နိုဝင်ဘာ ၃၀ နဲ့ ဒီဇင်ဘာ ၁ ရက်နေ့မှာ မြန်မာ့ကမ်းရိုးတန်း ကမ်းနီး/ကမ်းဝေး ပင်လယ်ပြင်များသတိ

🌀 INVEST-99W က ထိုင်းပင်လယ်ကွေ့ ဘရူနိုင်းကမ်းခြေနားမှာ အားယူနေတဲ့ အခြေအနေဖြစ်ပါတယ်။ နိုဝင်ဘာ ၂၇ ရက် - ကပ္ပလီပင်လယ်ပြင်ကိုဝင်လာချိန်မှာ အားကောင်းတဲ့ လေဖိအားနည်းရပ်ဝန်း(မုန်တိုင်းငယ်)ဖြစ်လာနိုင်ပါတယ်။ ဆိုင်ကလုန်းမုန်တိုင်းဖြစ်လာနိုင်ချေကတော့ လက်ရှိအချိန် ၄၀% ရှိနေပါတယ်။

⚠️ မြန်မာ့ကမ်းရိုးတန်းကမ်းနီး/ကမ်းဝေးပင်လယ်ပြင်တွေမှာ လှိုင်းလေထန်ပြီး မိုးသက်လေပြင်းတွေ ကျနိုင်ပါတယ်။

ဒီနေ့ (နိုဝင်ဘာ ၂၃ ရက်)မနက်ပိုင်းမှာ ရရှိတဲ့ ကြိုတင်ခန့်မှန်းချက်တွေအရ-

🔸 ဆိုင်ကလုန်းမုန်တိုင်းဖြစ်လာရင် မြန်မာနိုင်ငံက အလှည့်ကျအမည် "မိကျောင်း" ဖြစ်လာပါမယ်။

🔸 မုန်တိုင်းဦးတည်ရွေ့လျားနိုင်မှာကတော့ ဘင်္ဂလားဒေ့ရှ် ကမ်းခြေပါပဲ။ မြန်မာနိုင်ငံကမ်းရိုးတန်းဘက်ကို တိုက်ရိုက်ဝင်မဲ့ အနေအထားတော့ မတွေ့ရသေးပါ။

🔸 နိုဝင်ဘာလ ၃၀ ရက် မှာ မုန်တိုင်းဗဟို လေတိုက်နှုန်း တစ်နာရီ မိုင် ၁၀၀ ခန့်အထိ(WIND GUST)ရှိနေပြီး လှိုင်းအမြင့် ၃၃ ပေလောက်ရှိနိုင်ကြောင်း တွေ့ရပါတယ်။

🔸 မုန်တိုင်းဖြတ်သန်းသွားမဲ့ လမ်းကြောင်းက မော်တင်စွန်းအနောက်ဘက် မိုင် ၃၀၀ ခန့်မှ ဖြတ်သွားနိုင်ပါတယ်။

🔸 မြစ်ဝကျွန်းပေါ်/မွန်-တနင်္သာရီကမ်းရိုးတန်းပင်လယ်ပြင်တွေထက် ရခိုင်ကမ်းရိုးတန်းဘက်မှာ လေတိုက်နှုန်းနဲ့ လှိုင်းအမြင့်ပိုများနိုင်ပါမယ်။

🔸 ဒီဇင်ဘာလ ၁ ရက်နေ့မှာ ရခိုင်ပြည်နယ်မြောက်ပိုင်းကမ်းရိုးတန်းအနီး(မိုင် ၁၆၀ ခန့်)မှ ဖြတ်သန်းချိန် စစ်တွေမြို့မှာ လေတိုက်နှုန်း တစ်နာရီ မိုင် ၆၀ ခန့်နဲ့ လှိုင်းအမြင့် ၁၄ ပေခန့်အထိ ရှိနိုင်ကြောင်းလဲ တွေ့ရပါတယ်။

🔸 မြစ်ဝကျွန်းပေါ်ကမ်းရိုးတန်း ကမ်းနီးပင်လယ်ပြင်မှာတော့ လေတိုက်နှုန်း တစ်နာရီ မိုင် ၃၀ ခန့်နဲ့ လှိုင်းအမြင့် ၇ ပေခန့်သာရှိနိုင်ပါတယ်။

🔸 ပင်လယ်ပြင်က ရေလုပ်သားများအနေနဲ့ ဖော်ပြခဲ့တဲ့ လှိုင်း/လေဒဏ်မှ ရှောင်နိုင်ဖို့ ကမ်းကို ပြန်ဝင်ချိန် ၇ ရက် ရနိုင်ပါသေးတယ်။

🔸 ဒီ post က ပင်လယ်ပြင်ရေလုပ်သားများအတွက်သာ ဖြစ်တာကြောင့် ကုန်းတွင်းပိုင်းမှာ လေထန်နိုင်/မိုးရွာနိုင်မဲ့အခြေအနေကို သေချာတဲ့ ကြိုတင်ခန့်မှန်းချက်များရအပြီး နိုဝင်ဘာ ၂၇ ရက် နောက်ပိုင်းမှ တင်ပေးပါမယ်။

မိုးရွာနိုင်မဲ့အခြေအနေကတော့ ရှိနေမှာပါ။ အတိအကျမသိနိုင်သေးပါ။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်