မိုးနှောင်းကာလပြီးဆုံးပြီး မိုးလွန်ကာလအတွင်းဝင်ရောက်ချိန် သတိထားသင့်သည်များ

အောက်တိုဘာလ ၁၀ ရက်၊ နေ့လည် ၁ နာရီ ရရှိသည့်ဒေတာများအရ

အောက်တိုဘာ ၁၄ ရက်ညပိုင်းမှာ ဘင်္ဂလားပင်လယ်အော်အနောက်အလယ်ပိုင်း ပင်လယ်ပြင်တွင် လေဖိအားနည်းဆဲလ်(Low Pressure Cell)တခု စတင်ဖြစ်ပေါ်နိုင်ပြီး အောက်တိုဘာ ၁၆ ရက်နေ့လည်ပိုင်းတွင် အိန္ဒိယနိုင်ငံအလယ်ပိုင်းအားကျော်ဖြတ်ပြီးနောက် အာရေဗျပင်လယ်ဘက်သို့ ရောက်ရှိသွားနိုင်မည်ဖြစ်ကြောင်း သင်္ချာပုံစံပြု model များ၏ ခန့်မှန်းချက်မှာ တွေ့ရပါတယ်။

အာရေဗျပင်လယ်အတွင်းမှာတော့ လေဖိအားနည်းရပ်ဝန်းတခု ဖြစ်ပေါ်နေပြီးဖြစ်ကြောင်း အိန္ဒိယမိုးလေဝသဌာနက ထုတ်ပြန်ထားပြီးပါပြီ။ 

ဒီလေဖိအားနည်းရပ်ဝန်းတွေက မြန်မာနိုင်ငံဘက်ကို ဦးတည်ရွေ့လျားမှာမဟုတ်ပေမဲ့ အရှေ့ဘက်ကလေစီးကြောင်းကို အားကောင်းစေပြီး ကပ္ပလီပင်လယ်၊ မုတ္တမကွေ့တွေမှာ အရှေ့လေအားကောင်းလာတဲ့အပြင် ထိုင်းပင်လယ်ကွေ့နဲ့ တောင်တရုတ်ပင်လယ်ဘက်က မိုးတိမ်တွေပါလာရင် မြန်မာနိုင်ငံအရှေ့ပိုင်းနဲ့ ရန်ကုန်တိုင်း၊ ပဲခူးတိုင်း၊ ဧရာဝတီတိုင်း၊ ကရင်ပြည်နယ်၊ မွန်ပြည်နယ်၊ တနင်္သာရီတိုင်းတွေမှာ အခါလွန်မိုး(ဖျက်မိုး)တွေရွာလာတတ်ပါတယ်။ 

ကချင်ပြည်နယ်အတွင်း နေရာကွက်၍ မိုးများနိုင်တာသာရှိပြီး၊ ရေကြီးနေဆဲဒေသတွေအတွင်း "ရေတိုးလာစေနိုင်သည့် မိုးရေချိန်များသောမိုးများ"တော့ ရွာသွန်းနိုင်မည်မဟုတ်ပါ။

ဒီနေ့ အောက်တိုဘာလ ၁၀ ရက်နေ့မှာ မိုးနှောင်းကာလကိုကျော်လွန်ပြီး မိုးလွန်ကာလအတွင်း စတင်ဝင်ရောက်ကာ အနောက်တောင်မုတ်သုံလေသည်လည်း စ တင် ဆုတ်ခွာနေပြီဖြစ်ကြောင်း မိုးဇလက ကြေညာထားပြီးဖြစ်ပါတယ်။ မုတ်သုံလေဆုတ်ခွာချိန်မှာ မုတ်သုံမြောင်တန်း(MONSOON TROUGH)က ဘင်္ဂလားပင်လယ်အော်အလယ်ပိုင်းမှ တောင်ပိုင်း အီကွေတာဘက်သို့တဖြည်းးဖြည်းနိမ့်ကျလာချိန်လည်း ဖြစ်ပါတယ်။

ဒီအချိန် မိုးလွန်ကာလအတွင်းမှာ ဘင်္ဂလားပင်လယ်အော်နဲ့ တောင်တရုတ်ပင်လယ်တွေအတွင်းဖြစ်ပေါ်တတ်တဲ့ လေဖိအားနည်းရပ်ဝန်းနဲ့ မုန်တိုင်းတွေက မြန်မာနိုင်ငံပေါ်ကို အရှေ့-အရှေ့မြောက်နဲ့ တောင်ဘက်အရပ်များဆီက မိုးတိမ်တွေသယ်ဆောင်လာတတ်ပြီး အခါလွန်မိုး(ဖျက်မိုး)တွေရွာသွန်းတတ်ကြောင်း ပြီးခဲ့တဲ့ Post တွေမှာ တင်ပြပေးခဲ့ပြီး ဖြစ်ပါတယ်။

ဒါကြောင့် မိုးလွန်ကာလကုန်ဆုံးချိန် နိုဝင်ဘာ-၃၀ ရက်အထိ မိုးလေဝသအခြေအနေများကို မပြတ်နားစွင့်ပြီး စပါးရိတ်သိမ်းချိန်အတွင်းအပျက်အစီးမရှိရအောင် အမိုးအကာတွေ၊ ဖုံးအုပ်ကာကွယ်ရန်တွေ စသည်ဖြင့် ပြင်ဆင်ထားသင့်ပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်