တစ်ပတ်တာအတွင်း ဈေးကွက်သုံးသပ်ချက်

(၃၁.၅.၂၀၂၁ မှ ၄.၆.၂၀၂၁) ထိ တစ်ပတ်အတွင်းအပြောင်းအလဲဖြစ်ပေါ်ခဲ့သည့် လယ်ယာထွက်ကုန်သီးနှံများ

မတ်ပဲ

ပြီးခဲ့တဲ့အပတ်က ဈေးကျဆင်းနေတဲ့မတ်ပဲက ဒီတစ်ပတ်မှာ ဈေးပြန်တက်လာပါတယ်။ ပဲတွေကတော့ အိန္ဒိယတင်ပို့ဖို့အတွက် အောက်တိုဘာလအထိ ခွင့်ရရှိထားတဲ့အပြင် အခွန်ကင်းလွတ်ခွင့်ပေးထားတဲ့အတွက်ကြောင့် ဈေးက တက်နေခဲ့ပါတယ်။ 

ဒါပေမယ့် ပဲက တောင်သူလက်ထဲမှာမရှိတော့ပဲ ကုန်သည်များအကြား စာချုပ်အချင်းချင်းသာ အရောင်း အဝယ်ရှိနေတဲ့အခြေအနေမို့ ဈေးကတော့ တစ်ပတ်အတွင်းတည်ငြိမ်မှုမရှိပါဘူး။ ပြည်တွင်း ငွေလဲလှယ်နှုန်းဈေးကလည်း အတက်အကျတည်ငြိမ်မရှိပါဘူး။

ရန်ကုန်ဈေးကွက်မှာ မတ်ပဲ(FAQ/RC)  က တစ်တန်ကို ၁၀၈၅၀၀၀ ပေါက်ဈေးရှိပြီး ပြီးခဲ့တဲ့အပတ်နဲ့ ယှဉ်ရင်  ၃၀၀၀၀ လောက်ဈေးတက်လာပါတယ်။

မန္တလေးဈေးကွက်မှာတော့ တစ်အိတ်ကို ၁၀၃၀၀၀ ပေါက်ဈေးရှိပြီး  တစ်အိတ် ၁၀၀၀ ကျပ် သာ ဈေးတက်လာပါတယ်။

မုံရွာဈေးကွက်မှာတော့ တစ်တင်းကို ၃၄၀၀၀ ပေါက်ဈေးရှိပြီး ၁၀၀၀ ကျပ်ဈေးတက်လာပါတယ်။

ပြည်ဈေးကွက်မှာတော့ တစ်တင်းကို ၃၅၀၀၀ ကနေ ၃၅၂၀၀ ပေါက်ဈေးရှိပြီး တစ်တင်းကို ၁၇၀၀ ကျပ်ဈေး တက်လာပါတယ်။

ပဲစင်းငုံနီ

ပဲစင်းငုံနီကလည်း ပြီးခဲ့တဲ့ အပတ်ကအထိ အကျဈေးနဲ့ ဈေးငြိမ်နေခဲ့ပြီး ဒီတစ်ပတ်မှာတော့ ဈေးပြန်တက်လာပါတယ်။ ပြည်ပတင်ပို့မှုရှိတဲ့အတွက် ပစ္စည်းထုတ်ရောင်းမှုတွေကြောင့် ဈေးတက်လာတာလို့ သိရပါတယ်။ မတ်ပဲလောက် လက်ကျန်မရှိတဲ့အတွက် ဈေးက တည်ငြိမ်ပါတယ်။

ရန်ကုန်ဈေးကွက်မှာ ပဲစင်းငုံနီကတစ်တန်ကို ၁၀၅၇၅၀၀ ပေါက်ဈေးရှိပြီး တစ်တန်ကို ၃၅၀၀၀ ကျပ် ဈေးတက်လာပါတယ်။

မန္တလေးဈေးကွက်မှာတော့ ၉၈၀၀၀ ပေါက်ဈေးရှိပြီး တစ်အိတ်ကို  ၃၀၀၀ ကျပ်ဈေးတက်လာပါတယ်။

မုံရွာဈေးကွက်မှာတော့ တစ်တင်းကို ၃၂၃၀၀ပေါက်ဈေးရှိပြီး ၃၀၀ ကျပ်ဈေး တက်လာပါတယ်။

ပြည်ဈေးကွက်နဲ့အောင်လံဈေးကွက်မှာတော့ တစ်တင်းကို ၃၃၀၀၀ ပေါက်ဈေးရှိပြီး ၁၀၀၀ ကျပ်ဈေးတက်လာ ပါတယ်။

ပဲတီစိမ်း

ပဲတီစိမ်းက ပြီးခဲ့တဲ့ အပတ်ကအထိ ဈေးကျဆင်းပေမယ့် ဒီတစ်ပတ်မှာတော့ အနည်းငယ် ဈေးပြန်တက်လာပါတယ်။ တရုတ်ဘက်က ဝယ်ယူမှုများလာတဲ့အတွက်ဈေး တက်လာတာလို့သိရပါတယ်။

ရန်ကုန်ဈေးကွက်မှာ ပဲတီစိမ်း (ခရမ်းရွှေဝါ၊ ပဲခူးရွှေဝါ) တို့က တစ်ပိဿာကို ၁၇၅၀ ကနေ ၂၀၈၅ ပေါက်ဈေးရှိပြီး ၁၃၅ ကျပ်ဈေးတက်လာပါတယ်။ ပဲတီစိမ်း (ဝါးခယ်မ)က တစ်ပိဿာကို ၁၉၁၅ ကနေ ၂၀၀၀ ပေါက်ဈေးရှိပြီး တစ်ပိဿာကို ၂၅၀ ကျပ်ဈေးတက်လာပါတယ်။

မန္တလေးဈေးကွက်မှာတော့ ပဲတီစိမ်းက တစ်အိတ်ကို ၁၀၀၀၀၀ ကနေ ၁၁၈၀၀၀ ပေါက်ဈေးရှိပြီး ၃၀၀၀ ကျပ်ဈေးတက်လာပါတယ်။

မုံရွာဈေးကွက်မှာတော့ တစ်တင်းကို ၃၂၅၀၀ မှ ၃၄၀၀၀ ပေါက်ဈေးရှိပြီး ၁၀၀၀ ကျပ်ဈေးကျဆင်းသွားပါတယ်။

ပဲကြီး

ပဲကြီးကလည်း ဒီတစ်ပတ်မှာ ဈေးတက်လာပါတယ်။ ပဲကြီးက ပြည်တွင်း ဝယ်ယူမှုများတဲ့အပြင် တရုတ်ကိုလည်း အဓိက တင်ပို့နေတဲ့ပဲဖြစ်ပါတယ်။

ရန်ကုန်ဈေးကွက်မှာ ပဲကြီး (ရွှေကျွန်း၊ကုန်း) က တစ်ပိဿာကို ၁၇၇၀ ကနေ၂၁၂၅ ပေါက်ဈေးရှိပြီး တစ်ပိဿာကို ၁၇၅ ကျပ်ဈေးတက်လာပါတယ်။

မန္တလေးဈေးကွက်မှာတော့ ပဲကြီးက သုံးတင်းဝင် တစ်အိတ်ကို ၁၀၀၀၀၀ ကနေ ၁၂၀၀၀၀ ပေါက်ဈေးရှိပြီး တစ်အိတ်ကို ၅၀၀၀ ကျပ်ဈေးတက်လာပါတယ်။

အောင်လံဈေးကွက်မှာလည်း တစ်တင်းကို ၃၂၀၀၀ကနေ ၃၆၀၀၀ ပေါက်ဈေးရှိပြီး ၄၀၀၀ကျပ် ဈေးတက်လာပါတယ်။

ပဲပုတ်

ပဲပုတ်ကလည်း ပြီးခဲ့တဲ့အပတ်လောက်ကတည်းက ဈေးက တစ်ဖြေးဖြေး တက်နေခဲ့တာဖြစ်ပါတယ်။အဓိက ပဲပုတ် ကို ဆီအဖြစ် အသုံးပြုတာဖြစ်တဲ့အတွက် ဝယ်ယူမှုမြင့်တက်လာတယ်လို့သိရပါတယ်။

ရန်ကုန်ဈေးကွက်မှာတော့ ပဲပုတ် (မြစ်ဝကျွန်းပေါ်) က တစ်ပိဿာကို ၁၄၁၅ ကနေ ၁၄၅၀ ပေါက်ဈေးရှိပြီး ၂၀ ကျပ်ဈေးတက်လာပါတယ်။ အထွက်တိုးကတော့ တစ်ပိဿာကို ၁၃၃၀ ကနေ ၁၃၇၀ ပေါက်ဈေးရှိပြီး ၁၂၀ ကျပ်ဈေးတက်လာပါတယ်။

မန္တလေးဈေးကွက်မှာလည်း ပဲပုတ်(ရှမ်း)က သုံးတင်းဝင်တစ်အိတ်ကို ၆၈၀၀၀ မှ ၇၂၀၀၀ ပေါက်ဈေးရှိပြီး ၂၀၀၀ ကျပ်ဈေးတက်လာပါတယ်။ ပဲပုတ်(ဗမာ)ကတော့ တစ်အိတ်ကို ၉၀၀၀၀ ကနေ ၉၃၀၀၀ ပေါက်ဈေးရှိပြီး ၃၀၀၀ ကျပ်ဈေးတက်လာပါတယ်။

မုံရွာဈေးကွက်မှာတော့ တစ်တင်းကို ၃၀၀၀၀ ပေါက်ဈေးရှိပြီး ဈေးငြိမ်ပါတယ်။

ကြက်သွန်ဖြူ(ကြူကုတ်)၊ ရှမ်းကြက်သွန်ဖြူ

ကြက်သွန်ဖြူ(ကြူကုတ်)ကတော့ ပြည်တွင်း ဝယ်ယူမှုများတဲ့အပြင် တင်သွင်းမှုလျော့နည်းတဲ့အတွက်ကြောင့် ဈေးက ၂ ရက်အတွင်းမြင့်တက်လာပါတယ်။ 

ရန်ကုန်ဈေးကွက်မှာ တစ်ပိဿာကို ၂၉၀၀ ပေါက်ဈေးရှိပြီး တစ်ပိဿာကို ၄၀၀ ကျပ်ဈေးတက်လာပါတယ်။

မော်လမြိုင်ဈေးကွက်မှာတော့ တစ်ပိဿာကို ၂၈၅၀ ပေါက်ဈေးရှိပြီး ၁၅၀ ကျပ်ဈေးတက်လာပါတယ်။

ကြက်သွန်ဖြူ(ရှမ်း)ကတော့ ဈေးငြိမ်နေပါတယ်။ မိုးရွာသွန်းမှုကြောင့် အရည်အသွေးပိုင်း အားနည်းပြီး ဈေးကောင်းရရှိမှုနည်းနေတာလည်းဖြစ်ပါတယ်။

ရန်ကုန်ဈေးကွက်မှာ ရှမ်းကြက်သွန်(အောင်ပန်း)က တစ်ပိဿာကို ၁၂၀၀ ကနေ ၁၈၀၀ ပေါက်ဈေးရှိပြီး ဈေးငြိမ်နေပါတယ်။

မော်လမြိုင်မှာလည်း တစ်ပိဿာကို ၁၆၀၀ ကနေ ၁၉၀၀ ရှိပြီးဈေးငြိမ်နေပါတယ်။

ဝတ်ရည်မွန်(AMIA)

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်