မြစ်ဝကျွန်းပေါ်ကမ်းရိုးတန်း၊ ရခိုင်ကမ်းရိုးတန်း၊ ဧရာဝတီတိုင်းနဲ့ ရန်ကုန်တိုင်းအပြင် ပဲခူးတိုင်းအနောက်ခြမ်းဒေသတွေမှာပါ လေ/မိုး/လှိုင်း အသင့်အတင့်မှ ပြင်းထန်နိုင်တဲ့ အခြေအနေများဖြစ်ပေါ်နိုင်

ဧပြီလ ၁ ရက် နံနက် ၂ နာရီ ၁၅ မိနစ်အချိန်ရရှိသည့် ဒေတာများအရ

🔸 ဗီယက်နမ်ကမ်းခြေ အရှေ့တောင်ဘက်ပင်လယ်ရေပြင်မှာ INVEST-97W ဖြစ်နေကြောင်းတွေ့ရပြီး GFS ensemble model(GEFS)က ဆက်လက်ရွေ့လျားနိုင်မည့် လမ်းကြောင်းကို ခန့်မှန်းဖော်ပြထားပါတယ်။

🔸 ECMWF Cyclone Genesis Chart မှာ ကပ္ပလီပင်လယ်နှင့် ဘင်္ဂလားပင်လယ်အော်အတွင်း ဧပြီလ ၃ ရက်နေ့မှ စတင်၍ လေဖိအားနည်းရပ်ဝန်းဖြစ်ပေါ်ပြီး မုန်တိုင်းအဆင့်သို့ရောက်ရှိနိုင်ချေ ၄၀% ရှိနေကြောင်း၊ ဧပြီ ၄ ရက်နှင့် ၅ ရက်နေ့များမှာ မုန်တိုင်းအဆင့်သို့ရောက်ရှိနိုင်ချေ ၆၀% ဖြစ်လာကြောင်း ဖော်ပြနေတာတွေ့ရပါတယ်။

🔸 Windy GFS model ရဲ့ ကြိုတင်ခန့်မှန်းချက်မှာတော့ ဧပြီလ ၅ ရက်နေ့မှာ ဘင်္ဂလားပင်လယ်အော်အတွင်း ရောက်ရှိလာမည့် တောင်တရုတ်ပင်လယ်ဘက်မှ ထိုင်းပင်လယ်ကွေ့ကို ဖြတ်ကျော်ပြီးကပ္ပလီပင်လယ်ကို ဝင်ရောက်လာနိုင်သည့်(INVEST-97W)သည် သိသာထင်ရှားတဲ့ လေဖိအားနည်းရပ်ဝန်းအဆင့်ရောက်လာနိုင်ကြောင်း၊ မြောက်ဘက်-ဘင်္ဂလားပင်လယ်အော်အရှေ့အလယ်ပိုင်းဆီသို့ ဆက်လက်ရွေ့နိုင်ကြောင်းခန့်မှန်ထားတာတွေ့ရပါတယ်။

🔸 လတ်တလောရရှိထားတဲ့ ကြိုတင်ခန့်မှန်းချက်တွေအရ တောင်တရုတ်ပင်လယ်ဘက်မှ INVEST-97W သည် ကပ္ပလီပင်လယ်နဲ့ ဘင်္ဂလားပင်လယ်အော် အရှေ့တောင်ပိုင်းကို ဝင်ရောက်လာနိုင်ပြီး မြောက်ဘက်ကို ဆက်လက်ရွေ့လျားနိုင်တာကြောင့် လမ်းကြောင်းအားဖြင့် မြန်မာနိုင်ငံဘက်ကိုဦးတည်သည်ဖြစ်စေ၊ ဦးတည်ရွေ့လျားခြင်းမရှိသည်ဖြစ်စေ လမ်းကြောင်းညာဘက်မှာရှိနေတဲ့ မြန်မာနိုင်ငံအနေနဲ့ လေဖိအားနည်းရပ်ဝန်းအရှိသက်ရောက်မှုကို ခံရမှာဖြစ်တာကြောင့် ...

🔸 မြစ်ဝကျွန်းပေါ်ကမ်းရိုးတန်း၊ ရခိုင်ကမ်းရိုးတန်း၊ ဧရာဝတီတိုင်းနဲ့ ရန်ကုန်တိုင်းအပြင် ပဲခူးတိုင်းအနောက်ခြမ်းဒေသတွေမှာပါ လေ/မိုး/လှိုင်း အသင့်အတင့်မှပြင်းထန်နိုင်တဲ့ အခြေအနေများဖြစ်ပေါ်နိုင်ပါတယ်။

🔸 ဧပြီလ ၃ ရက်နေ့မှာ ကပ္ပလီပင်လယ်အတွင်းဝင်ရောက်လာနိုင်မဲ့ INVEST-97W ကို ဆက်လက်စောင့်ကြည့်တင်ပြပေးသွားပါမယ်။

⚠️ လေဖိအားနည်းရပ်ဝန်း(သို့မဟုတ်)မုန်တိုင်းရယ်လို့ ဖြစ်လာသေးတာမဟုတ်ဘဲ ကြိုတင်ခန့်မှန်းချက်မှာသာရှိနေဆဲဆိုတာ မှတ်သားထားဖို့လိုပါမယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကိုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်