇူလိုင်လတွေအတွင်းမှာ လေဖိအားနည်း၊ မုန်တိုင်းဖြစ်လာရင် ပင်လယ်ရေမျက်နှာပြင်အပူချိန်မြင့်တက်နေတာ၊ ကုန်းတွင်းအပူချိန်မြင့်တက်နေတာတွေကြောင့် အားကောင်းပြီး အန္တရာယ်များတဲ့ ဆိုင်ကလုန်းမုန်တိုင်းဖြစ်လာနိုင်ပါတယ်။ ဘယ်နိုင်ငံဘက်ကိုရွေ့လျားနိုင်မယ်ဆိုတာကတော့ မုန်တိုင်းဖြစ်လာချိန်မှာရှိနေမဲ့ လေတိုက်နှုန်း၊ အပူချိန်၊ စိုထိုင်းဆ၊ ဖိအားစတဲ့ လေထုအလွှာတွေအတွင်းဖြစ်ပေါ်မဲ့ ပြောင်းလဲမှုတွေပေါ်မှာမူတည်ပါတယ်။

🔸 အပူချိန်မြင့်တက်နိုင်ချေ

အပူချိန်မြင့်တက်နိုင်ချေက မကွေးတိုင်း၊ မန္တလေးတိုင်းနဲ့ ရှမ်းပြည်နယ်အနောက်ပိုင်းတွေမှာ ဧပြီလ ၁၀ ရက်နေ့အထိ ၉၀% အထက်သေချာမှုရှိနေတယ်။ ၁၀ ရက်နေ့နောက်ပိုင်းမှာတော့ အလယ်ပိုင်းဒေသတွေမှာ အပူချိန်နည်းနည်းလျော့နိုင်တာတွေ့ရပါတယ်။

နောက် ၄ ရက်အထိ(ဧပြီ ၅ ရက်မှ ၈ ရက်အထိ)တော့ မန္တလေးတိုင်း၊ နေပြည်တော်၊ ပဲခူးတိုင်း၊ မကွေးတိုင်း၊ စစ်ကိုင်းတိုင်းနဲ့ ရှမ်းပြည်နယ်အရှေ့ပိုင်းတွေမှာ အပူချိန် ၄၀°C အောက် မကျနိုင်ဘူး။ မန္တလေး၊ မကွေးနဲ့ စစ်ကိုင်းတိုင်းတွေမှာ ၄၃°C - ၄၄°C အထိ အပူချိန် မြင့်နေနိုင်ဦးမယ်။

🔸 မိုးရွာသွန်းနိုင်ချေ

မိုးရွာနိုင်ချေကျတော့ ကရင်ပြည်နယ်မှာ ဧပြီ ၁၀ ရက်နေ့ ၅၃% အထိ သေချာမှုရှိနိုင်ပြီး ရန်ကုန်တိုင်း၊ ပဲခူးတိုင်းတွေမှာ မိုးရွာနိုင်ချေက ၂၅% လောက်ပဲ ရှိတယ်။

ကချင်ပြည်နယ်မှာ ဧပြီ ၅ ရက်နဲ့ ၆ ရက် မိုးရွာနိုင်ချေ ၄၉% ရှိတာတွေ့ရပြီး ဧပြီလ ၇ ရက်နောက်ပိုင်း ကချင်ပြည်နယ်မှာလဲ မိုးရွာနိုင်တဲ့ အခြေအနေမတွေ့တော့ပါဘူး။

🔸 လေပြင်းတိုက်ခတ်နိုင်ချေ

ရခိုင်ရိုးမတလျှောက်နဲ့ ရှမ်းပြည်နယ်မြောက်ပိုင်း၊ အနောက်ပိုင်းဒေသတချို့မှာ မှာ လေပြင်း တနာရီ ၂၅ မိုင်မှ မိုင် ၃၀ ခန့်အထိ တိုက်နိုင်ကြောင်းတွေ့ရပါတယ်၊ လေတိုက်နိုင်တဲ့အရပ်ကတော့ အနောက်ဘက်နဲ့ တောင်ဘက်အရပ်များကလေတိုက်နိုင်ချေ ပိုများပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...