‘ ပဏာမအခြေခံစိုက်ပျိုးရေးသိပ္ပံပညာ လက်မှတ်ရသင်တန်း ‘ တက်ရောက်နိုင်

စိုက်ပျိုးရေးတက္ကသိုလ်နဲ့ မွေးမြူရေးဆိုင်ရာ ဆေးတက္ကသိုလ်တို့က ပါမောက္ခချုပ်ဟောင်း ဆရာကြီး တွေ အပါအဝင် စိုက်ပျိုးရေးပညာရှင်တွေကိုယ်တိုင် သင်ကြားပေးပြီး လက်မှတ်ပါရယူနိုင်မယ့် ‘ ပဏာမအခြေခံစိုက်ပျိုးရေးသိပ္ပံပညာ လက်မှတ်ရသင်တန်း’ ကို (Skyward Education Myanmar Academy - SEMA) နှင့် (Golden Plain-ရွေရောင်လွင်ပြင်) အဖွဲ့တို့ပူးတွဲဖွင့်လှစ်သွားဖို့ ရှိတာ ဖြစ်ပါတယ်။

ဒီအခြေခံစိုက်ပျိုးရေးပညာသင်တန်းမှာတော့..

စိုက်ပျိုးရေးပညာမိတ်ဆက်၊
အပင်ကြီးထွားမှု၊ အပင်နှင့်ပတ်ဝန်းကျင်များ၊
အပင်နှင့်မြေဆီလွာ, သဘာဝနှင့်ဓာတ်မြေသြဇာ၊
အပင်နှင့် ရေ၊ အစားအစာ၊
လယ်ယာသီးနှံပညာ,
စားကျက်သီးနှံများ
စိုက်ပျိုးရေးမိုးလေဝသ၊
ဥယျာဉ်ခြံသီးနှံပညာများ၊
အပင်မျိုးမွေးမြူရေးနှင့်ဗီဇဗေဒ၊
မျိုးစေ့သိပ္ပံပညာ၊
အပင်ကာကွယ်နှိမ်နှင်းခြင်း၊
စိုက်ပျိုးစီးပွားရေးပညာ၊
မွေးမြူရေးနှင့် နို့ထုတ်လုပ်ခြင်းသိပ္ပံပညာ၊
စိုက်ပျိုးရေးအင်ဂျင်နီယာ၊
ရေသွင်းရေထုတ်ခြင်း၊
စိုက်ပျိုးပညာပေးရေး

စတာတွေကို သင်ကြားပေးသွားမှာဖြစ်တယ်လို့ သိရပါတယ်။

သင်တန်းကို အွန်လိုင်းကနေ Zoom Application နဲ့ တက်ရောက်နိုင်မှာဖြစ်ပြီး တစ်ကြိမ်လျှင် ၂၀ ဦးသာ လက်ခံသင်ကြားပေးမှာဖြစ်ကာ သင်တန်းကြေးအနေဖြင့် ၃၀၀၀၀-ကျပ် (သုံးသောင်းကျပ်) သာ ကျသင့်မှာဖြစ်တယ်လို့ သိရပါတယ်။

အနည်းဆုံးပညာအရည်အချင်း အလယ်တန်းအဆင့်(အဌမတန်းအောင်) ရှိသူ မည်သူမဆို တက်ရောက်နိုင်တယ်လို့လည်း သိရပါတယ်။

သင်တန်းတက်လိုပါက အောက်ပါလင့်ကနေ စာရင်းပေးသွင်းသွားရမှာဖြစ်ပါတယ်။

https://forms.gle/9z5EZaymCVsLAvw39

သင်ကြားပေးမယ့် ဆရာကြီး၊ ဆရာမကြီးတွေနဲ့ သင်တန်းအကြောင်းအသေးစိတ်ကိုတော့ အောက်ပါလင့်ကနေ ဝင်ရောက်ကြည့်ရှုနိုင်ပါတယ်။

https://bit.ly/3ra0Htu

သင်တန်းကိုတော့ လာမယ့် နိုဝင်ဘာလဆန်းမှာ စတင်ဖွင့်လှစ်မှာဖြစ်ပြီး တပတ်လျှင် ၂ ရက်ခန့် (ည ၇-နာရီမှ ၈-နာရီခွဲအထိ) သင်ကြားသွားမှာဖြစ်တယ်လို့ သိရပါတယ်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...