ကမ္ဘာ့ပတ်ဝန်းကျင် ထိန်းသိမ်းရေးနေ့

တောင်သူ့ဘေးက ဇီဝမျိုးစုံမျိုးကွဲများ

ဒီနေ့က ဇွန်လ (၅)ရက်နေ့ ကမ္ဘာ့ပတ်ဝန်းကျင်ထိန်းသိမ်းရေးနေ့ ပါ...ဦးလေးကြီးတို့ရေ

? သင်ဟာ တောင်သူတစ်ယောက်ဖြစ်မယ်

? စိုက်ပျိုးရေးကို အသက်မွေးဝမ်းကျောင်းအဖြစ်လုပ်ကိုင်နေမယ်

? စိုက်ပျိုးရေးကထွက်တဲ့ အသီးအနှံတွေကို နေ့စဉ်စားသောက်နေသူဖြစ်မယ်ဆိုရင် ဒီစာကိုဆက်ဖတ်သင့်ပါတယ်။

တောင်သူနဲ့ ဇီဝမျိုးကွဲများ

?‍? တောင်သူတွေဆိုတာ နေ့စဉ်ဘဝမှာ ဇီဝမျိုးစုံမျိုးကွဲတွေနဲ့အတူ ရှင်သန်နိုးထ လှုပ်ရှားသွားလာကြတဲ့သူတွေပဲ ဖြစ်ပါတယ်။

?️ မနက်အိပ်ယာထချိန် အိမ်နားက ငှက်အော်သံတွေကြားရမယ်

? လယ်ထဲ ယာထဲ ထွန်ယက်စိုက်ပျိုးကြတဲ့အခါ ငှက်တွေအစာလာကောက်ကြမယ်

?ထမင်းစားတဲ့အခါ လယ်တောက ဟင်းရွက်အစုံနဲ့ တို့စရာတစ်ခွက်ပါမယ်

?လယ်မြေ ယာမြေတွေထဲမှာ တီကောင်လေးတွေရှိတယ် တီကျစ်စာတွေတွေ့နေရတယ်။

ဒီလိုအခိုက်အတန့်တွေကို တောင်သူတွေကြုံဖူးခဲ့ကြပါတယ်။အထူးသဖြင့် ကျနော်တို့ရဲ့ မိဘ ၊ဘိုးဘွားတွေရဲ့ခေတ်ကပေါ့။ ခုများမှာတော့ ဒီလိုတွေမရှိတော့ပါဘူး။

? ဒီဖြစ်စဉ်တွေဟာ နောင်လာမယ့် သားစဉ်မြေးဆက်တွေအတွက် စိုးရိမ်စရာဖြစ်လာနေတယ်ဆိုရင် ပိုမှန်နေပါတယ်။

ဒါကြောင့် တစ်ကမ္ဘာလုံးက ဇွန်လ (၅)ရက်နေ့ကို ကမ္ဘာ့ပတ်ဝန်းကျင်ထိန်းသိမ်းရေးနေ့အဖြစ် သတ်မှတ်ပြီး သားစဉ်မြေးဆက်တွေနေထိုင်မယ့် ကမ္ဘာကြီးရဲ့ ကျန်းမာရေးကို ဂရုစိုက်ဖို့ နှိုးဆော်ကြပါတယ်။

ဒီနှစ်မှာတော့ သက်ရှိမျိုးစိတ်တွေ ဒီကမ္ဘာမြေပေါ်က ပျောက်ကွယ်မသွားဖို့ ဝိုင်းဝန်းလုပ်ဆောင်ကြမှာပဲဖြစ်ပါတယ်။

??️ ကမ္ဘာတစ်ဝှမ်းမှာတော့ သက်သက်လွတ်စားတာ အပင်စိုက်တာ စိုက်ပြီးသားအပင်တွေပြုစုတာ ပလပ်စတစ်တွေမသုံးတော့တာ လောင်စာဆီမသုံးဖြစ်အောင် စက်တပ်ယဉ်အသုံးမပြုတာ ၊စသည်ဖြင့် သဘာဝပတ်ဝန်းကျင်က ဇီဝမျိုးစုံမျိုးကွဲတွေကို ထိခိုက်မှုအနည်းဆုံးဖြစ်အောင် ပြုမူနေထိုင်ကြပါတယ်

ဦးကြီးတို့အနေနဲ့လည်း

- အိမ်ဝန်း၊ခြံဝန်းထဲမှာရှိတဲ့ အပင်မျိုးစိတ်တွေကို ဆက်လက်ထိန်းသိမ်းထားတာ

- တီကောင်တွေ ၊ဖားတွေ၊ ပျား ပိတုန်းလေးတွေ၊ ငှက်ကလေးတွေ၊ပုစဥ်းတွေ စတဲ့ စိုက်ပျိုးရေးရဲ့ မိတ်ဆွေလေးတွေကို ထိန်းသိမ်းထားတာ

- ခြံစည်းရိုးမှာနွယ်တတ်နေတဲ့ ဆေးဘက်ဝင်အပင်လေးတွေကို ထိန်းသိမ်းထားတာ

- စိုက်ပျိုးမြေတွေမှာ ဓာတုဆေးတွေအလွန်အကျွံမသုံးတာ

? ဒီအလေ့အကျင့်ကောင်းတွေနဲ့ သဘာဝပတ်ဝန်းကျင်ကို ထိန်းသိမ်းစောင့်ရှောက်နိုင်ပါတယ်။

ရာသီဥတုတွေမှန်လာဖို့

စိုက်ပျိုးမြေတွေကောင်းမွန်လာဖို့

သဘာဝပတ်ဝန်းကျင်နဲ့ သဟဇာတဖြစ်တဲ့ ဒီလိုအလေ့အကျင့်ကောင်းတွေလုပ်ဆောင်နေကြရဲ့လား။(ဥပမာ -ခြံထဲမှာ ပျားအုံရှိတဲ့သူ၊ စက်ဘီးပဲစီးတဲ့သူ၊ ဆိုလာစွမ်းအင်ကိုပဲသုံးတဲ့သူ ၊ဒေသမျိုးလေးတွေ စိုက်ထားတဲ့သူ ၊ဓာတုတွေလျော့သုံးနေတဲ့သူ ရှိရင် မန့်သွားပါအုံးနော်)

??? မလုပ်ဖြစ်သေးဘူးဆိုရင် ဒီနေ့ပဲစလိုက်ဖို့ တိုက်တွန်းနှိုးဆော်လိုက်ရပါတယ်ဗျို့….

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...