နောက်လာမည့် ၇ ရက်အတွက် မိုးလေဝသအခြေအနေကြိုတင်ခန့်မှန်းချက်

22/04/2025 10:08 AM တွင် ဦးဝင်းနိုင် ဦးဝင်းနိုင် မှ ရေးသား

 

ဧပြီ ၂၂ ရက် မှ ၂၈ ရက်အတွင်း ဘင်္ဂလားပင်လယ်အော် မြောက်ပိုင်းမှာ တောင်အနောက်တောင်ဘက်မှ လေတိုက်နှုန်း တနာရီ ၁၅ မိုင်မှ ၂၅ မိုင်အထိ ရှိနေနိုင်ပြီး ပင်လယ်ရေမျက်နှာပြင်အပူချိန် ၃၀°C အထိရှိနေပါမယ်။ မေလဆန်းပိုင်းရက်များအထိ ပင်လယ်ပြင်တွေမှာ လေဖိအားနည်းရပ်ဝန်းဖြစ်နိုင်သည့် အခြေအနေမတွေ့ရပါ။

အိန္ဒိယနိုင်ငံ၊ အနောက်ဘင်္ဂလားပြည်နယ်နဲ့ ဘင်္ဂလားဒေ့ရှ်နိုင်ငံတို့အပေါ်မှ ဖြတ်သန်းဝင်ရောက်လာတဲ့ မိုးတိမ်များက စစ်ကိုင်းတိုင်းအထက်ပိုင်းကို ဖြတ်ကျော်ပြီး၊ ကချင်ပြည်နယ်အထိဝင်ရောက်လာနိုင်တာကြောင့်၊ ကချင်ပြည်နယ်မြောက်ပိုင်း၊ ပူတာအိုခရိုင်အတွင်းမှာ မိုးအသင့်အတင့်မှ မိုးများနိုင်မဲ့ အခြေအနေများဖြစ်ပေါ်နိုင်ပါတယ်။

မြန်မာနိုင်ငံအလယ်ပိုင်း၊ မိုးနည်းရေရှားဒေသများအပါအဝင် ကျန်ပြည်နယ်နဲ့တိုင်းအားလုံးမှာ တိမ်အသင့်အတင့်ဖြစ်ထွန်းနိုင်ပြီး မိုးရွာနိုင်ချေအလွန်နည်းပါးနေတာတွေ့ရပါတယ်။

အလယ်ပိုင်းဒေသတွေမှာ နေ့အပူချိန်များ ၄၀°C ကျော်သည်အထိ မြင့်တက်လာနိုင်ပါမယ်။

ပြည်နယ်တိုင်းဒေသများမှ မြို့များရဲ့ ၄ ရက် မိုးလေဝသအခြေအနေကြိုတင်ခန့်မှန်းချက်များကို https://www.mmweather.org/divisional-cities-weather မှာ ကြည့်နိုင်ပါတယ်။

SUMMARY: 

🔸 ပင်လယ်ပြင်တွင် ထူးခြားမိုးလေဝသအခြေအနေဖြစ်ပေါ်ရန်မရှိ

🔸 ကချင်ပြည်နယ်မြောက်ပိုင်းမှအပ ကျန်ပြည်နယ်တိုင်းများတွင် မိုးရွာနိုင်ချေနည်း

🔸 အလယ်ပိုင်းဒေသများ၏ နေ့အပူချိန်များ ၄၀°C အထက်အထိမြင့်တက်လာနိုင်


မာလာမြိုင် ကုမ္ပဏီ ကြော်ငြာ
ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။
Read more Facebook Page သို့သွားရန်

ဆွေးနွေးချက်များ

ဆွေးနွေးရန်