ရေဆင်းကုလားပဲမျိုးများ၏ အရည်အချင်းလက္ခဏာများ

ရေဆင်းကုလားပဲ - ၃

- သက်တမ်းအားဖြင့် (၈၀-၈၅)ရက်ရှိပြီး ၅၀% ပန်းပွင့်ရက်မှာ (၃၅) ရက်ခန့်ရှိပါသည်။

- တစ်ပင်ပါသီးတောင့် (၂၅-၃၀) ရှိပြီး တစ်တောင့်ပါအစေ့ (၁) စေ့နှင့် အစေ့ (၁၀၀) အလေးချိန် (၂၈) ဂရမ်ရှိသည်။ အစေ့အရောင်မှာ ခရင်မ် (Cream) ရောင်ဖြစ်ပါသည်။

- ရေမြေရာသီဥတုအခြေအနေပေးပါက တစ်ဧကလျှင် (၂၀-၂၂) တင်းထိ ထွက်ရှိနိုင်ပါသည်။

- အသက်လျင်ပြီး ဈေးကွက်ဝင်အရည်အသွေးရှိ၍ တောင်သူများ အထူးကြိုက်နှစ်သက်ကြပါသည်။ 

ရေဆင်းကုလားပဲ - ၄

- အပင်သက်တမ်းအားဖြင့် (၈၅-၉၀) ရက်ရှိပြီး ၅၀% ပန်းပွင့်ရက်မှာ (၃၅) ရက်ခန့်ရှိပါသည်။ 

- တစ်ပင်ပါသီးတောင့် (၂၀-၂၅) ရှိပြီး တစ်တောင့်ပါအစေ့ (၁) စေ့နှင့် အစေ့ (၁၀၀) အလေးချိန် (၂၂) ဂရမ်ရှိသည်။ အစေ့အရောင်မှာ နီဝါရောင်ဖြစ်ပါသည်။

- တစ်ဧကအထွက်နှုန်းမှာ (၁၈-၂၀) တင်းဖြစ်ပါသည်။

- မြန်မာနိုင်ငံအလယ်ပိုင်းရှိ ဆည်ရေသောက်ဒေသများတွင် စပါးပြီး သီးထပ်အဖြစ်စိုက်ပျိုးရန် အထူးသင့်တော်ပါသည်။

ရေဆင်းကုလားပဲ - ၆

- သက်တမ်းအားဖြင့် (၉၀-၉၅) ရက်ရှိပြီး ၅၀% ပန်းပွင့်ရက်မှာ (၄၀-၄၅) ရက်ခန့်ရှိပါသည်။ 

- တစ်ပင်ပါသီးတောင့် (၃၀-၃၅) ရှိပြီး တစ်တောင့်ပါအစေ့ (၁) စေ့နှင့် အစေ့ (၁၀၀) အလေးချိန် (၃၀)ဂရမ်ရှိသည်။ အစေ့အရောင်မှာ နီဝါရောင်ဖြစ်ပါသည်။

- တစ်ဧကအထွက်နှုန်းမှာ (၂၅-၃၀) တင်းဖြစ်ပါသည်။

- သက်လတ်ကုလားပဲအနီမျိုးဖြစ်၍ အပူဒဏ်ခံနိုင်သောမျိုးဖြစ်ပါသည်။ လယ်သီးထပ်နှင့် စိုက်ချိန်နောက်ကျသောဒေသများတွင် သင့်တော်ပါသည်။

ရေဆင်းကုလားပဲ - ၈

- သက်တမ်းအားဖြင့် (၈၅-၉၀) ရက်ရှိပြီး ၅၀% ပန်းပွင့်ရက်မှာ (၄၀-၄၅) ရက်ခန့်ရှိပါသည်။

- တစ်ပင်ပါသီးတောင့် (၂၅-၃၅) ရှိပြီး တစ်တောင့်ပါအစေ့ (၁) စေ့နှင့် အစေ့ (၁၀၀) အလေးချိန် (၃၂) ဂရမ်ရှိသည်။ အစေ့အရောင်မှာ အဖြူရောင်ဖြစ်ပါသည်။

- တစ်ဧကအထွက်နှုန်းမှာ (၂၂-၂၅) တင်းဖြစ်ပါသည်။

- သက်လျင်၊ အစေ့ကြီး ကုလားပဲအဖြူမျိုးဖြစ်ပြီး ပြည်ပဈေးကွက်ဝင်အရည်အသွေးရှိပါသည်။ 

ရေဆင်းကုလားပဲ - ၁၁

- သက်တမ်းအားဖြင့် (၉၀-၉၅) ရက်ရှိပြီး ၅၀% ပန်းပွင့်ရက်မှာ (၄၀-၄၅) ရက်ခန့်ရှိပါသည်။

- တစ်ပင်ပါသီးတောင့် (၃၅-၄၀) ရှိပြီး တစ်တောင့်ပါအစေ့ (၁) စေ့နှင့် အစေ့ (၁၀၀) အလေးချိန် (၃၅) ဂရမ်ရှိသည်။ အစေ့အရောင်မှာ ခရင်မ်ရောင်ဖြစ်ပါသည်။

- တစ်ဧကအထွက်နှုန်းမှာ (၂၅-၂၇) တင်းဖြစ်ပါသည်။

- သက်လတ်ပြည်ပဈေးကွက်ဝင် အရည်အသွေးရှိ အစေ့ကြီး ကုလားပဲအဖြူမျိုးဖြစ်ပါသည်။

ရေဆင်းကုလားပဲ - ၁၂

- သက်တမ်းအားဖြင့် (၈၅-၉၀) ရက်ရှိပြီး ၅၀% ပန်းပွင့်ရက်မှာ (၃၀-၄၀_ ရက်ခန့်ရှိပါသည်။

- တစ်ပင်ပါသီးတောင့် (၃၀-၄၀) ရှိပြီး တစ်တောင့်ပါအစေ့ (၁) စေ့နှင့် အစေ့ (၁၀၀) အလေးချိန် (၃၂)ဂရမ်ရှိသည်။ အစေ့အရောင်မှာ နီဝါရောင်ဖြစ်ပါသည်။

- တစ်ဧကအထွက်နှုန်းမှာ (၂၅-၂၈) တင်းဖြစ်ပါသည်။

- သက်လျင် ပြည်ပဈေးကွက်ဝင် အရည်အသွေးရှိ (အစေ့ကြီး) ကုလားပဲအနီမျိုးဖြစ်ပါသည်။

Source- စိုက်ပျိုးရေးဦးစီးဌာန

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်