တစ်ပတ်အတွင်း သီးနှံဈေးကွက်သုံးသပ်ချက်

(၂၃.၁၁.၂၀၂၀ မှ ၂၇.၁၁.၂၀၂၀) ထိ

တစ်ပတ်အတွင်း အပြောင်းအလဲ ဖြစ်ပေါ်ခဲ့တဲ့ လယ်ယာထွက်ကုန် သီးနှံဈေးနှုန်းများ

ဆန်၊ စပါး

ဒီတစ်ပတ် ဧရာဝတီတိုင်း ဈေးကွက်မှာတော့ ဆန်ဈေး စပါးဈေး အနည်းငယ် တက်လာပါတယ်။ အသစ်တွေထွက်ရှိလာတာဖြစ်လို့ ရန်ကုန် အပြင် အခြား အညာဒေသတွေကပါ ဝယ်ယူမှု ရှိလာတဲ့အတွက်ဈေးတွေတက်တယ်လို့သိရပါတယ်။

ပုသိမ်ဈေးကွက်မှာ ပုသိမ်ပေါ်ဆန်းမွှေးစပါးက တင်း ၁၀၀ ကို ၇၆၂၀၀၀ ပေါက်ဈေးရှိပြီး ဆန်ကတော့ တစ်အိတ်ကို ၃၂၀၀၀ ပေါက်ဈေးရှိပါတယ်။ ပုသိမ်ဧည့်မထစပါးကတော့ တင်း ၁၀၀ ကို ၅၈၀၀၀၀ ပေါက်ဈေးရှိပြီး တင်း ၁၀၀ ကို ၄၇၀၀၀ ကျပ်ဈေးတက်လာပါတယ်။ ဆန်ကတော့ တစ်အိတ်ကို ၂၃၀၀၀ ပေါက်ဈေးရှိပြီး ၁၅၀၀ ကျပ်ဈေးတက်လာပါတယ်။

မြောင်းမြပေါ်ဆန်းစပါးကတော့ တင်း ၁၀၀ ကို ၇၅၃၀၀၀ ပေါက်ဈေးရှိပြီး တင်း ၁၀၀ ကို ၈၀၀၀ ကျပ်ဈေးတက်လာ ပါတယ်။ဆန်ကတော့ တစ်အိတ်ကို ၃၀၀၀၀ ကျပ်ရှိပြီး ၁၀၀၀ ကျပ်ဈေး တက်လာပါတယ်။မြောင်းမြဧည့်မထစပါးကတော့ တင်း ၁၀၀ကို ၅၉၈၀၀၀ နဲ့ဈေးငြိမ်ပါတယ်.။ ဆန်ကတော့ တစ်အိတ်ကို ၂၃၅၀၀ နဲ့ ၁၅၀၀ ကျပ်ဈေးတက်လာပါတယ်။

လတ်တလောစပါးဈေးနဲ့ ဆန်ဈေးကတော့ အသစ်တွေ ဆက်တိုက်ထွက်ရှိနေပြီး အဝယ်တွေကလည်း နယ်စုံတဲ့အတွက် ထပ်ပီးတက်နိုင်ခြေရှိတယ်လို့ ကုန်သည်အချို့က ဆိုပါတယ်။

မတ်ပဲ

မတ်ပဲကတော့ နိုဝင်ဘာ ပထမအပတ်က ဈေးက ကျဆင်းနေတာပဲဖြစ်ပါတယ်။ လက်ရှိမှာ အိန္ဒိယဘက်ကလည်း အဝယ်နည်းပြီးဈေးကျဆင်းတဲ့အတွက် ပြည်တွင်းမှာလည်း ကျဆင်းတာဖြစ်လို့ ကုန်သည်တွေက ဆိုပါတယ်။

ရန်ကုန်ဈေးကွက်မှာ တစ်တန်ကို ၁၀၀၄၀၀၀ အထိ တစ်ပတ်အတွင်းကို ငွေကျပ် ၄၀၀၀၀ နီးပါးဈေးကျဆင်း သွားခဲ့ပါတယ်။

မန္တလေးဈေးကွက်မှာတော့ သုံးတင်းဝင် တစ်အိတ်ကို ၁၁၀၀၀၀ ပေါက်ဈေးရှိပြီး ၅၀၀၀ကျပ်ဈေးကျဆင်းသွားပါတယ်။

မော်လမြိုင်ဈေးကွက်မှာတော့ တစ်တင်းကို ၃၃၆၀၀ ကျပ် ရှိပြီး ၁၂၀၀ ကျပ်ဈေးကျဆင်းသွားပြီး ပြည်ကုန်စည်ဒိုင် မုံရွာကုန်စည်ဒိုင် ဈေးကွက်တို့မှာတော့ အရောင်းအဝယ် မရှိပါဘူး။

ပဲစင်းငုံနီ

ပဲစင်းငုံနီကလည်း ဒီတစ်ပတ်မှာ ဈေးကျဆင်းသွားပါတယ်။ နေ့စဉ်ဈေးက ကျဆင်းနေတာဖြစ်ပြီးတော့ နယ်ဈေးကွက်တွေမှာတာ့ အရောင်းအဝယ်က မရှိသလောက် ဖြစ်ပါတယ်။

ရန်ကုန်ဈေးကွက်မှာတော့ ပဲစင်းငုံနီက တစ်တန်ကို ၈၁၀၀၀၀ ကျော် ပေါက်ဈေးရှိပြီး ပြီးခဲ့တဲ့အပတ်နဲ့ ယှဉ်ရင် ၂၅၀၀၀ ကျော် လောက် ဈေးကျဆင်းသွားပါတယ်။ တစ်လအတွင်းတစ်တန်ကို ငွေကျပ် တစ်သိန်းနီးပါးဈေး ကျဆင်း သွားပါတယ်။

မန္တလေးဈေးကွက်မှာတော့ သုံးတင်းဝင် တစ်အိတ်ကို ၇၆၀၀၀ ပေါက်ဈေးရှိပြီးတစ်အိတ်ကို ၄၀၀၀ ကျပ်ဈေးကျဆင်းသွားပါတယ်။

မုံရွာဈေးကွက်မှာတော့ တစ်တင်းကို ၂၅၅၀၀ ပေါက်ဈေးရှိပြီး တစ်တင်းကို ၂၀၀၀နီးပါး ကျပ်ဈေးကျဆင်းသွားပါတယ်။

ကြက်သွန်နီ

ကြက်သွန်နီကတော့ ဒီတစ်ပတ်မှာလည်း ဈေးက ကျဆင်းသွားပြီး အဝင်တွေအရမ်းများတဲ့အတွက် ကြောင့် ဖြစ်ပါတယ်။

ရန်ကုန်ဈေးကွက်မှာတော့ တစ်ပိဿာကို ၄၅၀ ကနေ ၆၅၀ ပေါက်ဈေးရှိပြီး ၁၀၀ ကျပ်ဈေး ကျဆင်းသွားပါတယ်။

ပခုက္ကူကုန်စည်ဒိုင်ဈေးကွက်မှာတော့ ၃၀၀ ကနေ ၅၀၀ ပေါက်ဈေးရှိပြီး ပြီးခဲ့တဲ့ အပတ်နဲ့ ယှဉ်ရင်တော့ ၂၅ ကျပ်လောက်ဈေးတက်လာပါတယ်။

ဝတ်ရည်မွန်(AMIA)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...