ကြံသီးနှံ ပညာပေး စာစဉ်-၃ ကျင်းစာကျွေးဘောင်လုံးချိန် အပင်ကြီးထွားမှုကာလ ပေါင်းနှိမ်နင်းခြင်း

သမားရိုးကျမှာ ကြံခင်း၌ ပေါင်းနှိမ်နင်းခြင်းကို ကျင်းစာကျွေးဘောင်လုံးချိန်ကာလ၌သာ လုပ်ဆောင်ပါသည်။ စင်စစ်ပေါင်းနှိမ်နင်းခြင်းလုပ်ငန်းကို ကြံနှင့်ပေါင်းတို့ယှဉ်ပြိုင်မှ အားအနည်းဆုံးကာလမှစ၍ ကြံပင်အတန်းပိတ်သွားချိန်အထိ ဆောင်ရွက်ရမည့်လုပ်ငန်းဖြစ်သည်။

ပျဉ်းမနား ကြံသုတေသနခြံ၏ စမ်းသပ်ချက်အရ ပေါင်းပင်ကြောင့် ကြံသီးနှံအထွက်ဆုံးရှုံးမှုမှာ ၅၇% အထိရှိနေသည်။ ကြံအထူးအထွက်တိုးကြံစိုက်ခင်းများ၌ ပေါင်းကြောင့်သီးနှံအထွက်ကျဆင်းမှုမှာမူ ၅% ထက်မပိုတော့ပေ။

မြေပြင်ချိန်တွင် ထယ်ရေးနက်နက်၊ ညက်ညက်၊ နှပ်ထည်ရေးရအောင်ဆောင်ရွက်နိုင်ပြီး စိုက်ပျိုးချိန်တွင် မျိုးမှန်၊ ရာသီမှန်၊ အစိုဓာတ်မှန်အောင် ဆောင်ရွက်နိုင်ပါက ကြံပင်ပေါက်များက ပေါင်းပင်ထက် ဦးအောင်သန်မာစွာ ပေါက်ထွက်လာပါသည်။ ကြံပင်ပေါက်လျင်မြန်ခြင်း၊ အပင်ပေါက်ညီညာခြင်း၊ ပင်ပွားစောစောထွက်ခြင်း၊ ရွက်အုပ်မိုးကာလ လျင်မြန်စွာရောက်ရှိခြင်းတို့ကြောင့် ပေါင်းပင် ပေါက်ရောက်မှုကို ဦးချိုး၍ဖိနှိမ်လိုက်နိုင်သည်။

ထွန်ထယ်လက်တွန်းထွန်စက်၊ ထွန်စက်ငယ်တို့ကိုသုံးပါက ကြံပင်စိုက်ပြီး(၂)လအကြာ အပင်ပေါက်စုံချိန် အစောဆုံး မတ်လလယ်မှစတင်ပြီး ကြားလိုက်ကိရိယာစက်တို့ကိုသုံးနိုင်သည်။ ထွန်စက်ငယ် (Mini Tractor) နောက်၌ လင်ပန်းထယ်(သို့မဟုတ်) တုန်ခါမှုကောင်းသော ကြားလိုက်အသွား (Spring Type Tines) ကိုသုံးနိုင်သည်။ မြေဆီလွှာအပေါ် မျက်နှာပြင်တင်းမာ၍ ခဲကြီးများနေလျှင် မြေထိုးခွဲချေဖျက် လင်ပန်း (Cut-away) ကိုသုံးနိုင်သည်။

ပေါင်းသတ်ဆေး’ကို သုံးမည်ဆိုပါက အောက်ပါလမ်းညွှန်ချက်နှင့်အညီဆောင်ရွက်သင့်သည်။

ဒါဆာတော့ (Dasatox-F) ပေါင်းသတ်ဆေးကို ကြံခင်းထဲ၌ ပေါင်းနှိမ်နင်းရန် ပက်ဖျန်းမည်ဆိုပါက ဆေး (၁၀၀) စီစီကို ရေ (၄) ဂါလံဝင်ဆေးဖျန်းပုံး၌ထည့်၍ ဖျော်စပ်ကာ တစ်ဧကလျှင် ဆေးဖျန်းပုံးပေါင်း (၁၀) ပုံးရောစပ်ပက်ဖျန်းပါ။ ဆေးကိုကြံပင်ပေါ်မထိအောင် ဆေးဖျန်းခေါင်း၌ ဒိုင်းအကာရံ တပ်ဆင်သင့်သည်။ ဆေးဖျန်းသူကလည်း လက်အိတ်၊ နှာခေါင်းစီး အကာအရံများတပ်သင့်သည်။

ပေါင်းသတ်ဆေးသုံးစွဲခြင်း၏ အကျိူးအမြတ်ကိုတွက်ချက်ခြင်း

၁။ စက်ရုံအရောက် စက်သွင်းကြံရောင်းဈေး = ကျပ် ၄၀,၀၀၀/ တန် ဟုဆိုပါစို့

၂။ ဆေးဖိုး + ဆေးဖျန်းခ = ကျပ် ၆၀,၀၀၀/ဧက ဟုဆိုပါစို့

၃။ ဆေးကုန်ကျစရိတ်ကာမိ၍ ပေါင်းသတ်ဆေးသုံးစွဲခြင်းကြောင့် ၁ ဧကလျှင် ကြံ ၁.၅တန် (တစ်တန်ခွဲ) ပိုထွက်မှ မရှုံးမမြတ်ပဲ ရှိသေးသည်။

၄။ ပေါင်းရှင်း၍ ယခင်အထွက်နှုန်းထက် ၃ တန်/ဧက ပိုထွက်ပါက အမြတ်ငွေ တစ်ဧက ကျပ် ၆၀,၀၀၀ ပိုရပါမည်။

ကြံလမိုင်းခင်းများ၌ လမိုင်းပြင်ပြီး ကြံရွက်ခြောက်များဖြင့်ဖုံးအုပ်ထားပေးခြင်း (Trash Blanket) ဖြင့် မြေဆီလွှာ အစိုဓာတ်ကိုထိန်းပေးခြင်း၊ မြေဆီလွှာအော်ဂဲနစ်ဓာတ်တိုးပွားလာခြင်း၊ ပေါင်းပင်များကို ထိရောက်စွာ နှိမ်နင်းနိုင်ခြင်းစသည့်အကျိုးထူးများ ရစေသည်။ ပူပြင်းသောနွေရာသီ၌ ကြံရွက်ခြောက်များ မီးမလောင်အောင် ဂရုစိုက်ပေးရန် လိုအပ်ပါသည်။

စံသိန်း(စိုက်ပျိုးရေး)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ