တစ်ပတ်တာအတွင်း စိတ်ဝင်စားစရာ အမေးအဖြေများ

31/12/2022 11:00 AM တွင် အစိမ်းရောင်လမ်း အစိမ်းရောင်လမ်း မှ ရေးသား

စိတ်ဝင်စားစရာအမေးအဖြေတွေကို စုစည်းပြီးဖော်ပြပေးနေတဲ့ စနေနေ့ကို ပြန်လည်ရောက်ရှိလို့လာပါပြီ။ မေးခွန်းနဲ့ အဖြေတွေကတွေကတော့ အစိမ်းရောင်လမ်းဆော့ဝဲရဲ့ အမေးအဖြေကဏ္ဍမှာ တောင်သူတွေမေးလာခဲ့တဲ့ မေးခွန်းတွေကို တခြားတောင်သူတွေပါသတိထားနိုင်ဖို့အတွက် ဗဟုသုတရဖွယ် ကောင်းနိုး ရာရာတွေကို ရွေးထုတ်ပြီးဖော်ပြပေးနေခြင်းပဲဖြစ်ပါတယ်။

Green Way ဆိုတာ စိုက်ပျိုး၊ မွေးမြူရေး၊ ရေလုပ်ငန်းနဲ့ ဆိုင်တဲ့ သတင်းတွေဆောင်းပါးတွေကို တောင်သူတွေကို အခမဲ့ဖြန့်ဖြူးပေးနေတဲ့ ဆော့ဝဲတစ်ခုပါ။ ဒီဆော့ဝဲထဲမှာဆို စိုက်ခင်းထဲက ပြဿနာတွေ ဇဝေဇဝါဖြစ်နေတဲ့ အကြောင်းအရာတွေကို တိုင်ပင်ဆွေးနွေးလို့ရနိုင်တဲ့ အခန်းကဏ္ဍလေး ရှိပါတယ်။ အဲ့ဒါကတော့ အမေးအဖြေကဏ္ဍပါ။ မေးခွန်းတွေကိုမေးမြန်းချင်ရင်တော့ အမေးအဖြေ ကဏ္ဍသို့ဝင်ကာ ပို့စ်တင်ပြီးမေးလို့ရနေပါတယ်။ ပညာရှင်တွေနဲ့ အတွေ့အကြုံရှိတောင်သူတွေ မှန်မှန်နဲ့ မြန်မြန်ဖြေပေးနိုင်အောင် အတတ်နိုင်ဆုံးကြိုးစားပြီး ဝင်ဆွေးနွေးပေးကြပါတယ်ရှင့် ။ 

ဒီတစ်ပတ်ရဲ့ စိတ်ဝင်စားစရာ မေးခွန်းတွေကတော့.....

၁။ မေး (ကျော်လင်းသူ) - ကုလားပဲအရွက်ဖျားလေးတွေမှာ အဖြူလေးတွေဖြစ်နေလို့ ဘယ်လိုဖြစ်တာလဲ..ခဗျာ ဘာဆေးဖျန်းသင့်လဲ ဆရာတို့ရေ။ တင်ပို+ပီဖိုလန် အားဆေးဖျန်းရင်ရော အဆင်မပြေလောက်ဘူးလား.ဆရာ။

ဖြေ (ဒို့ဦးလေး) - အာဟာရချို့တဲ့သဘောပါ။ လစ်တိုဇင် ဖျန်းပေးပါ။ ဟိုမုန်းကြိုက်တယ် ကုလားပဲက.. ဟိုမုန်းပါတဲ့အားဆေးဆိုရပါတယ်။

၂။ မေး (Thet Hnin) - ဆေးဖျန်းခေါင်းကထွက်တဲ့ ရေမှုန်ကြီးတာနဲ့ သေးတာဘယ်ဟာ ပိုထိရောက်လဲဆရာ။

ဖြေ (ဒို့ဦးလေး) - အပင်ရဲ့အရွက်မှာရှိတဲ့စတိုမာ အပေါက်လေးတွေထဲ၊ ဆေးစိမ့်ဝင်ဖို့အတွက် အမှုံသေးသေးလေးတွေ ဖြစ်ဖို့လိုပါတယ်။

၃။ မေး (Aung Chan) - ဘာရောဂါလဲဆရာ ပဲတွေမှာတအားဖြစ်နေလို့ ဘာဆေးတွေနိုင်လဲ။

ဖြေ (ဒို့ဦးလေး) - ဆာကိုစပိုရာ ရွက်ပြောက်လို့ခေါ်ကြတယ်။ အဇိုဇီစထိုဘင်+ဒိုင်ဖန်နိုကိုနာဇိုး အတွဲ ဖျန်းပါ။

၄။ မေး (ခိုင်မင်းစိုး) - မြေသြဇာဆက်မသုံးတော့ဘဲ ကွဲနေတဲ့မြေကြီးကို မြေဆီကောင်းအောင် ဘယ်လိုအသက်သွင်းရမလဲ။

ဖြေ (ကျော်ကျော်ဦး) - သဘာဝမြေသြဇာထည့်၊ သစ်စိမ်းမြေသြဇာထည့်၊ Emများများဖျန်း ဖြစ်နိုင်ရင် ပေါင်းသတ်ဆေး၊ ထယ်ရေးလှန်ခြင်းကို ရှောင်၍ မြေမွေးထားပါ...။

(ဒို့ဦးလေး) - တတ်နိုင်ရင် သဲတွေရနိုင်သလောက် 4 လက်မထုချေပေးပါ။

၅။ မေး (မင်းမင်း) - ပဲစိုက်ရာသီနောက်ကျရင် ပိုးမွှားရောဂါပိုကျတယ်ဘာကြောင့်ပါလဲဆရာ။ ဥပမာ ပဲတီစိမ်းကိုနိုဝင်ဘာ15ရက်နောက်ဆုံးထားပြီးစိုက်ရပါတယ်။ ကျွန်တော့မှာလယ်နှစ်ကွင်းရှိပါတယ်။ တစ်ကွင်းက နိုဝင်ဘာ 16 ရက်မှာစိုက်တယ်  စိုက်ချိန်မှန်တော့ ပိုးမွှားရောဂါနည်းနည်းပဲကျတယ်။ နောက်တစ်ကွင်းက နိုဝင်ဘာ 23 ရက်မှာစိုက်တယ် စိုက်ချိန်နောက်ကျတော့ ပျ၊ ယင်ဖြူ၊ လှေးတွေ အများကြီးကျပြီး အရွက်တွေတွန့်ကုပ်ပြီး အဝါရောင်မိုဇစ်ရောဂါဖြစ်ကုန်တယ်‌။ ကျေးဇူးပြု၍ဖြေပေးပါနော်ဆရာတို့...

ဖြေ ( ဦးသက်လွင်) - အဝါရောင် မိုစိတ်ရောဂါခံနိုင်ရည်မရှိသော မျိုးစိုက်လျှင် ဘယ်အချိန်စိုက်စိုက် အဆင်မပြေပါဘူး။ ရာသီဥတုဖြစ်စဉ်သည် ပိုးမွားရောဂါ အနည်းအများကို အဆုံးအဖြတ် ပေးတာပါ(မို့အုံ့ခြင်း၊ မအုံ့ခြင်း) 

(ဒို့ဦးလေး) - စိုက်ချိန်နောက်ကျခြင်းကြောင့် ပိုးများပိုကျရောက်တယ်ဆိုတာ. ရာသီဥတုကြောင့်ပါ။ ယင်ဖြူ ပျ လှေးတွေဟာ ရာသီဥတု ပူချိန် ပေါက်ဖွားမှုနုန်းမြင့်ပါတယ်။ ဒါကြောင့် စိုက်ချိန်နောက်ကျရင် စုပ်စားပိုး ပိုဆိုးတာပါ။ ကျန်အခင်းတွေကနေ အပင်ငယ်တွေဆီ ပိုးတွေပိုကြိုက်ပါတယ်။ အပင်ဝါရောဂါကလည်း ဒီလိုပါဘဲ။ စောစိုက်တဲ့အခင်းတွေ အရမ်းနောက်ကျတဲ့အပင်တွေကျတတ်ပါတယ်။ မျိုးပြောင်းပါ။ မျိုးစေ့ ဆေးလူးစိုက်ပါ။ စုပ်စားပိုး ကာကွယ်ပါ။

နောက်တစ်ပတ်တွေမှာလည်း စိတ်ဝင်စားစရာ အမေးအဖြေများကို ဆက်လက်ဖော်ပြပါဦးမည်။

နှစ်သစ်မှာ ပျော်ရွှင်ကြပါစေ။

ဆောင်းပါးများ/သတင်းများ ပြန်လည်ကူးယူဖော်ပြပါက "အစိမ်းရောင်လမ်းမှ ပြန်လည်ကူးယူဖော်ပြပါသည်" ဟု ထည့်ပေးပါရန် မေတ္တာရပ်ခံအပ်ပါသည်။


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်