နိုဝင်ဘာလကုန် ဒီဇင်ဘာလဆန်းမှာ ဖြစ်နိုင်ချေရှိတဲ့ မုန်တိုင်း ၂ လုံးရဲ့ မြန်မာနိုင်ငံအပေါ်သက်ရောက်မှုများ

အစိမ်းရောင်လမ်းက အဆက်မပြတ်တင်ပေးနေတဲ့ မိုးလေဝသသတင်းတွေမှာ "ဒီနှစ် ၂၀၂၃ ခုနှစ်နဲ့ ရှေ့လာမဲ့နှစ် ၂၀၂၄ ခုနှစ်မှာ အယ်လ်နီညိုဖြစ်မယ်၊ ၂၀၂၃ ခုနှစ် ဧပြီလကတည်းက အယ်လ်နီညိုက အစပျိုးနေပြီ" .. စသည်ဖြင့်အကြိမ်ကြိမ်ရေးသားဖော်ပြခဲ့ပြီးဖြစ်ပါတယ်။

ထို့အတူ အယ်လ်နီညိုဖြစ်တဲ့နှစ်မှာ အစွန်းရောက်ရာသီဥတုဖြစ်စဉ်တွေဖြစ်မယ်၊ အစွန်းရောက်ရာသီဥတုဆိုတာက ပူပြင်းခြောက်သွေ့မှုလွန်ကဲတာ - မိုးခေါင်ခြင်း၊ ရေရှားပါးခြင်း၊ အပူလှိုင်းများဖြတ်သန်းကျရောက်ခြင်း ..(သို့မဟုတ်) အေးမြစိုစွတ်မှုလွန်ကဲတာ မိုးများတာ၊ ရေကြီးတာ၊ မုန်တိုင်းတွေအဖြစ်များတာ စသည်ဖြင့် ၂ မျိုးစလုံးဖြစ်တတ်ကြောင်းလဲ ရှင်းပြပေးခဲ့ပြီးသလို ဖြစ်ခဲ့တဲ့ အစွန်းရောက်ရာသီဥတုဖြစ်စဉ်များကိုလဲ တင်ပြပေးခဲ့ပြီးပါပြီ။

ပုံမှန်ဆိုရင် မိုးရာသီကမုတ်သုံကာလအပြီးမှာပြီးဆုံးပြီးတော့ စိုက်ပျိုးထားတဲ့ မိုးစပါးတွေရိတ်သိမ်းကြ၊ ဆောင်းသီးနှံအတွက်ပြင်ဆင်ကြနဲ့ ပုံမှန် လယ်ယာလုပ်ငန်းတွေလည်ပတ်နေရာကနေ အယ်လ်နီညို/လာနီညာ/အိုင်အိုဒီ + /အိုင်အိုဒီ - ဖြစ်တဲ့ ဒီလိုနှစ်တွေကျတော့ မိုးလေဝသကမမှန်၊ ရာသီဥတုကဖောက်ပြန်နဲ့ တောင်သူ-လယ်သမားများအတွက် "အလွန်ဒုက္ခများပြီး သောကပွားစေတဲ့နှစ်"တွေဖြစ်လာပါတယ်။

မိုးလွန်ကာလဖျက်မိုးတွေက နိုဝင်ဘာလကုန်-၃၀ ရက်နေ့ဆိုရင် ပြီးပြီလို့သတ်မှတ်ထားပေမဲ့ ဒီဇင်ဘာလထဲအထိ ဖျက်မိုးပြဿနာက ဆက်နေတတ်တဲ့နှစ်တွေလဲ အယ်လ်နီညို/လာနီညာနှစ်တွေမှာ ရှိခဲ့ဖူးပါတယ်။ အခု ၂၀၂၃-၂၄ ခုနှစ်မှာလည်း ဒီဇင်ဘာလထဲအထိ ဖျက်မိုးအန္တရာယ်ပေးနိုင်မဲ့အခြေအနေတွေ ရှိလာနိုင်တာတွေ့နေရပါသေးတယ်။

ထူးခြားမိုးလေဝသအခြေအနေအတွက် သင်္ချာပုံစံကြိုတင်ခန့်မှန်းရေးမော်ဒယ်များမှ ရက်ဝေးခန့်မှန်းချက်(နိုဝင်ဘာလ ၂၇ ရက်နောက်ပိုင်းမှ ဒီဇင်ဘာလ ၅ ရက်အထိ)

🔸 လေဖိအားနည်းရပ်ဝန်း/မုန်တိုင်းဖြစ်နိုင်ချေ ၂၀%

🔸 ဖြစ်နိုင်သည့်အကြိမ်ရေ - ၂ ကြိမ်

ပထမအကြိမ် - နိုဝင်ဘာ၂၅-၂၆ ရက်နေ့တွင် ထိုင်းပင်လယ်ကွေ့မှတဆင့် ဝင်ရောက်လာသည့် လေဖိအားနည်းရပ်ဝန်းက ကပ္ပလီပင်လယ်၊ ဘင်္ဂလားပင်လယ်အော်များသို့ဆက်လက်ရွေ့လျားပြီး နိုဝင်ဘာလ ၂၈-၂၉-၃၀ ရက်များမှာ ဆိုင်ကလုန်းမုန်တိုင်းဖြစ်လာနိုင်ပြီး ဒီဇင်ဘာလ ၃ ရက်နေ့တွင် ကုန်းတွင်းသို့ဝင်ရောက်နိုင်ကြောင်း

ဒုတိယအကြိမ် - ပထမ မုန်တိုင်းကုန်းတွင်းဝင်အပြီး ဒီဇင်ဘာလ ၃ ရက်နေ့တွင် ကပ္ပလီပင်လယ်ပြင်အတွင်းဖြစ်ပေါ်သည့် လေဖိအားနည်းရပ်ဝန်း မြောက်ဘက်သို့ ဆက်လက်ရွေ့လျားနိုင်ကြောင်းကို တွေ့ရပါတယ်။

🔸 ပထမမုန်တိုင်း - ဦးတည်နိုင်သည့်နိုင်ငံအနေနဲ့ အိန္ဒိယ-ဘင်္ဂလားဒေ့ရှ်လို့ တွေ့ရပါတယ်။

🔸 ဒုတိယမုန်တိုင်း - လေဖိအားနည်းရပ်ဝန်းဖြစ်ပြီးနောက် မုန်တိုင်းဖြစ်နိုင်/မဖြစ်နိုင်မသေချာသေးပါ။ ကပ္ပလီပင်လယ်အတွင်း မြောက်ဘက်သို့ရွေ့လျားပြီး မြစ်ဝကျွန်းပေါ်ကမ်းရိုးတန်းသို့ ဦးတည်ရွေ့လျားနိုင်ကြောင်း တွေ့ရပါတယ်။

မြန်မာနိုင်ငံအပေါ်သက်ရောက်နိုင်သည့်အခြေအနေများ

🔸 ပထမမုန်တိုင်း - မုန်တိုင်းတိုက်ရိုက်ဝင်ရောက်နိုင်ချေ မရှိသေး။

🔸 ဒုတိယမုန်တိုင်း - လေပြင်းတိုက်ခတ်ခြင်း အနည်းငယ်သာရှိနိုင်။

မိုးရွာသွန်းနိုင်ချေ

🔸 ပထမမုန်တိုင်း - တနင်္သာရီတိုင်းတောင်ပိုင်း(မြိတ်မြို့အောက်ဘက်) မိုးအလွန်များနိုင်ပါတယ်။

🔸 ဒုတိယမုန်တိုင်း - မွန်ပြည်နယ်၊ ကရင်ပြည်နယ်၊ ကယားပြည်နယ်၊ ရှမ်းပြည်နယ်တောင်ပိုင်းနှင့်အရှေ့ပိုင်း၊ ဧရာဝတီတိုင်း၊ ပဲခူးတိုင်း(အရှေ့+အနောက်)၊ ရန်ကုန်တိုင်း၊ ရခိုင်ပြည်နယ်၊ နေပြည်တော်၊ မကွေးတိုင်း၊ မန္တလေးတိုင်းတို့တွင် မိုးအနည်းငယ်မှအသင့်အတင့်ရွာနိုင်၊ နေရာကွက်မိုးများနိုင်ပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...