လေဖိအားနည်းရပ်ဝန်း 19W UPDATE

စက်တင်ဘာ ၁၈ ရက် နံနက် ၃ နာရီ တွင် ရရှိသည့်ECMWF model ကြိုတင်ခန့်မှန်းချက်အရ

=====

လေဖိအားနည်းရပ်ဝန်း 19W သည် တောင်တရုတ်ပင်လယ်အား ဖြတ်သန်းပြီးနောက် စက်တင်ဘာလ ၁၉ ရက် နံနက် ၉ နာရီမှ စတင်၍ ဗီယက်နမ်ကမ်းခြေကို ဒါနန်းမြို့မြောက်ဘက်မှ ဖြတ်ကျော်ဝင်ရောက်ပါမယ်။ ပြီးလျှင် ဗီယက်နမ်၊ လာအို၊ ထိုင်းနိုင်ငံတို့ကို ကျော်ဖြတ်ပြီး မြန်မာ-ထိုင်းနယ်စပ်အား ကရင်ပြည်နယ် ကမမောင်းမြို့၏အရှေ့ဘက်မှ ဖြတ်သန်းဝင်ရောက်ကာ အနောက်ဘက်သို့ဆက်လက်ရွေ့လျားနိုင်ပါမည်။

ဆက်လက်၍ မွန်ပြည်နယ်၊ ပဲခူးတိုင်းအရှေ့ခြမ်း၊  ပဲခူးတိုင်းအနောက်ခြမ်း၊ ရခိုင်ပြည်နယ်တောင်ပိုင်းတို့ကိုဖြတ်သန်းပြီး တောင်ကုတ်မြို့အနီးမှ ဘင်္ဂလားပင်လယ်အော်အရှေ့အလယ်ပိုင်း ပင်လယ်ပြင်သို့ဝင်ရောက်နိုင်ကြောင်းခန့်မှန်းထားပါသည်။

အနောက်-အနောက်မြောက်ဘက်သို့ ဘင်္ဂလားပင်လယ်အော် အရှေ့အလယ်ပိုင်းနှင့်မြောက်ပိုင်းတို့တွင် ဆက်လက်ရွေ့လျားပြီးနောက် အိန္ဒိယနိုင်ငံအရှေ့မြောက်ပိုင်းရှိ အနောက်ဘင်္ဂလားပြည်နယ်ကမ်းခြေကို  ဖြတ်ကျော်ဝင်ရောက်ပြီး အိန္ဒိယနိုင်ငံကုန်းတွင်းတွင် အနောက်ဘက်သို့ ဆက်လက်ရွေ့လျားနိုင်မည်ဖြစ်ကြောင်း ခန့်မှန်းထားပါသည်။

လေဖိအားနည်းရပ်ဝန်း အရှေ့လေပွေလှိုင်းအဖြစ် ဗီယက်နမ်၊ လာအို၊ ထိုင်းနှင့် မြန်မာနိုင်ငံတောင်ပိုင်းတို့အား ဖြတ်သန်းသွားနိုင်မည့် လမ်းကြောင်းကြိုတင်ခန့်မှန်းချက်အား ပုံပါလမ်းကြောင်းပေါ်တွင် အမှတ်စဉ် 1 မှ 18 အထိ ဖော်ပြထားပြီး၊ မှတ်စဉ်အလိုက် ရက်စွဲနှင့်အချိန်တို့ကို အောက်တွင် ရေးသားဖော်ပြထားပါသည်။

လေဖိအားနည်းရပ်ဝန်းမှ အပူပိုင်းမုန်တိုင်းအဆင့်သို့ရောက်ရန်ရှိ/မရှိနှင့် မြန်မာနိုင်ငံအတွင်ဖြတ်သန်းသွားစဉ် ပြည်နယ်တိုင်းအလိုက်ဖြစ်ပေါ်နိုင်မည့် မိုးရွာသွန်းမှုအခြေအနေကို စက်တင်ဘာ ၁၈ ရက် နေ့လည်ပိုင်း update အားစောင့်ကြည့်ရယူပြီးမှ ဆက်လက်တင်ပြပေးသွားပါမည်။

ECMWF TRACK POINTS

==========

1  19SEP  0900

2  19SEP  2200

3  20SEP  1100

4  20SEP  2300

5  21SEP  0400

6  21SEP  0800

7  21SEP  1600

8  21SEP  2100

9  21SEP  2300

10  22SEP  0200

11  22SEP  0500

12  22SEP  0800

13  22SEP  1200

14  22SEP  1700

15  22SEP  2100

16  22SEP  2200

17  23SEP  0400

18  23SEP  1100

19  23SEP  2300

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်