ရန်ကုန် ဘုရင့်နောင်ဈေးကွက်တွင် ပဲဈေးများ သိသိသာသာ ပြုတ်ကျ

04/04/2022 17:02 PM တွင် AMIA AMIA မှ ရေးသား

ရန်ကုန် ဘုရင့်နောင်ဈေးကွက်မှာ ပြီးခဲ့တဲ့အပတ် ဧပြီ ၁ ရက်(သောကြာနေ့)က အပိတ်ဈေးထက် ဒီနေ့ ဧပြီ ၄ ရက် (တနင်္လာ) အဖွင့်ဈေးကွက်ကြား ပဲဈေးတွေ သိသိသာသာ ပြုတ်ကျသွားပါတယ်။

ပြီးခဲ့တဲ့ ဧပြီ ၁ ရက်က ၁ တန်ကို ၁၄၇၀၀၀၀ ပေါက်ဈေးရှိခဲ့တဲ့ မတ်ပဲ (အက်ဖ်အေကျူ၊အာစီ) ဈေးဟာ ကျပ် ၈၅၀၀၀ ပြုတ်ကျပြီး တစ်တန်ကို ၁၃၈၅၀၀၀ ဈေးသာ ရှိပါတော့တယ်။ 

တစ်တန်ကို ၁၆၅၀၀၀၀ ပေါက်ဈေးရှိခဲ့တဲ့ မတ်ပဲ (အက်စ်ကျူအာစီ) ဈေးဟာလည်း ကျပ် ၁ သိန်းထိ ကျသွားခဲ့ပြီး တစ်တန်ကို ၁၅၅၀၀၀၀ ဈေးသာ ရှိတော့တယ်လို့ သိရပါတယ်။ 

ပဲစင်းငုံနီ (အာစီ ၊ ၂၀၂၁) ဈေးဟာလည်း ကျပ် ၈၅၀၀၀ ဈေးပြုတ်ကျသွားပြီး တစ်တန်ကို ၁၃၇၀၀၀၀ သာ ရှိတော့တယ်လို့ သိရပါတယ်။

ပဲတီစိမ်းဈေးတွေလည်း အကျဘက်မှာရှိခဲ့ပြီး တစ်ပိဿာကို ၆၅ ကျပ်ခန့်ဈေးကျသွားတယ်လို့ သိရပါတယ်။

ဒါ့အပြင် ပဲလွန်းဖြူ၊ ပဲလွန်းနီ၊ စွန်တာနီ/ပြာ၊ ကုလားပဲ စတဲ့ ပဲဈေးတွေလည်း အနည်းငယ်စီ အကျဘက်မှာရှိနေတယ်လို့ သိရပါတယ်။ 

ပြီးခဲ့တဲ့တစ်ပတ်အတွင်း မတ်ပဲ တင်ပို့ခွင့်ကာလကို အိန္ဒိယနိုင်ငံက တစ်နှစ်သက်တမ်းတိုးပေးလိုက်တဲ့အချိန်မှာ မတ်ပဲဈေးတွေ ပြန်ကျဆင်းသွားခဲ့ပေမယ့် သိသိသာသာ ကျဆင်းခြင်းတော့ မရှိဘဲ လက်တလောမှာ ဈေးတွေကျဆင်းနေပေမယ့် ငွေကြေးဈေးနှုန်းမြင့်မားမှုတွေကြောင့် အများကြီးကျဆင်းနိုင်ခြေမရှိဘူးလို့ ဧရာကုန်သွယ်မှုဗဟိုဌာနက သုံးသပ်ထားခဲ့တာဖြစ်ပါတယ်။ 

ဒါပေမဲ့ အခုတစ်ပတ်အဖွင့်မှာတင် ဈေးတွေသိသိသာသာကျသွားခဲ့တာ ဖြစ်ပါတယ်။

နိုင်ငံခြားငွေဝင်တာတွေနဲ့ပတ်သက်လို့ ဗဟိုဘဏ်ရဲ့ ဧပြီ ၃ ရက် ရက်စွဲနဲ့ ထုတ်ပြန်တဲ့ ငွေကြေးဆိုင်ရာ မူဝါဒအပြောင်းအလဲရှိလာပြီး နောက် ကုန်စည်အချို့ ဈေးနှုန်းအပြောင်းအလဲတွေ ရှိနေတာဖြစ်ပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်

 


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်