ဖေဖော်ဝါရီလအတွင်း ဆက်လက်ဖြစ်ပေါ်နိုင်တဲ့ ရာသီဥတုအခြေအနေများ

၂၀၂၅ ခုနှစ်၊ ဖေဖေါ်ဝါရီလ ၈ ရက် နေ့လည် ၁၂နာရီခွဲအချိန် တိုင်းတာရရှိသည့်ဒေတာများအရ

ဖေဖော်ဝါရီလအတွင်းမှာ ဆက်လက်ဖြစ်ပေါ်နေဆဲ အားပျော့တဲ့ လာနီညာနဲ့ အားအနည်းငယ်ရှိနေတဲ့ Indian Ocean Dipole(IOD) Positive ရာသီဥတုဖြစ်စဉ်တွေက အီကွေတာတလျှောက် အပူပိုင်းဇုန်အတွင်း အရှေ့လေစီးကြောင်း(ကုန်သည်လေစီးကြောင်း)ကို အားကောင်းနေစေပါတယ်။

Indian Ocean Dipole(IOD) Positive အခြေအနေက ဘင်္ဂလားပင်လယ်အော်တောင်ပိုင်းမှာ အရှေ့လေစီးကြောင်းအားကောင်းပြီး၊ အာရေဗျပင်လယ်မှတဆင့် ပါကစ္စတန်၊ အိန္ဒိယမြောက်ပိုင်းတွေပေါ်မှ အရှေ့ဘက်ကို ကွေ့ပတ်တိုက်ခတ်လာတဲ့ လေအေးစီးကြောင်းကလည်း အားကောင်းကောင်းနဲ့ မြန်မာနိုင်ငံအလယ်ပိုင်း၊ အထက်ပိုင်းဒေသတွေကို တိုက်ခတ်နေဆဲဖြစ်ကြောင်းတွေ့ရပါတယ်။

ဒီအခြေအနေတွေက ...

မြန်မာနိုင်ငံမှာ ၂၀၂၅ ခုနှစ် ဆောင်းရာသီအအေးဓာတ် ဆက်လက်ရှိနေစေဦးမှာဖြစ်ပြီး ညဘက်နဲ့ မနက်အစောပိုင်းအပူချိန်တွေဆက်လက်ကျဆင်းနေကာ နေ့အပူချိန်တွေ တဖြည်းဖြည်းမြင့်တက်လာနိုင်ပါမယ်။

နေ့နဲ့ည အပူချိန်ကွာခြားမှုလည်း များနေပါဦးမယ်။ နေ့ဘက်မှာ အပူပြင်းလာပြီး ညဘက်မှာ အအေးဓါတ်က ဆက်လက်ရှိနေဦးမှာဖြစ်တာကြောင့် နံနက်အစောပိုင်းအချိန်များမှာ မြူခိုးတွေဝေပြီး မြူထုပါးပါးမှ ထူထူအထိ ဖြစ်ပေါ်စေတဲ့ ရာသီဥတုအခြေအနေ(Shallow Fog to Medium Fog) ဖြစ်နိုင်ပြီး အမြင်တာကျဆင်းခြင်း(Poor Visibility Condition)လည်း ဖြစ်နိုင်ပါတယ်။

🔸 မနက်အစောပိုင်းအချိန်တွေမှာ လေထုညစ်ညမ်းခြင်းကြောင့် ကျန်းမာရေးထိခိုက်နိုင်တဲ့အန္တရာယ်နဲ့ မြင်ကွင်းမရှင်းမလင်းဖြစ်နေခြင်းကြောင့် ကုန်း/ရေ/လေ ခရီးလမ်းတွေမှာ မတော်တဆဖြစ်စေနိုင်တဲ့အန္တရာယ်များကို သတိထားကြရပါမယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။