တစ်ပတ်တာ ဈေးကွက်သုံးသပ်ချက်

(၁၁.၁၀.၂၀၂၁) မှ (၁၅.၁၀.၂၀၂၁) ထိအပြောင်းအလဲဖြစ်ပေါ်ခဲ့သည့် လယ်ယာထွက်ကုန်သီးနှံများ

ဆန်၊စပါး

ဒီတစ်ပတ် ရန်ကုန်ဈေးကွက်မှာတော့ ဆန်ဈေးတွေ တက်လာပါတယ်။ ပြည်တွင်း ဝယ်ယူမှုရှိနေပြီး ဆန်အဟောင်းတွေ အရောင်းအဝယ်သွက်နေလို့ ဈေးတက်နေတာလို့ သိရပါတယ်။

ရန်ကုန်ဝါးတန်းဈေးကွက်မှာ ဒေးဒရဲပေါ်ဆန်းက တစ်အိတ်ကို ၄၅၀၀၀ ကနေ ၄၈၀၀၀ ပေါက်ဈေးရှိပြီး တစ်အိတ်ကို ၂၀၀၀ ကျပ်၊ မြောင်းမြပေါ်ဆန်းမွှေးက တစ်အိတ်ကို ၄၆၀၀၀ ကနေ ၅၀၀၀၀ ပေါက်ဈေးရှိပြီး တစ်အိတ်ကို ၂၀၀၀ ကျပ်၊ ပေါ်ဆန်းနယ်စုံကလည်း တစ်အိတ်ကို ၄၃၀၀၀ ကနေ ၄၆၀၀၀ ပေါက်ဈေးရှိပြီး ၂၀၀၀ ကျပ်၊ ရွှေဘိုပေါ်ဆန်းကလည်း တစ်အိတ်ကို ၅၃၀၀၀ ကနေ ၅၉၀၀၀ ပေါက်ဈေးရှိပြီး တစ်အိတ်ကို ၅၀၀၀ ကျပ် အသီးသီးဈေးတက်လာပါတယ်။

ဆန်ကြမ်းဖြစ်တဲ့ ဧည့်မထကလည်း တစ်အိတ်ကို ၂၅၅၀၀ ကနေ ၂၆၅၀၀ ပေါက်ဈေးရှိပြီး တစ်အိတ်ကို ၁၅၀၀ ကျပ်၊ ဧည့်မထ ၂၅ % ကလည်း တစ်အိတ်ကို ၂၃၀၀၀ ကနေ ၂၄၅၀၀ ပေါက်ဈေးရှိပြီး တစ်အိတ်ကို ၂၆၀၀၊ ရက် ၉၀ ကတော့ ၂၈၀၀၀ ကနေ ၂၉၀၀၀ ပေါက်ဈေးရှိပြီး ၅၀၀ ကျပ်၊ သီးထပ်ဆန်ကတော့ တစ်အိတ်ကို ၂၆၀၀၀ ကနေ ၂၆၅၀၀ ပေါက်ဈေးရှိပြီး တစ်အိတ်ကို ၁၀၀၀ ကျပ် အသီးသီးဈေးတက်လာပါတယ်။

နယ်ဈေးကွက်မှာတော့ စပါးအဟောင်းလက်ကျန်တွေလည်းမရှိတော့တဲ့အတွက် ဈေးကွက်ကငြိမ်နေပြီး စပါးအသစ်တွေကတော့ အမျိုးအစားလိုက် တင်း ၁၀၀ ကို ၅၆၀၀၀၀ ကနေ ၆၅၀၀၀၀ အထိ အရောင်းအဝယ် ရှိနေတယ်လို့ သိရပါတယ်။

မတ်ပဲ

မတ်ပဲကတော့ ဒီတစ်ပတ်မှာ တစ်တန်ကို ငွေကျပ် ၁၅ သိန်းအောက်ထိ ဈေးက ကျဆင်းသွားခဲ့ပါတယ်။ အဓိက မြန်မာ့ငွေကြေးလဲလှယ်နှုန်းကျဆင်းသွားတဲ့အတွက်ကြောင့် ပဲဈေးတွေလည်း ကျဆင်းသွားတာဖြစ်ပါတယ်။ အဓိက မတ်ပဲဈေးတက်ရတာကလည်း မြန်မာ့ငွေကြေးဈေးကျဆင်းမှုကြောင့် ဖြစ်ပါတယ်။

ပြီးခဲ့တဲ့လက မတ်ပဲက တစ်တန်ကို ငွေကျပ် သိန်း ၂၀ အထိ ဈေးတက်သွားပေမယ့် အောက်တိုဘာလလယ်မှာတော့ တစ်တန်ကို ၅ သိန်းကျော်အထိ ဈေးကပြန်ကျဆင်းသွားခဲ့ပါတယ်။ အိန္ဒိယမှာလည်း ပဲ အသစ်တွေဝင်ရောက်နေပြီး အခြားနိုင်ငံတွေကလည်း ဝယ်ယူမှုရှိတဲ့အတွက် မြန်မာ့မတ်ပဲဈေးတွေကလည်း အနည်းငယ်ကျဆင်းသွားပေမယ့် ပဲစိုက်ဧကလျော့နည်းမှုကြောင့် ဈေးကငွေကြေးပြောင်းလဲမှုပေါ်မူတည်နေတယ်လို့ သုံးသပ်ရပါတယ်။

ရန်ကုန်ဈေးကွက်မှာ မတ်ပဲက တစ်တန်ကို ငွေကျပ် ၁၄ သိန်း ၉ သောင်း ဈေးကရောက်ရှိသွားပြီး တစ်သိန်းကျော်လောက်ဈေးက ကျဆင်းသွားပါတယ်။

မန္တလေးဈေးကွက်မှာလည်း တစ်အိတ်ကို ၁၅၉၀၀၀ ကနေ ၁၆၀၀၀၀ ပေါက်ဈေးရှိပြီး တစ်အိတ်ကို ၅၀၀၀ လောက်ဈေးက ကျဆင်းသွားခဲ့ပါတယ်။

အောင်လံ၊ ပြည်နဲ့ အခြား ပြည်နယ်တွေမှာလည်း မတ်ပဲက တစ်တင်းကို အနိမ့်ဆုံး ၅၀၀၀၀ ကနေ ၅၁၀၀၀ ကြားပေါက်ဈေးရှိနေပါတယ်။

စီးပွားရေးနဲ့ ကူးသန်းရောင်းဝယ်ရေး ဝန်ကြီးဌာနရဲ့ထုတ်ပြန်ချက်အရ ယခု ဘဏ္ဍာနှစ် မှာ မတ်ပဲက ပြည်ပကို တန်ချိန် ၆၇၇၅၂၆ တင်ပို့နိုင်ခဲ့တယ်လို့ သိရပါတယ်။

ပဲစင်းငုံနီ

ပဲစင်းငုံနီကလည်း ဈေးက ကျဆင်းသွားပါတယ်။ ပြီးခဲ့တဲ့အပတ်ကအထိ မတ်ပဲလောက် အတက်အကျ မကြမ်းခဲ့ပေမယ့် ငွေကြေးလဲလှယ်နှုန်းဈေးကျဆင်းသွားတဲ့အတွက်ကြောင့် တစ်တန်ကို ငွေကျပ် ၂ သိန်းကျော် ဈေးကျဆင်းသွားခဲ့ပါတယ်။

ရန်ကုန်ဈေးကွက်မှာ ပဲစင်းငုံနီက တစ်တန်ကို ၁၂ သိန်း ၈ သောင်းကျော်ပေါက်ဈေးရှိပြီး တစ်တန်ကို ၂ သိန်းလောက်ဈေးကျဆင်းသွားပါတယ်။

မန္တလေးဈေးကွက်မှာတော့ ဈေးမဖွင့်ပါဘူး။

အောင်လံမှာတော့ တစ်တင်းကို ၄၃၀၀၀ ပေါက်ဈေးရှိပြီး ၂၀၀၀ကျပ်ဈေးကျဆင်းသွားပါတယ်။

ပြည်ဈေးကွက်မှာတော့ ဈေးမဖွင့်ပါဘူး။

ပဲတီစိမ်း

ပဲတီစိမ်းကလည်း ပြည်ပပို့ကုန် ပဲ ဖြစ်တဲ့အပြင် တရုတ်တင်ပို့မှုကလည်း ပိတ်လိုက်တဲ့အတွက် ဈေးတွေ က ဆက်တိုက်ကျဆင်းသွားပါတယ်။ အချို့နေ့ရာတွေမှာ ပဲအသစ်ပေါ်ခါနီးဖြစ်တဲ့အတွက်လည်း ဈေးက ကျဆင်းနေတယ်လို့သိရပါတယ်။

ရန်ကုန်ဈေးကွက်မှာ ပဲတီစိမ်း(ခရမ်းရွှေဝါ၊)က တစ်ပိဿာကို ၂၅၀၀ မှ ၂၅၈၅ ပေါက်ဈေးရှိပြီး တစ်ပိဿာကို ၈၅ ကျပ်၊ ပဲတီစိမ်း (ပဲခူးရွှေဝါ)က တစ်ပိဿာကို ၂၅၀၀ ပေါက်ဈေးရှိပြီး ၈၅ ကျပ်၊ ပဲတီစိမ်း(ဝါးခယ်မ)ကတော့ တစ်ပိဿာကို ၂၈၀၀ ကနေ ၂၈၃၅ပေါက်ဈေးပြီး ၈၅ ကျပ် အသီးသီးဈေးကျဆင်းသွားပါတယ်။

မန္တလေးဈေးကွက်မှာတော့ ပဲတီစိမ်းက တစ်အိတ်ကို ၁၁၈၀၀၀ ကနေ ၁၂၅၀၀၀ ပေါက်ဈေးရှိပြီး တစ်အိတ်ကို ၇၀၀၀ လောက်ဈေးကျဆင်းသွားပါတယ်။

အောင်လံမှာလည်း တစ်တင်းကို ၄၁၀၀၀ ပေါက်ဈေးရှိပြီး ၄၀၀၀ ကျပ်ဈေးကျဆင်းသွားပါတယ်။

ဆင်ဖြူကျွန်းမှာလည်း တစ်တင်းကို ၄၀၀၀၀ ပေါက်ဈေးရှိပြီး တစ်တင်းကို ၂၀၀၀ ကျပ် ဈေးကျဆင်း သွားပါတယ်။

နှမ်းနက်(စမုံ)

နှမ်းနက်(စမုံ)ကတော့ မန္တလေးဈေးကွက်မှာ ဈေးက အတက်ဈေးနဲ့ ငြိမ်နေပေမယ့် နယ်ဈေးကွက်တွေမှာတော့ ဈေးတွေက ကျဆင်းသွားပါတယ်။ အရည်အသွေးကောင်းတဲ့ နှမ်းက ဈေးကောင်းပိုရနေပါတယ်။

မန္တလေးဈေးကွက်မှာ နှမ်းနက်(စမုံ)က တစ်အိတ်ကို ၁၃၅၀၀၀ ကနေ ၂၁၀၀၀၀ ပေါက်ဈေးရှိပါတယ်။

အောင်လံဈေးကွက်မှာတော့ တစ်အိတ်ကို ၁၅၅၀၀၀ ကနေ ၁၈၅၀၀၀ ပေါက်ဈေးရှိပြီး တစ်အိတ်ကို ၅၀၀၀ ကျပ် ဈေးကျဆင်းသွားပါတယ်။

ပြည်ဈေးကွက်မှာတော့ တစ်အိတ်ကို ၁၇၅၀၀၀ ကနေ ၁၉၀၀၀၀ ပေါက်ဈေးရှိပြီး တစ်အိတ်ကို ၅၀၀၀ ကျပ်ဈေးကျဆင်းသွားပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...