ဆိတ်များတွင် အဖြစ်များသော ဝဲစွဲခြင်းရောဂါ အကြောင်း

ဆိတ်မွေးမြူသူများအနေနှင့် ဆိတ်များတွင် အဖြစ်များသော ဝဲစွဲခြင်းရောဂါအကြောင်းကို သိထားသင့်ပေသည်၊

ရောဂါဖြစ်ရသည့် အကြောင်းရင်းများ

- ဝဲမှာ မွှားအငယ်လေးများကြောင့် ဖြစ်ရပါသည်။ စားမြုံပြန်သောတိရစ္ဆာန်အားလုံးတွင် ဖြစ်တတ်သော်လည်း ဆိတ်များတွင် အဖြစ်များပါသည်။

- တိရစ္ဆာန်တစ်ကောင်မှ အခြားတိရစ္ဆာန်များဆီသို့ လွယ်ကူစွာပျံ့နံ့သည်။ လူကိုလည်း ကူးစက်နိုင်ပါသည်။

ရောဂါလက္ခဏာများ

- ဝဲရောဂါဖြစ်ပါက ဆိတ်၏ ဦးခေါင်းနှင့် လည်ပင်းတွင် ဝဲစွဲခြင်းကြောင့် ယားယံသဖြင့် ပွတ်တိုက်ထားသော ဒဏ်ရာများ ရှိနေသည်။

- ဆိတ်က ဝဲယားသဖြင့် မိမိကိုယ်ကို ပွတ်တိုက်သည်။ ကုတ်ဖဲ့သည်။

- ဆိတ်ခန္ဓာကိုယ်မှ အမွှေးများ ကျွတ်ကျ ပြုတ်ကျသည်။

- ဆိတ်မှာ အားနည်းသည့် လက္ခဏာ ပေါ်နေသည်။

ကာကွယ်ခြင်း

- ဆိတ်၏ နေထိုင်ရာနေရာအနှံ့ကို သန့်ရှင်းအောင် ထားပါ။ ခြောက်သွေ့အောင် ထားပါ။

- ဝဲစွဲသော ဆိတ်အား အခြားဆိတ်များနှင့် ခွဲထားပေးပါ။

- ဝဲစွဲနေသော ဆိတ်ကို မျိုးပွားခြင်းအတွက် အသုံးမပြုပါနဲ့။

- ဝဲမှာ လူတို့အား လွယ်ကူစွာ ကူးစက်တတ်သောကြောင့် ရောဂါဖြစ်နေသော ဆိတ်ကို ကုသပေးစဥ်ကာလ၌ပင် သတိပြုရန် လိုသည်။

ကုသခြင်း

ဝဲစွဲနေသော ဆိတ်ကိုကုသစဥ် လက်ကို ပလတ်စတစ် စွပ်ထားခြင်း သာမက ဘရပ်(ရှ်)ဖြင့် ဆေးကို သုတ်လိမ်းပေးပါ။ ဆိတ်တစ်ကောင်အတွက် အသုံးပြုထားသောဆေးကို အခြားတစ်ကောင်သို့ ဆက်မသုံးသင့်ပါ။ ဆေးများကို အသုံးမပြုမီ လိုသလောက်သာ သီးသန့်ခွဲထားရန် လိုအပ်ပါသည်။

၁။ အုန်းမုတ်ခွက်ကို ပြာချပြီး အုန်းသီးဖြင့် ရောမွှေပါ။ ထို့နောက် ဝဲစွဲနေသာနေရာကို နေ့စဥ်တစ်ကြိမ် သုတ်လိမ်းပေးပါ။ ဝဲပျောက်သည်အထိ ပြုလုပ်ပေးပါ။

၂။ ကန့်မှုန့်ကို စားဆီတစ်မျိုးမျိုးဖြင့် လူးပြီး တိရစ္ဆာန်၏ ဝဲစွဲနေသော နေရာကို ပွတ်ပေးပါ။ ရောဂါပျောက်သည်အထိနေ့စဥ် တစ်ကြိမ်ပွတ်ပေးပါ။

၃။ ကန့်မှုန့် (၃၀)ဂရမ်ကို အင်ဂျင်ဝိုင် (၁၀၀)စီစီနှင့် ရောပြီး ဝဲစွဲသည့်နေရာကို နေ့စဥ်(၁)ကြိမ် လူးပေးပါ။ ဝဲပျောက်သည်အထိ ပြုလုပ်ပေးပါ။

၄။ တမာရွက်နု (သိုမဟုတ်) ရွက်ရင့် လက်တစ်ဆုပ်ကို လေသလပ်အခြောက်ခံပြီး ထောင်းပါ။ ရေအနည်ငယ်ရောပြီး ဝဲစွဲသည့်နေရာများကို ပွတ်တိုက်ပေးပါ။ ဝဲပျောက်သည်အထိ နေ့စဥ်ပွတ်ပေးပါ။

၅။ သင်္ဘောမဲဇလီ(ပွေးကိုင်းကြီး)ရွက် လက်တစ်ဆုပ်ကို ထောင်းပြီး ရေသင့်ရုံဖျော်ပါ။ ဝဲစွဲသည့်နေရာကို နေ့စဥ်တစ်ကြိမ် ကျ လူးပေးပါ။ ဝဲလုံးဝပျောက်သည်အထိ ပြုလပ်ပေးပါ။

သတိပြုရန်

ဆိတ်၏ ကိုယ်တွင် စွဲသည့်နေရာများလွန်းပါက ဆေးလိမ်းရာတွင် နံနက်၌ တစ်ဝက်ကိုလိမ်းပေးပြီး ကျန်တစ်ဝက်ကို ညနေတွင် လိမ်းပေးပါ။

ဦးဇော် (dof)

မှီငြမ်း - တိရစ္ဆာန်ရိုးရာကုသထုံးစာအုပ်မှ ကောက်နုတ်ဖော်ပြသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ