စပါးစိုက်ပျိုးနည်း (တောင်သူလက်စွဲ- ဦးဘဟိန်း) (၃) - ပျိုးထောင်ခြင်း

08/12/2017 22:29 PM တွင် ဦးဘဟိန်း ဦးဘဟိန်း မှ ရေးသား

အခန်း (၃)
ပျိုးထောင်ခြင်း

၃.၁ ပျိုးကောင်းဆိုတာ ဘယ်လိုမျိုးလဲ။

  • ·         တို တုတ် သန်မာတယ်၊ အမြစ်ဖွာတယ်။
  • ·         အရွယ်အစား ညီညာတယ်။
  • ·         ရောဂါကင်းတယ်။

၃.၂ ပျိုးကောင်းရအောင် ဆောင်ရွက်ရမယ့် လုပ်ငန်းစဉ်အဆင့်ဆင့်။

  • ·         ကိုယ့်လယ်ကွက် ကိုယ့်ဒေသနဲ့ ကိုက်ညီတဲ့မျိုးကို ရွေးချယ်ပါ။
  • ·         မျိုးကောင်း မျိုးသန့်ကိုသုံးပါ။
  • ·         အစေ့အဆံပြည့်ဖြိုးပြီး အရွယ်ညီညာတဲ့မျိုးစေ့တွေရရှိအောင် လုပ်ဆောင်ပါ။ (ဆန်ကောဆန်ခါနဲ့ သုံးကြိမ်ခန့် ပြာတီးသန့်စင်ရမယ်။)
  • ·         အစေ့ ၁၀၀ မှာ အနည်းဆုံး အစေ့ ၈၀ အပင်ပေါက်/မပေါက်သိအောင် အပင်ပေါက်နှုန်းစမ်းသပ်ပါ။
  • ·         စာပါးစပ်ပြူရုံ မျိုးညှောက်ဖောက်ပါ။
  • ·         ဧရိယာကျဉ်း အစိုပျိုးဘောင်နဲ့ ပျိုးထောင်ပါ။

၃.၃ ဧရိယာကျဉ်း အစိုပျိုးဘောင်နဲ့ ပျိုးထောင်နည်း။

ဘာကြောင့်ဒီနည်းကို အသုံးပြုတာလဲ ...

  • ·         တိုတုတ်သန်မာပြီး အမြစ်ဖွာတဲ့ပျိုး၊ အရွယ်ညီတဲ့ပျိုး၊ ရောဂါကင်းတဲ့ပျိုးတွေရတယ်။
  • ·         ပျိုးသက် ၁၅ ရက်မှ ၂၀ ရက်သားအတွင်း ပျိုးအမြင့် ၈ လက်မခန့်ရှိတယ်။ ဒါကြောင့် ပျိုးသက်ငယ်ငယ်နဲ့ ကောက်စိုက်နိုင်တယ်။
  • ·         ကောက်စိုက်အပြီး ၃ ရက်မြောက်မှာ ကောက်ပင်လှန်တယ်။
  • ·         ကျင်းပျောက်/ပင်ပျောက်နည်းလို့ ကောက်ပင်ဖာထေးရ သက်သာတယ်။
  • ·         အပင်ငယ်စဉ်မှာ ကြီးထွားမြန်လို့ ပေါင်းမြက်ကိုစီးနိုင်တယ်။

ပျိုးဘောင်အရွယ်အစား ဘယ်လောက်ရှိရမလဲ ...

·         စိုက်ခင်းတစ်ခုလုံးရဲ့ အပုံ ၁၀၀ မှာ ၁ ပုံ အရွယ်အစားဟာ လုံလောက်တဲ့ပျိုးခင်း အကျယ်အဝန်းဖြစ်တယ်။ (ဥပမာ - စိုက်ခင်း ၁ ဧကအတွက် ပျိုးဘောင်အရွယ်အစားဟာ အနံ ၃ ပေ အလျား ၁၅၀ ပေ အကျယ်အဝန်းသာလိုအပ်တယ်။)

မျိုးစေ့ပမာဏ ဘယ်လောက်လိုသလဲ ...

·         မျိုးစေ့အရွယ်အစားနဲ့ အစေ့ ၁၀၀၀ အလေးချိန်၊ ပင်ကြားတန်းကြား အကွာအဝေးနဲ့ လက်ဆအပေါ်မူတည်ပြီး မျိုးစေ့လိုအပ်ချက် ပမာဏကွဲပြားတယ်။ ဥပမာ - အစေ့ ၁၀၀၀ မှာ အလေးချိန် ၁၉ ဂရမ်မှ ၂၀ ဂရမ်အထိလေးတဲ့ မနောသုခနဲ့ သီးထပ်ရင်ကို ကောက်ကွက် ၈ လက်မ ၆ လက်မထားပြီး တစ်ကျင်း ၃ ပင်နှုန်း လက်ဆနဲ့စိုက်မယ်ဆိုရင် မျိုးစေ့ ၈ ပြည်လိုအပ်ပြီး အစေ့ ၁၀၀၀ မှာ ၂၄ ဂရမ်မှ ၂၆ ဂရမ်လေးတဲ့ ဆင်းသွယ်လတ်၊ ဧရာမင်း၊ ကျော်ဇေယျ၊ ပေါ်ဆန်းရင် စပါးမျိုးကို အလားတူကောက်ကွက်/လက်ဆနဲ့ စိုက်ရင် ၁၀ ပြည်သာလိုအပ်တယ်။ (သတိပြုရမှာက အစေ့ ၁၀၀ မှာ ၈၀ စေ့အပင်ပေါက်ရမယ်။ ပြာတီးသန့်စင်ထားတဲ့ မျိုးစေ့ကောင်းတွေဖြစ်ရမယ်။)

ပျိုးဘောင်ကို ဘယ်လိုဖော်မလဲ ...

  • ·         ပျိုးခင်းမှာ စက်ဖွဲပြာထည့်ပါ။ ပျိုးနှုတ်ရာမှာ ပျိုးပင်မနာဘူး။
  • ·         သမန်းပြင်ညီညာအောင် သမန်းပုပ်အောင် သမန်းညက်အောင် ဦးစွာလုပ်ပါ။
  • ·         သမန်းပြင်မှာ အကျယ် ၃ ပေ၊ အရှည် ၁၅၀ ပေ အရွယ်ရှိတဲ့ ပျိုးဘောင်တွေ ပေါ်လာအောင် ရေဖြည့်ထားတဲ့ သောက်ရေအိုးကို ကြိုးချည်ပြီး ဖြောင့်ဖြောင့်တန်းတန်းဆွဲပါ။
  • ·         အကျယ် ၃ ပေ၊ အရှည် ၁၅၀ ပေရှိတဲ့ ပျိုးဘောင်တစ်ဘောင်ဟာ စိုက်ခင်းတစ်ဧကအတွက် လုံလောက်တဲ့ပျိုးပင်တွေ ရရှိတဲ့အပြင် ကျင်းပျောက်/ပင်ပျောက်တွေကိုပါ ဖာထေးဖို့ ပျိုးလက်ကျန်လုံလောက်ပါတယ်။

မျိုးစေ့ကို ဘယ်လိုချမလဲ ...

  • ·         မျိုးစေ့ကို စာပါးစပ်ပြူရုံ မျိုးညှောက်ဖောက်ပါ။
  • ပျိုးဘောင်အကျယ် ၃ ပေ အရှည် ၃ ပေ အကွက် ၁ ကွက်မှာ ဆင်းသွယ်လတ်၊ ဧရာမင်း၊ ကျော်ဇေယျ၊ ပေါ်ဆန်းရင် စတဲ့စပါးမျိုးတွေဆိုရင် နို့ဆီဗူး ၁ ဗူးခွဲချပါ။ အစေ့အရေအတွက်အားဖြင့် ၈၀၀၀ ကျော်ရှိမယ်။ မနောသုခ၊ သီးထပ်ရင် စတဲ့စပါးမျိုးဆိုရင် နို့ဆီဗူး ၁ ဗူးနဲ့ သုံးပုံတစ်ပုံခန့်ချပါ။
  • ·         မန်ကျည်းစေ့အရွယ် အကွက်တစ်ကွက်အတွင်းမှာ မျိုးစေ့တစ်စေ့နှုန်းချပါ။ မျိုးစေ့တွေ မထပ်အောင်ဂရုစိုက်ပါ။
  • ·         မျိုးစေ့ချပြီးပါက မျိုးစေ့အပေါ်မှာ စက်ဖွဲပြာလက်မဝက်ခန့်ဖုံးပေးပါ။ (ရည်ရွယ်ချက်က မိုးသည်းရိုက်တဲ့ဒဏ် မခံရအောင်ဖြစ်ပါတယ်။ အကယ်၍ မျိုးစေ့ချအပြီး မိုးသည်းသည်းမဲမဲ ရွာမယ့်လက္ခဏာရှိရင် ပျိုးဘောင်တစ်ခုလုံးမြုပ်အောင် ရေသွင်းထားပါ။)

ပျိုးခင်းကို ဘယ်လိုစောင့်ရှောက်မလဲ ...

  • ·         ပျိုးဘောင်မှာ အစိုဓာတ်ရှိနေသမျှ ကာလပတ်လုံး ပျိုးခင်းမှာ ရေပြောင်အောင်ထားပါ။
  • ·         ရေပြောင်အောင်ထားခြင်းအားဖြင့် ပျိုးမြစ်တွေလေကောင်းစွာရရှိတယ်။ ဒါကြောင့် ပျိုးပင်တွေတိုတုတ်သန်မာပြီး အမြစ်ဖွံ့ဖြိုးတယ်။
  • ·         ပျိုးခင်းမှာ ဓာတ်မြေသြဇာထည့်ပေးဖို့ မလိုဘူး။ ပျိုးပင်ငယ်လေးဟာ ၁၄ ရက်သားအထိ အစေ့ထဲကအစာကိုသာ စားတယ်။ မြေထဲမှာ ရှိနေတဲ့အာဟာရကို မစားဘူး။
  • ·         ဆစ်ပိုးတွေကျလေ့ရှိရင် ပျိုးဘောင်ပေါ်မှာ ဖြူ ရာဒန် သရီးဂျီကို အညွှန်းအတိုင်း ထည့်သွင်းပေးပါ။
  • ·         ပျိုးသက် ၁၅ ရက်မှ ၂၀ ရက်သားအတွင်း ပျိုးနှုတ်/ကောက်စိုက်ပါ။
  • ·         ပျိုးမနှတ်မီ မြေအခြေအနေအရ ၃ ရက်ခန့်ကြိုတင်ပြီး ပျိုးဘောင်တွေ မြုပ်အောင်ရေသွင်းထားပါ။ ဒါမှ ပျိုးနှုတ်ရတာ လွယ်ကူမယ်။

ပျိုးပင်ကို ဘယ်လိုနှုတ်မလဲ ...

  • ·         ပျိုးပင် ၂ ပင် ၃ ပင်ကို ပျိုးပင်အခြေမှာ ခဲတံကိုင်သလိုကိုင်ပြီး စွေစောင်းစောင်း အနေအထားနဲ့ နှုတ်ပါ။ ဒါမှ ပျိုးခေါင်းပြုတ် ပျိုးခါးကျိုး ပျိုးခါးကြေ သက်သာမယ်။
  • ·         ပျိုးမြစ်တွေကို ရေထဲနှစ်ပြီး လှုပ်ခါလိုက်ရင် ပျိုးချေးတွေစင်သွားမယ်။
  • ·         ခြေရိုက်ပျိုး လုံးဝ မလုပ်ပါနဲ့။
  • ·         ပျိုးပင်တွေကို ဖွဖွရွရွလေး စည်းနှောင်ပါ။ ကောက်မစိုက်မီ ပျိုးစည်းတွေကို အရိပ်မှာထားပါ။

၃.၄ ပျိုးခင်းမှာ ကြုံတွေ့ရတဲ့ ပြဿနာနဲ့ ဖြေရှင်းချက်များ။

ဘာကြောင့်ပျိုးပင်အရွယ်အစား မညီညာသလဲ ...

  • ·         ပျိုးခင်း မြေမျက်နှာပြင် မညီညာဘူး။
  • ·         မျိုးစေ့ အရွယ်အစား မညီညာဘူး။
  • ·         မျိုးစေ့ ကြဲပက်ရာမှာ မညီညာဘူး။
  • ·         ဓာတ်မြေသြဇာ ကြဲပက်ရာမှာ မညီညာဘူး။

ဘာကြောင့် ပျိုးလှီ ပျိုးနွဲ့ ပျိုးခါးရှည် ဖြစ်ရသလဲ ...

  • ·         အစေ့အဆန် ပြည့်ဖြိုးပြီး အလေးချိန်စီးတဲ့ မျိုးစေ့ကိုမသုံးဘူး။
  • ·         မျိုးစေ့နှုန်း လိုတာထက်ပိုပြီး အဆမတန်သုံးတယ်။
  • ·         ပျိုးခင်းမျက်နှာပြင် မညီညာဘူး။
  • ·         ပျိုးခင်းမှာ ရေနေရေထိုင်များပြီး ရေကိုအမြဲတမ်းလှောင်ထားတယ်။

ဘာကြောင့် ပျိုးမြစ်များ မသန်ရတာလဲ ...

·         ပျိုးခင်းမှာ ရေကိုပြောင်စင်အောင် ခါထုတ်လေ့မရှိဘူး။ (ဥပမာ - ကုန်းပျိုးတွေဟာ ရေပျိုးထက် အမြစ်ပိုပြီး သန်စွမ်းတယ်။)

သန်စွမ်းပြီး အရွယ်ညီတဲ့ ပျိုးတွေရအောင် ဘယ်လိုဆောင်ရွက်မလဲ ...

  • ·         ကိုယ့်လယ်ကွက် ကိုယ့်ဒေသနဲ့ ကိုက်ညီတဲ့မျိုးကို ရွေးပါ။
  • ·         မျိုးစေ့ကောင်းကို အသုံးပြုပါ။
  • ·         ပျိုးခင်းကို သမန်းပုပ် သမန်းညက် သမန်းပြင်ညီညာအောင် လုပ်ဆောင်ပါ။
  • ·         ဧရိယာကျဉ်း အစိုပျိုးထောင်နည်းကို အသုံးပြုပါ။

ပျိုးပင်မနာအောင် ဘယ်လိုလုပ်ဆောင်မလဲ ...

  • ·         ပျိုးမနှုတ်မီ မြေအခြေအနေအရ ပျိုးဘောင်တွေ နစ်မြုပ်အောင် ၃ ရက်ခန့် ကြိုတင်ပြီး ရေတင်သွင်းထားပါ။
  • ·         ပျိုးပင် ၂ ပင်မှ ၃ ပင် အခြေကို ခဲတံကိုင်သလိုကိုင်ပြီး စွေစောင်းစောင်း အနေအထားဖြင့် နှုတ်ပါ။
  • ·         ပျိုးချေးတွေကို ရေထဲမှာ လှုပ်ခါဆေးပါ။
  • ·         ပျိုးစည်းတဲ့အခါ ဖွဖွရွရွလေးစည်းပါ။
  • ·         ကောက်မစိုက်မီ ပျိုးမြစ်တွေကို ရေထဲမှာ နစ်မြုပ်အောင်ထားပါ။

 

ဆရာဦးဘဟိန်း- စပါးစိုက်ပျိုးနည်း (တောင်သူလက်စွဲ) စာအုပ်မှ ကူးယူဖော်ပြပါသည်။


PROBIO ကြော်ငြာ
ကြက်/ဝက် မွေးမြူရေးလုပ်ငန်းတွေမှာ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) များအစား၊ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) များကို ဘာကြောင့်အစားထိုး အသုံးပြုသင့်တာလဲ။ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) ဆိုတာကတော့ လူ၊ တိရစ္ဆာန်တွေမှာကပ်တွယ်ပြီး ကျန်းမာရေးကို အန္တရာယ်ပြုနိုင်တဲ့ အဏုဇီဝပိုးမွှားတွေကို ကြီးထွားပြန့်ပွားမှု့လျော့ကျအောင် ရှင်းလင်းသုတ်သင်ပေးတဲ့ ဆေးတစ်မျိုးဖြစ်ပြီး အထူးသဖြင့် မွေးမြူရေးကဏ္ဍမှာ ၇၀-၈၀% အထိ အသုံးပြုလျက်ရှိကြပါတယ်။ ကြက်မွေးမြူရေးကဏ္ဍမှာဆိုရင် အဆိုပါ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) တွေဟာ ကြက်တွေမှာဖြစ်ပွားတတ်တဲ့ အသက်ရှုလမ်းကြောင်းရောဂါ၊ အူလမ်းကြောင်းရောဂါ၊ အခြားသောဘက်တီးရီးယားများကြောင့်ဖြစ်တဲ့ ရောဂါတွေကိုကုသရာမှာ အလွန်ထိရောက်ပါတယ်။ သို့သော်ငြားလည်း ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) တွေကိုအသုံးပြုတဲ့အခါ ဆေးမတိုးတော့တဲ့ အန္တရာယ်ရှိ အဏုဇီဝပိုးမွှားဗီဇပေါ်ထွက်လာနိုင်ပြီး ထိုမှတဆင့် အရေအတွက်အများအပြားအဖြစ်သို့ ပြန်လည်ပွားများလာကာ ပဋိဇီဝဆေးဆေးယဉ်ပါးမှု (𝐀𝐌𝐑) ကိုဦးတည်နိုင်စေပါတယ်။ ဒီနေရာမှာ အဆိုပါ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) တွေအစား အစားထိုးအသုံးပြုသင့်တဲ့ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) အကြောင်းကို ထပ်မံအကြံပြုဝေမျှပေးပါရစေ။ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) ဆိုတာကတော့ မွေးမြူရေးတိရစ္ဆာန်တွေ ကျန်းမာရေးကောင်းမွန်စေဖို့အတွက် ရည်ရွယ်ပြီးထုတ်လုပ်ထားတဲ့ အကျိုးပြု အဏုဇီဝပိုးမွှားများဖြင့် ထုတ်လုပ်ထားတဲ့ဆေး (တနည်းအားဖြင့်) အစာ လို့လည်းဆိုနိုင်ပါတယ်။ ၂၀၀၂ ခုနစ်မှာ 𝐖𝐇𝐎 နဲ့ 𝐅𝐀𝐎 ကနေပြီးတော့မှ ပရိုဘိုင်အိုတစ်ဆိုတာ သက်ရှိအဏုဇီပိုးတွေပါဝင်သောဆေးဖြစ်ပြီး လုံလောက်တဲ့ ပမာဏ အထိ တိုက်ကျွေးမယ်ဆိုရင် ပဋိဇီဝဆေးတိုက်ကျွေးစရာမလိုပဲ မွေးမြူရေးတိရစ္ဆာန်တွေရဲ့ ကျန်းမာရေးကို ကောင်းမွန်စေကြောင်း အကြံပြုထားတာတွေရှိပါတယ်။ ဒါကြောင့် မွေးမြူရေးလုပ်ငန်းတွေမှာ အဆိုပါ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) ကို ပဋိဇီဝဆေးဝါးများအစား၊ အစားထိုးအသုံးပြုခြင်းက အန္တရာယ်ရှိအဏုဇီဝပိုးမွှားတွေရဲ့ ဆေးယဉ်ပါးမှု (𝐀𝐌𝐑) ဖြစ်ပွားနိုင်ချေ ရာခိုင်နှုန်းကိုလျော့ချနိုင်ပြီး မွေးမြူရေးတိရစ္ဆာန်တွေရဲ့ဇီဝကမ္မဖြစ်စဉ်များကို အနှောက်အယှက်ပြုခြင်းမှ ကာကွယ်နိုင်မှာဖြစ်ပါတယ်။ "စာရေးသားသူဒေါက်တာညွန့်ရွှေ (မွေးမြူ/ဆေးကု) " Myanmar Innovative Life Sciences Co., Ltd မှ ထုတ်လုပ်ဖြန့်ချိပြီး မြန်မာ 𝐅𝐃𝐀 ၏ ခွင့်ပြုချက်လိုင်စင်နဲ့အညီ ပြည်တွင်း၌ထုတ်လုပ်ကာ မြန်မာနိုင်ငံမွေးမြူရေးလုပ်ငန်းရှင်များကို အဆင်သင့်ကူညီပေးမယ့် အရည်အသွေးမြင့် အစာလမ်းကြောင်းအားဖြည့်ဆေး PROBIO က အသင့်ရှိနေပါတယ်။ အခုပဲဒီလင့်မှာ ပြည့်စုံစွာဖောင်ဖြည့်ပြီးဆက်သွယ်လိုက်ပါ- https://tinyurl.com/MILS-PROBIO 𝐏𝐑𝐎𝐁𝐈𝐎 မှ မွေးမြူရေးဆိုင်ရာကျွမ်းကျင်ဝန်ထမ်းတွေကနေ တိုက်ရိုက်ဆက်သွယ်ပြီး အကူအညီပေးမှာဖြစ်ပါတယ်။ 𝐏𝐑𝐎𝐁𝐈𝐎 ဖြန့်ချိရေးနှင့်ကိုယ်စားလှယ်ယူလိုသူများ တိုက်ရိုက်ဆက်သွယ်ရန်ရုံးချုပ်လိပ်စာ- အမှတ် (၁၆၅)၊ အောင်ဇေယျလမ်းသွယ် (၁) ၊ သီရိမင်္ဂလာလမ်း၊ အင်းစိန်မြို့နယ်၊ ရန်ကုန်မြို့။ Hotline: 09 263 709 553, 09 267 287 608, Email: [email protected] #MILS #PROBIO
Read more မွေးမြူရေး အကူအညီရယူရန် နှိပ်ပါ

ဆွေးနွေးချက်များ

ဆွေးနွေးရန်