တစ်ပတ်တာအတွင်း ဈေးကွက်သုံးသပ်ချက်

(၁၂.၇.၂၀၂၁ မှ ၁၆.၇.၂၀၂၁) ထိ အပြောင်းလဲဖြစ်ပေါ်ခဲ့သည့် လယ်ယာထွက်ကုန်သီးနှံများ

ဆန်စပါး

ရန်ကုန်ဈေးကွက်မှာတော့ ဆန်ဈေးကွက်က ငြိမ်နေပြီး ဧရာဝတီတိုင်းဈေးကွက်မှာတော့ ဈေးက အပြောင်းအလဲ အနည်းငယ်ရှိပါတယ်။ စပါးဈေးတွေ တက်လာပြီး ဆန်ဈေးကတော့ အနည်းငယ်သာ အပြောင်းအလဲ ရှိပါတယ်။ စပါးလက်ကျန်လျော့ပြီး ပြည်တွင်း ဝယ်ယူမှုများလို့ဈေးတက်တယ်လို့သိရပါတယ်။

ပုသိမ်ဧည့်မထ(နွေ)စပါးက တင်း ၁၀၀ ကို ၅၅၂၀၀၀ ပေါက်ဈေးရှိပြီး ၁၀၀၀၀ ကျပ်ဈေးတက်လာကာ ဆန်ကတော့ တစ်အိတ်ကို ၂၄၀၀၀ နဲ့ ဈေးငြိမ်ပါတယ်။

မြောင်းမြပေါ်ဆန်းစပါးကတော့ တင်း ၁၀၀ ကို ၉၂၀၀၀၀ ပေါက်ဈေးရှိပြီး တင်း ၁၀၀ ကို ၃၀၀၀၀ ကျပ်ဈေးတက်လာပါတယ်။ ဆန်ကတော့ အပြောင်းအလဲမရှိပဲ တစ်အိတ်ကို ၄၁၀၀၀ ပေါက်ဈေးရှိပါတယ်။မြောင်းမြဧည့်မထ(နွေ)စပါးက တင်း ၁၀၀ ကို ၅၈၉၀၀၀ ပေါက်ဈေးရှိပြီး ၁၀၀၀၀ ကျပ်ဈေးကျဆင်းသွားပြီး ဆန်ကတော့တစ်အိတ်ကို ၁၀၀၀ ကျပ်ဈေးကျဆင်းကာ ၂၂၀၀၀ ပေါက်ဈေးရှိပါတယ်။

ဒေးဒရဲပေါ်ဆန်းစပါးကတော့ တင်း ၁၀၀ ကို ၈၃၃၀၀၀ ပေါက်ဈေးရှိပြီး ၁၈၀၀၀ ကျပ်ဈေးတက်လာပါတယ်။ ဆန်ကတော့တစ်အိတ်ကို ၁၀၀၀ ကျပ်ဈေးတက်လာပြီး ၃၉၀၀၀ ကျပ်ရှိပါတယ်။

ဖျာပုံပေါ်ဆန်းစပါးကလည်း တင်း ၁၀၀ ကို ၈၄၀၀၀၀ ပေါက်ဈေးရှိပြီး ၁၈၀၀၀ ကျပ်ဈေးတက်လာကာ ဆန်ကလည်း တစ်အိတ်ကို ၃၉၀၀၀ ကျပ်ရှိပြီး ၁၀၀၀ ကျပ်ဈေးတက်လာပါတယ်။

လပ္ပတ္တာပေါ်ဆန်းစပါးကတော့ တင်း ၁၀၀ ကို ၈၆၇၀၀၀ ပေါက်ဈေးရှိပြီး တင်း ၁၀၀ ကို ၁၇၀၀၀ ကျပ်ဈေးတက်လာကာ ဆန်ကတော့တစ်အိတ်ကို ၃၉၀၀၀ ပေါက်ဈေးရှိပြီး ၁၀၀၀၀ ကျပ်ဈေးတက်လာပါတယ်။

မတ်ပဲ

မတ်ပဲ ကတစ်ပတ်အတွင်း ဈေးတွေကျဆင်းခဲ့ပေမယ့် သောကြာနေ့မှာတော့ ဈေးက ပြန်တက်လာခဲ့ပါတယ်။

အိန္ဒိယအစိုးရရဲ့ ပဲသိုလှောင်ခွင့်ကန့်သတ်ချက်ရဲ့ နောက်ဆက်တွဲသက်ရောက်မှုလို့ ကုန်သည်အများက သုံးသပ်မှုတွေရှိသလို ပြည်တွင်းမှာ ဖြစ်ပေါ်နေတဲ့ ကိုဗစ်ရောဂါအခြေအနေကြောင့် အရောင်းအဝယ် နားထားရတဲ့ အခြေအနေတွေကြောင့် ဈေးက တည်ငြိမ်မှုမရှိပါဘူး။

ရန်ကုန်ဈေးကွက်မှာ မတ်ပဲ(FAQ/RC)  က တစ်တန်ကို ၁၁၃၇၅၀၀ ပေါက်ဈေးရှိပြီး ပြီးခဲ့တဲ့အပတ်နဲ့ ယှဉ်ရင် အနည်းငယ်ဈေးတက်ပါတယ်။

မန္တလေးကတော့ ကုန်စည်ဒိုင် ဈေးမဖွင့်တာ ၃ သုံးရက်မြောက် ရှိပါပြီ။

ပြည်ဈေးကွက်မှာလည်း တစ်တင်းကို ၃၆၅၀၀ ပေါက်ဈေးရှိပြီး တစ်တင်းကို ၅၀၀ ကျပ်ဈေးကျဆင်းသွားပါတယ်။

မော်လမြိုင်မှာတော့ တစ်တင်းကို ၃၆၂၀၀ ပေါက်ဈေးရှိပြီး တစ်တင်းကို ၈၀၀ ကျပ်ဈေးကျဆင်းသွားပါတယ်။

အိန္ဒိယရဲ့ ပဲသိုလှောင်ခွင့် ကန့်သတ်ချက် မပြောင်းလဲတဲ့ကာလအတွင်း ပြည်ပမှာ ပဲတင်သွင်းမှုကို ထိန်းနေရတဲ့အတွက် ပဲဈေးတွေထပ်ပြီး ကျဆင်းသွားနိုင်တယ်လို့ အိန္ဒိယ စီးပွားရေးသတင်းများမှာ ဖော်ပြထား ပါတယ်။

ပဲစင်းငုံနီ

ပဲစင်းငုံနီကလည်း ဈေးကျဆင်းသွားပါတယ်။ တင်ပို့မှုရှိပေမယ့် ပြည်တွင်း ပဲလက်ကျန်မရှိပါဘူး။ ကုန်စည်ဒိုင်တွေလည်း ပိတ်ထားရပြီး အရောင်းအဝယ်လည်း မရှိသလောက်ဖြစ်နေပါတယ်။

အိန္ဒိယက ကုန်သည်တွေကလည်း ပဲ သိုလှောင်ခွင့်ကန့်သတ်ချက်ကြောင့် ပိုလျှံပဲတွေကို ဈေးချရောင်းချနေရပြီး ပြည်တွင်းမှာပါ ဈေးကျဆင်းနေတယ်လို့ သိရပါတယ်။

ရန်ကုန်ဈေးကွက်မှာ ပဲစင်းငုံနီကတစ်တန်ကို ၁၁၂၀၀၀၀  ပေါက်ဈေးရှိပြီး  တစ်တန်ကို ၁၀၀၀၀ လောက်ဈေးကျဆင်းသွားပါတယ်။

အောင်လံဈေးကွက်မှာတော့ တစ်တင်းကို ၃၅၀၀၀ ပေါက်ဈေးရှိပြီး ၁၀၀၀ ကျပ်ဈေကျဆင်းသွားပါတယ်။

ကြက်သွန်နီ

ကြက်သွန်နီက ပြီးခဲ့တဲ့အပတ်က ဈေးတက်ခဲ့ပေမယ့် ဒီတစ်ပတ်မှာတော့ ဈေးက ပြန်ကျဆင်းသွားပါတယ်။ ပြည်ပတင်ပို့မှုလည်း မရှိတော့တဲ့အတွက်ဈေးက ပိုကျဆင်းသွားတာဖြစ်ပါတယ်။

ရန်ကုန်ဈေးကွက်မှာတော့ ကြက်သွန်နီ(ဆိပ်ဖြူ၊ပခုက္ကူ၊မုံရွာ) တို့က တစ်ပိဿာကို ၁၅၀ ကနေ ၄၀၀ အထိ ပေါက်ဈေးရှိပြီးနေပြီး တစ်ပိဿာကို ၁၇၅ ကျပ်ဈေးကျဆင်းသွားပါတယ်။

မော်လမြိုင်ဈေးကွက်မှာတော့ တစ်ပိဿာကို ၂၅၀ ကနေ ၄၅၀ ပေါက်ဈေးရှိပါတယ်။

အာလူး

အာလူးကတော့ တရုတ်က တင်သွင်းမှုမရှိတော့တဲ့အတွက် ပြည်တွင်းမှာ ဆက်တိုက်ကို ဈေးတွေ တက်နေခဲ့ပါတယ်။

ရန်ကုန်ဈေးကွက်မှာ အာလူး(ဟဲဟိုး)က တစ်ပိဿာကို ၅၅၀ ကနေ ၉၀၀ ပေါက်ဈေးရှိပြီး တစ်ပိဿာကို ၈၀ ကျပ်ဈေးတက်လာပါတယ်။

မော်လမြိုင်ဈေးကွက်မှာတော့ တစ်ပိဿာကို ၉၅၀ ပေါက်ဈေးရှိပါတယ်။

ခရမ်းချဉ်သီး

ပြီးခဲ့တဲ့အပတ်အထိ ဈေးမြင့်နေခဲ့တဲ့ ခရမ်းချဉ်သီးက ဒီတစ်ပတ်မှာတော့ ဈေးတွေ ကျဆင်းသွားခဲ့ပါတယ်။ ကိုဗစ်ကြောင့် ကုန်စည်ဒိုင်တွေ ပိတ်ထားရသလို သယ်ယူပို့ဆောင်ရေးတွေလည်း နားထားရတဲ့အတွက် အဝင်တွေများပြီး ဈေးတွေက ကျဆင်းသွားခဲ့ပါတယ်။

အောင်ပန်းဈေးကွက်မှာ တစ်ပိဿာကို ၅၀၀ သာပေါက်ဈေးရှိနေပြီး တစ်ပိဿာကို ၁၀၀၀ လောက်ကျဆင်းသွားခဲ့ပါတယ်။

ရန်ကုန်ဈေးကွက်မှာတော့ အဝင်မရှိတဲ့အတွက် ဈေးတွေကတက်လာပြီး တစ်သေတ္တာကို ၅၀၀၀ ကနေ ၈၀၀၀ ပေါက်ဈေးရှိပြီး ၂၀၀၀ လောက်ဈေးတက်လာပါတယ်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်