ထောပတ်စိုက်တောင်သူများတွေ့ဆုံခြင်းနှင့် ထောပတ်ဆီထုတ်ကုန်ပြပွဲ ဟဲဟိုးတွင် ပြုလုပ်မည်

ထောပတ်သီးစိုက်တောင်သူများတွေ့ဆုံခြင်းနဲ့ ထောပတ်ဆီထုတ်ကုန်ပြပွဲကို ဟဲဟိုးမြို့မှာ စက်တင်ဘာ ၁၄ ရက်နဲ့ ၁၅ ရက်တို့မှာ ၂ ရက်ကြာ ကျင်းပသွားဖို့ရှိပါတယ်။

ပြပွဲကိုတော့ မတူညီတဲ့လူမျိုးစုတွေရဲ့ထောပတ်စိုက်တောင်သူတွေအကြား ပိုမိုပူးပေါင်းဆောင်ရွက်ပြီး ဈေးကွက်ကွန်ရက်ချဲ့ထွင်ဖို့၊ ထောပတ်သီးရဲ့ရိတ်သိမ်းချိန်လွန်နည်းပညာတွေနဲ့ တန်ဖိုးမြှင့်ထုတ်ကုန်တွေ လေ့လာနိုင်ဖို့ စတဲ့အချက်တွေပါဝင်ပါတယ်။

“ ရည်ရွယ်ချက်ကတော့ လူတွေကို ထောပတ်ဈေးကွက်ကို ပိုစိတ်ဝင်စားလာဖို့ရယ်၊ နောက် ကိုယ်တို့က မြန်မာပြည်မှာ ပထမဆုံး ထောပတ်ဆီထုတ်တဲ့စက်ရုံထောင်ထားတယ်လေ။ ဆိုတော့ ထောပတ်ဆီထုတ်တာ ဒီမှာဖြစ်နေပြီပေါ့။ ဒါကို လူတွေသိပ်မသိသေးလို့ ဒါကို ပြချင်လို့လုပ်တာ” လို့ ပြပွဲကို ဦးဆောင်ပြုလုပ်တဲ့ Shan Orchard Myanmar ရဲ့ မန်နေးဂျင်းဒါရိုက်တာ ဦးနေသန်ဝင်းက ပြောပါတယ်။

အခုပွဲကိုတော့  Shan Orchard Myanmar နဲ့ USAID Feed the Future Burma စိုက်ပျိုး​ရေးနှင့်အစားအစာထုတ်ကုန်စနစ်ဖွံ့ဖြိုးမှု စီမံကိန်း (AFDA)  တို့ ပူးပေါင်းပြုလုပ်တာဖြစ်တယ်လို့ သိရပါတယ်။

“ ကိုယ်တို့က ထောပတ်ဆီစက်ရုံလက်မှတ်နဲ့ စက်ရုံထောင်ထားတာရှိတယ်။ ဟဲဟိုးလေဆိပ်နားမှာ။ ကိုယ်တို့ ခြံထဲမှာပါ။ ၃၄ ဧက ရှိတယ်။ Hass မျိုးတွေစိုက်ထားတယ်။ ကိုယ်တို့ထောပတ်ဆီက အခုဆို City Mart တို့ Market Place တို့မှာ ရောင်းနေပြီ။ အလှပြင်ပစ္စည်းတွေလည်း ထောပတ်ဆီသုံးပြီး ထုတ် နေပြီ။ နောက်ပြီးတော့ မာလာအနှစ်လိုမျိုး အနှစ်တွေလည်းထုတ်နေပြီ” လို့ ဦးနေသန်ဝင်းက ဆိုပါတယ်။

ပြပွဲကို ကချင်၊ ရှမ်းမြောက်နဲ့ ရှမ်းတောင်က ထောပတ်စိုက်တောင်သူတွေနဲ့ စိုက်ပျိုးရေးနည်းပညာနဲ့ သွင်းအားစု ဆိုင်ရာအဖွဲ့အစည်းတွေ တက်ရောက်သွားဖို့ရှိတယ်လို့ သိရပါတယ်။

ဒါ့အပြင် သရက်၊ ကြက်သွန်ဖြူနဲ့ အာလူးစိုက်တောင်သူတွေလည်း တက်ရောက်လေ့လာမှုတွေ ပြုလုပ်သွားဖို့ရှိတယ်လို့ သိရပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more