ပင်လယ်ပြင်မှာ ဘာတွေဖြစ်နေလဲ? မြန်မာနိုင်ငံတွင်း ဘယ်လိုအကျိုးသက်ရောက်နိုင်မလဲ?

ယာဂိအကြွင်းအကျန် မုန်တိုင်းလို့ ပြောနေကြတဲ့(လေပွေလှိုင်း)က မြန်မာပြည်ထဲမှာ မရှိတော့ပါ။ ဘင်္ဂလားဒေ့ရှ်ဘက်ရောက်သွားပါပြီ။ ဆိုတော့ချင်းပြည်နယ် ‌တောင်ပိုင်းနဲ့ ရခိုင်ပြည်နယ် မြောက်ပိုင်းနေထိုင်သူမဟုတ်ရင် စိုးရိမ်စရာမရှိတော့ပါ။

အဲ့ဒီလေပွေလှိုင်းက ဘင်္ဂလားဒေ့ရှ်ကမ်းခြေနားမှာ လေဖိအားနည်းရပ်ဝန်းဖြစ်လာနိုင်ပြီး အနောက်ဘက် အိန္ဒိယနိုင်ငံမြောက်ပိုင်းကိုပဲ ဆက်လက်ရွေ့လျားနိုင်ကြောင်း တွေ့ရပါတယ်။ မြန်မာပြည်ဘက်ကို လာမှာမဟုတ်ပါ။

ရေကြီးနေတဲ့ဒေသတွေမှာတော့ မိုးပါးပါးသာ ရွာနိုင်ချေများပါတယ် မိုးမများနိုင်တော့ပါ။

တောင်တရုတ်ပင်လယ်ရဲ့ အရှေ့ဘက်က အရှေ့ဖိလစ်ပိုင်ပင်လယ်အကျော်မှာ အပူပိုင်းမုန်တိုင်း BERBINCA(14W)ဖြစ်နေတာ ရှိပါတယ်။ တရုတ်ပြည် အရှေ့ဘက်ကမ်းခြေ(ရှန်ဟိုင်း)ကိုဦးတည်ရွေ့နေပြီး ၁၅ ရက်နေ့နောက်ပိုင်းမှာ အဲ့ဒီကမ်းခြေကို ဖြတ်ကျော်ဝင်ရောက်နိုင်ကြောင်း JTWC က တင်ပေးထားပါတယ်။

မုန်တိုင်း BERBINCA ရဲ့ သက်ရောက်မှု - မုန်တိုင်းအကြွင်းအကျန်ကလဲ ပြီးခဲ့တဲ့ YAGI လို မြန်မာပြည်မှာ မိုးတွေကြီးနိုင်တဲ့သက်ရောက်မှုမျိုးဖြစ်မလာနိုင်တော့ပါ။

စက်တင်ဘာ ၂၂ ရက်နောက်ပိုင်းမှာ တောင်တရုတ်ပင်လယ်ထဲ လေဖိအားနည်းရပ်ဝန်းဖြစ်နိုင်ပြီး အနောက်ဘက်ကို ရွေ့နိုင်ကြောင်း၊ ဗီယက်နမ်ကမ်းခြေကို တ္တီတွတ် ၁၅ ဒီဂရီအောက်ဘက်က ဖြတ်ကျော်ဝင်ရောက်ရင် ထိုင်းပင်လယ်ကွေ့ကတဆင့် ကပ္ပလီပင်လယ်အထိရောက်နိုင်ကြောင်း GFS က တင်ထားပေမဲ့ တခြား သင်္ချာပုံစံပြုမော်ဒယ်တွေရဲ့ ပေါင်းစု အတည်ပြုနိုင်ခြင်းမရှိသေးပါဘူး။

ထူးခြားတဲ့ မိုးလေဝသအခြေအနေတွေ၊ ရာသီဥတုအခြေအနေတွေရှိလာရင် ကျနော် အချိန်မီတင်ပြပေးနေမှာပါ။

စက်တင်ဘာလ ၁၃ ရက် နံနက် ၁၀ နာရီ ECMWF, GFS နှင့် ICON model များရဲ့ ခန့်မှန်းချက်တွေမှာ ဘင်္ဂလားပင်လယ်အော်မြောက်ပိုင်း စစ်တကောင်းမြို့အနောက်ဘက်ကပ်လျက်ပင်လယ်ပြင်မှာ လေဖိအားနည်းရပ်ဝန်းဖြစ်ပေါ်နေပြီး အနောက်-အနောက်မြောက်ဘက်သို့သာ ရွေ့လျားနိုင်ကြောင်းတွေ့ရပါတယ်။ မြန်မာပြည်ဘက်မှ ရွေ့လျားသွားတဲ့ တိုင်ဖွန်းမုန်တိုင်း YAGI အကြွင်းအကျန် လေပွေလှိုင်းမှ ပြန်လည်အားယူလာတဲ့ လေဖိအားနည်းရပ်ဝန်းဖြစ်ပါတယ်။ မြန်မာပြည်ဘက်ကို ပြန်ပြီး ဦးတည်ရွေ့လျားနိုင်မှာမဟုတ်ပါ။

ဒီလေဖိအားနည်းရပ်ဝန်းဖြစ်ပေါ်လာတဲ့အရှိန်ကြောင့် -

ဒီနေ့နံနက် ၁၀ နာရီမှ စက်တင်ဘာ ၁၄ ရက် နံနက် ၁၀ နာရီအထိ - ၂၄ နာရီအတွင်း ရခိုင်ပြည်နယ်မြောက်ပိုင်း၊ ချင်းပြည်နယ်တောင်ပိုင်း၊ စစ်ကိုင်းတိုင်အထက်ပိုင်းဒေသတချို့တွေမှာသာ မိုးများနိုင်ပါမယ်။ ၂၄ နာရီအတွင်း မိုးရေချိန် ၁၆၅ မီလီမီတာ(၆.၅ လက်မခန့်)ရွာသွန်းနိုင်ပါမယ်။

ကျန်ပြည်နယ်တိုင်းတွေမှာတော့ မိုးအနည်းငယ်မှအသင့်အတင့်လောက်သာ နေရာကွက်ကျားရွာသွန်းနိုင်ကြောင်းတွေ့ရပါတယ်။ အများဆုံးရွာနိုင်တဲ့ ကွက်ကျားမိုး မိုးရေချိန်အနေနဲ့ ၂၆ မီလီမီတာ(၁ လက်မ ဝန်းကျင်ခန့်)သာရှိနိုင်ပါမယ်။

မြန်မာနိုင်ငံ အရှေ့ဘက် ပစိဖိတ်အနောက်မြောက်ဘက် ပင်လယ်တွေမှာတော့ အရှေ့ဖိလစ်ပိုင်ပင်လယ်ဘက်မှာသာ စက်တင်ဘာ ၁၇-၁၈ ရက်ဝန်းကျင်မှာ မုန်တိုင်းရှိနေပြီး တောင်တရုတ်ပင်လယ်ထဲမှာ မုန်တိုင်းဖြစ်ပေါ်နိုင်မဲ့အခြေအနေမရှိသေးပါ။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်