တစ်ပတ်တာအတွင်း ဈေးကွက်သုံးသပ်ချက်

(၁၇.၁.၂၀၂၂) မှ (၂၁.၁.၂၀၂၂) ထိ အပြောင်းအလဲဖြစ်ပေါ်ခဲ့သည့် လယ်ယာထွက်ကုန်သီးနှံများ

မတ်ပဲ

မတ်ပဲကတော့ ဒီတစ်ပတ်မှာ အနည်းငယ်ဈေးပြန်တက်လာပါတယ်။ ဈေးကွက်အတွင်း အနည်းငယ် ဝယ်ယူလာမှုတွေ ပြန်သွက်လာတဲ့အတွက် ဈေးကပြန်တက်လာတာဖြစ်ပါတယ်။ ပြီးခဲ့တဲ့အပတ်က ကအတက်ဈေးနဲ့ ဈေးစဖွင့်ခဲ့ပေမယ့် ဈေးပိတ်ချိန်မှာတော့ ဈေးတွေက ပြန်ကျဆင်းသွားခဲ့ပါတယ်။

လာမယ့် ၃ လပိုင်းကုန်အထိ ပဲတင်သွင်းမှုက ရှိနေသေးတဲ့အတွက် သိုလှောင်မှုတွေက ရှိနေပါတယ်။ ပဲဈေးက ကျဆင်းသွားမှာစိုးတဲ့အတွက် လက်ရှိအတက်ဈေးနဲ့ ထုတ်ရောင်းမှုတွေရှိနေတယ်လို့လည်း သိရပါတယ်။ တစ်ပတ်အတွင်းမှာတော့ အတက်အကျတွေက တည်ငြိမ်မှုမရှိပါဘူး။

အိန္ဒိယပဲသတင်းအရ မြန်မာ့ပဲတင်ပို့မှုကို ၂ ဆ တင်ပို့ဖို့အတွက် ပဲကုန်သည်ကြီးတွေက တောင်းဆိုမှု တွေ ပြုလုပ်ထားတယ်လို့ သိရပါတယ်။

ရန်ကုန်ဈေးကွက်မှာ မတ်ပဲက တစ်တန်ကို ၁၃ သိန်း ၅ သောင်းကျော်ပေါက်ဈေးရှိနေပြီ ပြီးခဲ့တဲ့အပတ်နဲ့ ယှဉ်ရင် တစ်တန်ကို ၂ သောင်းနီးပါးဈေး တက်လာပါတယ်။

မန္တလေးဈေးကွက်မှာတော့ တစ်အိတ်ကို ၁၃၀၀၀၀ ကနေ ၁၃၃၀၀၀ ပေါက်ဈေးရှိပြီး တစ်အိတ်ကို ၅၀၀၀ ကျပ် ဈေးကျဆင်းသွားပါတယ်။

မုံရွာဈေးကွက်မှာတော့ တစ်တင်းကို ၄၃၀၀၀ ပေါက်ဈေးရှိပြီး ၅၀၀ ကျပ် ဈေးကျဆင်းသွားပါတယ်။ပြည်ဈေးကွက်မှာလည်း တစ်တင်းကို ၄၅၀၀၀ ပေါက်ဈေးရှိပြီး ၅၀၀ ကျပ် ဈေးတက်လာပါတယ်။

ပဲစင်းငုံနီ

ဒီတစ်ပတ်မှာတော့ ပဲစင်းငုံနီက မတ်ပဲထပ် ဈေးကပိုများနေပါတယ်။ ဈေးကွက်ထဲကို အဝင်များနေပေမယ့်လည်း ပြည်ပတင်ပို့မှုကြောင့် ဈေးကောင်းရရှိနေပါတယ်။ လာမယ့် ၃ လပိုင်းအကုန်အထိ အိန္ဒိယတင်ပို့မှုကရှိနေတဲ့အတွက် ပဲစင်းငုံနီက ကျဆင်းနိုင်ခြေနည်းတယ်လို့ ကုန်သည်တွေကဆိုပါတယ်။

အိန္ဒိယနိုင်ငံမှာ အိုမီခရွန်ကြောင့် ပဲတင်သွင်းမှုတွေကို ကန့်သတ်မှုတွေရှိတဲ့အတွက် ဈေးက ပြန်တန့်သွားခဲ့ပေမယ့် ရာသီဥတုကြောင့် ပဲစင်းငုံအထွက်နှုန်းက ၃၀ ရာခိုင်နှုန်းထိ ကျဆင်းနိုင်မယ်လို့ ခန့်မှန်းမှုတွေကြောင့် ဈေးကအများကြီးကျဆင်းသွားတာမျိုးမရှိတာကိုလည်း တွေ့ရပါတယ်။

ရန်ကုန်ဈေးကွက်မှာ ပဲစင်းငုံနီက တစ်တန်ကို ၁၃ သိန်း ၈ သောင်းကျော်အထိ ပေါက်ဈေးရှိပြီး ပြီးခဲ့တဲ့ အပတ်နဲ့ယှဉ်ရင် တစ်တန်ကို ၅ သောင်းနီးပါး ဈေးတက်လာပါတယ်။

မန္တလေးဈေးကွက်မှာတော့ တစ်အိတ်ကို ၁၃၀၀၀၀ ပေါက်ဈေးရှိပြီး တစ်အိတ်ကို ၆၀၀၀ ကျပ်ဈေးတက်လာပါတယ်။

ပခုက္ကူဈေးကွက်မှာတော့ တစ်တင်းကို ၄၃၄၀၀ ပေါက်ဈေးရှိပြီး တစ်တင်းကို ၂၅၀၀ ကျပ်ဈေးတက်လာပါတယ်။ မုံရွာဈေးကွက်မှာတော့ တစ်တင်းကို ၄၃၀၀၀ ပေါက်ဈေးရှိပြီး တစ်တင်းကို ၁၅၀၀ ကျပ်ဈေးတက်လာပါတယ်။ အောင်လံဈေးကွက်မှာတော့ တစ်တင်းကို ၄၃၀၀၀ ပေါက်ဈေးရှိပြီး တစ်တင်းကို ၂၀၀၀ ကျပ် အသီးသီးဈေးတက်လာပါတယ်။

ကုလားပဲ

ကုလားပဲကတော့ ဒီတစ်ပတ်မှာ ဈေးအနည်းငယ်ပြန်ကျဆင်းသွားပါတယ်။ ဝယ်ယူမှုကတော့ ပဲလက်ကျန်လည်း မရှိတော့ပဲ အသစ်ကိုစောင့်နေတဲ့အတွက် ကြိုပွိုင့်ဝယ်ယူမှုတွေသာရှိနေပြီး ဈေးက အတက်အကျရှိနေတာဖြစ်ပေမယ့် အတက်ဈေးနဲ့ပဲ အရောင်းအဝယ်ဖြစ်နေပါတယ်။

ရန်ကုန်ဈေးကွက်မှာတော့ ကုလားပဲလုံးဈေးနှုန်းက လက်ကျန်မရှိတဲ့အတွက် တစ်လနီးပါး ဈေးငြိမ်နေခဲ့ပါတယ်၊ ကုလားပဲခြမ်းကတော့ တစ်ပိဿာကို ၂၉၀၀ ကနေ ၂၉၅၀ ပေါက်ဈေးရှိပြီး ၅၀ ကျပ်ဈေး ကျဆင်းသွားပါတယ်။

မန္တလေးဈေးကွက်မှာတော့ ကုလားပဲ (V2) က တစ်အိတ်ကို ၁၃၉၀၀၀ ပေါက်ဈေးရှိပြီး တစ်အိတ်ကို ၆၀၀၀ ကျပ်၊ ကုလားပဲ(ထိုင်ဝမ်)က ၁၂၅၀၀၀ ကနေ ၁၂၇၀၀၀ ပေါက်ဈေးရှိပြီး ၃၀၀၀ ကျပ်၊ ကုလားပဲ(929)က ၁၃၂၀၀၀ ပေါက်ဈေးရှိပြီး ၃၀၀၀ ကျပ်၊ ကုလားပဲ (v7)က ၁၃၇၀၀၀ ကနေ ၁၃၈၀၀၀ ပေါက်ဈေးရှိပြီး ၆၀၀၀ ကျပ် အသီးသီးဈေးပြန်ကျဆင်းသွားပါတယ်။

မုံရွာဈေးကွက်မှာ ကုလားပဲ(929)က တစ်တင်းကို ၄၄၀၀၀ ပေါက်ဈေးရှိပြီး ၁၅၀၀ ကျပ်၊ ကုလားပဲ (V2) က တစ်တင်းကို ၄၆၀၀၀ ပေါက်ဈေးရှိပြီး ၁၀၀၀ ကျပ်ဈေးတက်လာပါတယ်။

ပဲလွန်းဖြူ

ပဲလွန်းဖြူကတော့ ရန်ကုန်ဈေးကွက်မှာ ကျဆင်းနေပေမယ့် မန်းဈေးကွက်မှာတော့ ဆက်တိုက် ဈေးတက်နေပါတယ်။ အဝင်များလို့ ဈေးကျဆင်းပေမယ့် နယ်ဈေးကွက်မှာတော့ အဝယ်သွက်နေတယ်လို့ သိရပါတယ်။

ရန်ကုန်ဈေးကွက်မှာ ပဲလွန်းဖြူ (ပဲခူး)က တစ်ပိဿာကို ၂၁၆၅ ကနေ ၂၂၅၀ ပေါက်ဈေးရှိပြီး ဈေးငြိမ်ပါတယ်။ ပဲလွန်းဖြူ(မြစ်ဝကျွန်းပေါ်)ကတော့ တစ်ပိဿာကို ၂၀၅၀ ကနေ ၂၀၈၅ ပေါက်ဈေးရှိပြီး တစ်ပိဿာကို ၃၅ ကျပ် ဈေးကျဆင်းသွားပါတယ်။

မန္တလေးဈေးကွက်မှာ ပဲလွန်းဖြူက တစ်အိတ်ကို ၁၂၀၀၀၀ ကနေ ၁၂၇၀၀၀ ပေါက်ဈေးရှိပြီး တစ်အိတ်ကို ၂၀၀၀ ကျပ် ဈေးတက်လာပါတယ်။

မုံရွာဈေးကွက်မှာတော့ တစ်တင်းကို ၃၉၀၀၀ ကနေ ၄၀၀၀၀ ပေါက်ဈေးရှိပြီး ၂၀၀၀ ကျပ် ဈေးတက်လာပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...