မြစ်ကြီးနား၊ ခန္တီးနဲ့ ဟုမ္မလင်းမြို့နယ်များအတွင်း မြစ်ကမ်းဘေး/မြေနိမ့်ပိုင်းနေထိုင်သူများ အထူးသတိပြုနေထိုင်ကြရန်

မိုးလေဝသနဲ့ ဇလဗေဒညွှန်ကြားမှုဦးစီးဌာနက နံနက် ၆ နာရီခွဲအချိန် တိုင်းတာရရှိသော မြစ်ရေအခြေအနေများကို ဖော်ပြရင်း ဆရာဦးဝင်းနိုင်ရဲ့ ကောက်နုတ်ချက်များကို ပြန်လည်ဖော်ပြပေးလိုက်ရပါတယ်။

ကောက်နှုတ်ချက်

🔸 ဧရာဝတီမြစ်ရေ - မြစ်ကြီးနားမှာ နောက် ၂ ရက်(၄၈ နာရီ အတွင်း) စိုးရိမ်ရေမှတ်အောင် ပြန်ကျနိုင်။

ချင်းတွင်းမြစ်ရေ- 

🔸 ခန္တီးမြို့မှာ စိုးရိမ်ရေမှတ်အထက် ၅ ပေခွဲခန့်ကျော်လွန်ရောက်ရှိနေပြီး နောက် ၂၄ နာရီအတွင်း ၄ ပေခန့်မြင့်တက်လာနိုင်။

🔸 ဟုမ္မလင်းမြို့မှာ စိုးရိမ်ရေမှတ်အထက် ပေဝက်ခန့်ကျော်လွန်ရောက်ရှိနေပြီး နောက် ၂၄ နာရီအတွင်း ၄ ပေ ခန့်မြင့်တက်လာနိုင်။

🔸 မြစ်ကြီးနား၊ ခန္တီးနဲ့ ဟုမ္မလင်းမြို့နယ်များအတွင်း မြစ်ကမ်းဘေး/မြေနိမ့်ပိုင်းနေထိုင်သူများ အထူးသတိပြုနေထိုင်ကြရန် အကြံပြုထုတ်ပြန်ထားသည်။

🔸 ကျန်ပြည်နယ်တိုင်းမြို့များ မြစ်ရေကြီးခြင်းအန္တရာယ်မရှိသေးပါ။ မြစ်ရေအခြေအနေသတင်းကိုလည်းစောင့်ကြည့်ကြပါဆိုပြီး ရေးသားခဲ့ပါတယ်။ 

ဒါ့အပြင် GFM(Global Flood Monitoring System)ရဲ့ ဒီနေ့မနက် data တွေမှာ ဧရာဝတီမြစ်ရေက ဗန်းမော်-ရွှေကူ-ကသာ မြစ်ကွေ့အထိ ဆင်းလာပြီး ဗန်းမော်မှာလဲ မြစ်ကမ်းဘေး-အနိမ့်ပိုင်းတွေ မြစ်ရေ စဝင်နေကြောင်း သတင်းများတက်လာတာရှိပါတယ်။

အောက်ဘက် မန္တလေးအထိတော့ မြစ်ရေကြီးခြင်း(အနီရောင်ပြထားတဲ့ မြစ်ကမ်းဘေးဧရိယာများ)မရှိသေးပါ။

ချင်းတွင်းမြစ်ဘက်အခြမ်းမှာတော့ ဖားကန့်၊ မိုးညှင်း၊ ခန္တီး၊ ဟုမ္မလင်း စတဲ့ မြို့နယ်တွေမှာ ရေကြီးခြင်းပြတဲ့ အနီရောင်အခြေအနေများတွေ့ရပါတယ်။

အထက်ဘက်ကမြစ်ရေက မိုးအားလျော့သွားချိန်ပြန်ကျမှာပါ။ အဲ့ဒီကျသွားတဲ့ ရေကလဲ မြစ်အောက်ပိုင်းဒေသတွေကိုဆင်းလာမှာပါဘဲ။ အခုလောလောဆယ် GFM ကလဲ ရေကြီးခြင်းအန္တရာယ်ရှိတဲ့ဒေသတွေက ပုံတွေကိုသာတင်ပေးနေတာပါ။ 

ကျနော်တို့ သတိထားစောင့်ကြည့်ရမှာက မိုးရွာနိုင်မဲ့အခြေအနေနဲ့ မြစ်ရေအခြေအနေသတင်းတွေပါ။ သတိထားစောင့်ကြည့်ပြီးတဲ့အခါ စိုးရိမ်ရေမှတ်နားနီးလာတဲ့ မြို့များက မြစ်ကမ်း/ချောင်းကမ်းဘေးနေသူများက ရေကြီးနိုင်ချေကို ကြိုတင်ကာကွယ်ဖို့ ပြင်ဆင်ထားကြရင် ရပါပြီ။

လက်ရှိအချိန်မှာ စိုးရိမ်စိတ်လွန်ကဲမနေကြဖို့နဲ့ ပေါက်ကရသတင်းတွေတွေ့ရင် ချင့်ယုံကြဖို့၊ စဉ်းစားတွေးခေါ်ကြဖို့ပဲ လိုပါတယ်လို့ ဆရာဦးဝင်းနိုင်က သူ့ရဲ့ဖေ့ဘုတ်စ် စာမျက်နှာကနေ ရေးသားဖော်ပြခဲ့ပါတယ်။

Photo Crd#

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်