ဘင်္ဂလားပင်လယ်အော်မှ လေဖိအားနည်းရပ်ဝန်းနှင့် တိုင်ဖွန်းမုန်တိုင်း BUALOI အကြွင်းအကျန်များကြောင့် မိုးလေဝသအခြေအနေ ကြိုတင်ခန့်မှန်းချက်

စက်တင်ဘာ ၃၀ ရက် နေ့လည် ၁၂ နာရီ မှ အောက်တိုဘာ ၂ ရက် နေ့လည် ၁၂ နာရီအထိ ၄၈ နာရီအတွင်း ဘင်္ဂလားပင်လယ်အော်မှ လေဖိအားနည်းရပ်ဝန်းနှင့် တိုင်ဖွန်းမုန်တိုင်း BUALOI အကြွင်းအကျန်များကြောင့် မိုးရွာနိုင်/မိုးများနိုင်မည့် အခြေအနေ ကြိုတင်ခန့်မှန်း

စက်တင်ဘာ ၃၀ ရက် နေ့လည် ၁၂ နာရီ ၃၀ မိနစ်

=====

🔸စက်တင်ဘာ ၃၀ ရက်နေ့တွင် တိုင်ဖွန်းမုန်တိုင်း BUALOI ၏ အကြွင်းအကျန်များသည် မြန်မာနိုင်ငံအရှေ့ပိုင်းရှမ်းပြည်နယ်သို့ဝင်ရောက်လာပြီး ရှမ်းပြည်နယ်ကိုဖြတ်သန်း၍ အနောက်-အနောက်မြောက်ဘက် - မန္တလေးတိုင်း၊ စစ်ကိုင်းတိုင်းနှင့် ကချင်ပြည်နယ်တို့သို့ ဆက်လက်ရွေ့လျားလျှက်ရှိပါတယ်။

🔸ဘင်္ဂလားပင်လယ်အော် အလယ်ပိုင်းမှာ လေပွေလှိုင်း(INVEST-91B)စတင်ဖြစ်ပေါ်လျှက်ရှိပြီး နောက်၁၂ နာရီအတွင်း ပိုမိုအားကောင်းလာကာ လေဖိအားနည်းရပ်ဝန်းဖြစ်လာနိုင်ပြီး မြောက်-အနောက်မြောက်ဘက်သို့ ဆက်လက်ရွေ့လျားနိုင်ပြီး အောက်တိုဘာ ၃ ရက်နေ့မှာ အိန္ဒိယနိုင်ငံ ကမ်းခြေကို ဖြတ်ကျော်ဝင်ရောက်နိုင်ကြောင်းခန့်မှန်းထားပါတယ်။

တိုင်ဖွန်းမုန်တိုင်းအကြွင်းအကျန်များနှင့် လေဖိအားနည်းရပ်ဝန်းအရှိန်သက်ရောက်မှုများကြောင့် စက်တင်ဘာ ၃၀ ရက် နေ့လည် မှ အောက်တိုဘာ ၂ ရက်နေ့လည်(၄၈ နာရီအတွင်း) –

🔸ပဲခူးတိုင်း၊ ကချင်ပြည်နယ်၊ မွန်ပြည်နယ်နှင့် တနင်္သာရီတိုင်းတွေမှာ ၄၈ နာရီအတွင်း မိုးရေချိန် ၄ လက်မခန့်မှ ၆ လက်မခန့် ရွာသွန်းနိုင်/မိုးများနိုင်/မိုးအလွန်များနိုင်ပါတယ်။

🔸ကျန်ပြည်နယ်တိုင်းဒေသသအားလုံးမှာ မိုးအသင့်အတင့်/မိုးများနိုင်ပါမယ်။ (၄၈ နာရီအတွင်း မိုးရေချိန် ၁.၂ လက်မ အထက်)မှ (၄၈ နာရီအတွင်း မိုးရေချိန် ၄ လက်မ ခန့်အထိရွာသွန်းရရှိနိုင်)

၄ ရက်စာ မိုးလေဝသအခြေအနေ ကြိုတင်ခန့်မှန်းကြည့်ရန် -

https://disasterinfo.mmweather.org/divisionTownPage

https://www.mmweather.org/divisional-cities-weather

🔸ကရင်ပြည်နယ်အတွက် သီးခြားကြိုတင်ခန့်မှန်းချက်ကို ထပ်ဖြည့်ပေးထားပါတယ် -

စက်တင်ဘာ ၃၀ မှ အောက်တိုဘာ ၂ ရက်အထိ ၄၈ နာရီအတွင်း ကရင်ပြည်နယ် မြဝတီမြို့နယ်နှင့်ကော့ကရိတ်မြို့နယ်၊ ဘားအံမြို့နယ်၊ ဖါပွန်မြို့နယ်နှင့် ဒေါနတောင်ကြောတလျှောက်၊ သောင်ရင်းမြစ်နှင့်သံလွင်မြစ်ဝှမ်းတလျှောက်တွင် မိုးသည်းထန်ပြီးရုတ်ချည်းရေကြီးခြင်း/မြစ်ရေကြီးခြင်းတို့ ဖြစ်နိုင်ပါတယ်။

(၄၈ နာရီအတွင်း မိုးရေချိန် ၅ လက်မအထက်အထိ ရွာသွန်းနိုင် မိုးများနိုင်ပါမယ်)

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။