ဒီဇင်ဘာ ၁၅ နှင့် ၂၂ ရက်နေ့များမှာ ဘင်္ဂလားပင်လယ်အော်တောင်ပိုင်းတွင် လေဖိအားနည်းရပ်ဝန်းဖြစ်ပေါ်နိုင်ပြီး မြန်မာနိုင်ငံအပေါ်သက်ရောက်မှုနည်းနိုင်

ဒီဇင်ဘာ ၁၃ ရက် - နံနက် ၁၀ နာရီ ၂၀ မိနစ်အချိန် ရရှိသည့် ECMWF AI, ICON(GERMANY), METEOBLUE NEMS, NOAA-GFS နဲ့ UK MET-OFFICE မော်ဒယ်တွေရဲ့ ကြိုတင်ခန့်မှန်းချက်အရ ဒီဇင်ဘာ ၁၅ ရက် ညပိုင်းမှာ -

🔸 ဘင်္ဂလားပင်လယ်အော်တောင်ပိုင်းမှာ လေပွေလှိုင်းမှတဆင့် လေဖိအားနည်းရပ်ဝန်း(LPA)တခု ဖြစ်လာဖို့ ရှိပါတယ်။

🔸 GFS-NOAA ခန့်မှန်းချက်မှာ တနိုင်ငံလုံး တိမ်တွေဖုံးပြီး နေပြည်တော်၊ ရှမ်းပြည်နယ်၊ ကယားပြည်နယ်နဲ့ ပဲခူးတိုင်းအရှေ့ပိုင်းတွေမှာ မိုးရွာသွန်းနိုင်ကြောင်းပြပေမဲ့ ၂၄ နာရီအတွင်း မိုးရေချိန် ၀.၂၅ မီလီမီတာမှ ၂ မီလီမီတာ(၀.၀၀၉ လက်မှ မှ ၀.၀၇ လက်မ)သာရွာသွန်းနိုင်တာကြောင့် မိုးရွာမယ်ဆိုရင်တောင် မိုးအလွန်နည်းနေ(မိုးဖွဲဖွဲသာရွာနိုင်)မှာဖြစ်ပါတယ်။

🔸 ကျန်တဲ့ သင်္ချာပုံစံကြိုတင်ခန့်မှန်းရေး - မော်ဒယ်တွေကတော့ မြန်မာနိုင်ငံပေါ်မှာ တိမ်ဖြစ်ထွန်းတာတောင် များများမရှိတဲ့အတွက် မိုးရွာနိုင်တဲ့ အခြေအနေလဲ မတွေ့ရပါဘူး။

🔸 မော်ဒယ်အားလုံးခန့်မှန်းချက်များကို ပျမ်းမျှယူပြီး ၃ နာရီ တကြိမ် update ဖြစ်နေတဲ့ MMWeather Knowledge site မှာ တင်ပေးထားတဲ့ ပြည်နယ်/တိုင်းများအလိုက်မြို့များရဲ့ ၄ ရက်စာ မိုးလေဝသအခြေအနေခန့်မှန်းချက်တွေမှာတော့ တနင်္သာရီတိုင်းတောင်ပိုင်း ဘုတ်ပြင်း၊ မောတောင်နဲ့ ကော့သောင်းမြို့တွေမှာ ဒီဇင်ဘာ ၁၃/၁၄ နဲ့ ၁၅ ရက်များမှာ ၂၄ နာရီအတွင်း မိုးရေချိန် ၄၀ မီလီမီတာအထက်(၁.၆ လက်မခန့်)အထိ မိုးရွာနိုင်(မိုးအသင့်အတင့်မှ မိုးများနိုင်)ကြောင်းတွေ့ရပါတယ်။ အောက်ပါလင့်ခ်ကနေ ဝင်ပြီး အချိန်နဲ့ တပြေးညီလေ့လာလို့ရပါတယ်။

https://www.mmweather.org/divisional-cities-weather

မုန်တိုင်းဖြစ်နိုင်ချေကတော့ အနည်းဆုံး ဒီဇင်ဘာလ ၂၄ ရက်အထိတော့ ဘင်္ဂလားပင်လယ်အော်တောင်ပိုင်းမှာ ဆက်ရှိနေတုန်းပါ။

ဘင်္ဂလားပင်လယ်အော်တောင်ပိုင်းမှာ မုန်တိုင်းဖြစ်တာက မြန်မာနိုင်ငံဘက်ကို သက်ရောက်မှု မရှိနိုင်ပေမဲ့ တောင်တရုတ်ပင်လယ်ဘက်မှာဖြစ်လာနိုင်မဲ့ မုန်တိုင်းကိုတော့ သတိထားပြီး စောင့်ကြည့်ကြရပါမယ်။

အခုအချိန်အရှေ့ဘက်က လေပွေလှိုင်းနဲ့ မိုးတိမ်တွေကြောင့်သာ မြန်မာပြည်ဘက်မှာ မိုးရွာနိုင်တာပါ။ တောင်တရုတ်ပင်လယ်မုန်တိုင်းဖြစ်နိုင်ချေက ဒီဇင်ဘာလကုန်အထိ မြန်မာပြည်တောင်ပိုင်းနဲ့ အရှေ့ပိုင်းဒေသတချို့အတွက် တောင်တရုတ်ပင်လယ်ကို နှစ်ကုန်သည်အထိ သတိနဲ့ဆက်ပြီး စောင့်ကြည့်ကြရပါဦးမယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကိုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။