နို့သယ်ပုံးများကို နို့ကောက်စခန်းတွင် ဆေးကြောခြင်း

11/07/2018 10:03 AM တွင် အစိမ်းရောင်လမ်း အစိမ်းရောင်လမ်း မှ ရေးသား ပြီး MDEP MDEP မှ ပေးပို့ထားပါသည်။

ရည်ရွယ်ချက်
နို့ကောက်စခန်းသို့ နို့ပို့သည့်ပုံးများသည် ဘက်တီးရီးယားပိုးမွှားကင်းရှင်းပြီး ခြောက်သွေ့သန့်ရှင်းရပါမည်။ ထိုသို့နို့သယ်သည့်ပုံးများသန့်ရှင်းမှသာ နွားနို့အတွင်းသို့ နို့သယ်သည့်ပုံးမှ ဘက်တီးရီးယားဝင်ရောက်မှုကို ကာကွယ်နိုင်ပါမည်။

၁။ ရေဖြင့်ဆေးကြောခြင်း
သန့်ရှင်းသည့်ရေကို အသုံပြုပါ။
သန့်ရှင်းသည့်အဝတ်စကို အသုံးပြုပါ။
ဆေးကြောရာတွင် အနည်းဆုံးရေ(၂)လီတာ သုံးပါ။
ပုံးမျက်နှာမြင်နှင့်နှုတ်ခမ်းများကို သေချာစွာပွတ်တိုက်ပါ။
ပုံးဆေးပြီးနောက်ရေကိုသွန်ပစ်ပါ။ပြန်မသုံးရ။
ပုံးကိုရေစစ်ပါ။

၂။ ဆပ်ပြာဖြင့်ဆေးကြောခြင်း
ပုံးဆေးရန် သန့်ရှင်းသည့်အဝတ်စကို သုံးပါ။
ပုံးထဲသို့ ဆပ်ပြာရည်(၂)လီတာခန့်ထည့်၍ဆေးပါ။
အတွင်းမျက်နှာပြင်နှင့်ပုံးနှုတ်ခမ်းများကို သေချာပွတ်တိုက်ပါ။
ပုံးဆေးပြီးနောက်ရေကိုသွန်ပစ်ပါ။ပြန်မသုံးရ။
ပုံးကိုရေစစ်ပါ။

၃။ ကလိုရင်းဖြင့် ပိုးသတ်ဆေးကြောခြင်း
 ပုံးတစ်ပုံးလုံးမြုပ်အောင် ကလိုရင်းရေထဲသို့နှစ်၍စိမ်ပါ။
ကလိုရင်းကန်ထဲတွင် တစ်မိနစ်ကြာအောင် စိမ်ရပါမည်။
ထို့နောက်ပုံးကိုရေစစ်ပါ။

၄။ ပုံးကိုအခြောက်ခံခြင်း
ပုံးကို ရေစစ်ပြီးနောက် အခြောက်ခံပါ။
နို့ကောက်စခန်းမှ ပြန်ရောက်လာပြီးနောက် ပုံးကို အခြောက်ခံစင်တွင်မှောက်ထားပါ။
ခြောက်သွေ့သောပုံး၏မျက်နှာပြင်တွင် ဘက်တီးရီးယားပိုးများ မပေါက်ပွားနိုင်ပါ။
၁။ ရေဖြင့်ဆေးကြောခြင်း
နို့သယ်သည့်ပုံးများကို ဦးစွာရေဖြင့်ဆေးရမည်။ ထိုသို့ဆေးခြင်းဖြင့် အညစ်အကြေးများကို ၉၅%အထိသန့်စင် နိုင်ပါသည်။ ဆေးကြောသည့်ရေသည်လဲ သန့်ရှင်းရန်အရေးကြီးပါသည်။

နို့သယ်သည့်ပုံးများကို အောက်ပါအတိုင်းဆေးကြောရပါမည်။

၁။ သန့်ရှင်းသည့်ရေကို အသုံပြုပါ။
၂။ ရေမသန့်ပါက ရေ(၁၅)လီတာတွင် ကလိုရင်း(၅) စီစီနှုန်းထည့်၍ အသုံးပြုပါ။
၃။ ပုံးတစ်ပုံးလျှင်အနည်းဆုံးရေ(၂)လီတာသုံး၍ ဆေးကြောပါ။
၄။ ပုံး၏အတွင်းဘက်၊ အပြင်ဘက်နှင့် ပုံးနှုတ်ခမ်းအားလုံးကို သေချာပွတ်တိုက်ဆေးကြောပါ။
၅။ ပုံးဆေးပြီးနောက်ရေကိုသွန်ပစ်ပါ။ပြန်မသုံးရ။
၆။ ဆေးကြောပြီးနောက် ပုံးကိုရေစစ်ပါ။

၂။ ဆပ်ပြာဖြင့်ဆေးကြောခြင်း
နို့သယ်သည့်ပုံးများကို သန့်ရှင်းစေရန်အတွက် ရေဖြင့်ဆေးကြောပြီးသည့်အခါ ရေနွေး၊ ဆပ်ပြာတို့ဖြင့်ထပ်မံ၍ သေချာပွတ်တိုက်ဆေးကြောရပါမည်။ ထိုသို့ဆေးကြောရာတွင် အယ်ကာလိုင်းဆပ်ပြာကို အသုံးပြုသင့်ပြီး အကယ်၍မရရှိပါက နို့ပုံးများတွင် အနံ့မစွဲစေရန် အနံ့မပါသော ပန်ကန်ဆေးဆပ်ပြာကို အသုံးပြုနိုင်ပါသည်။
၁။ ပုံးဆေးရန် သန့်ရှင်းသည့်အဝတ်စကို သုံးပါ။
၂။ ပုံးထဲသို့ ဆပ်ပြာရည်(၂)လီတာခန့်ထည့်၍ဆေးပါ။
၃။ အတွင်းမျက်နှာပြင်နှင့်ပုံးနှုတ်ခမ်းများကို သေချာပွတ်တိုက်ပါ။
၄။ ပုံးဆေးပြီးနောက်ရေကိုသွန်ပစ်ပါ။ပြန်မသုံးရ။
၅။ ဆပ်ပြာဖြင့်ဆေးပြီးနောက် ပုံးကိုရေစစ်ပါ။ 

၃။ ကလိုရင်းဖြင့်ပိုးသတ်ဆေးကြောခြင်း
နို့အရည်အသွေးကောင်းမွန်စေရန်အတွက် နို့သယ်သည့်ပုံးကို ကလိုရင်းရေဖြင့်ပိုးသတ်ဆေးကြောရန်လိုအပ် ပါသည်။ နို့သယ်ပုံးစိမ်သည့် ကလိုရင်းရေသည် ပြင်းအား(၂၀၀)ppm ရှိရန်လိုအပ်ပြီး အောက်ပါအတိုင်း ပြုလုပ် နိုင်ပါသည်။
ကလိုရင်း(၃၀)ml + ရေ (၁၆)လီတာ = (၂၀၀)ppm ကလိုရင်းရေ
ပုံးစိမ်သည့်ကန်ထဲတွင် ကလိုရင်းရေ၏ ပြင်းအား ကြာရှည်ခံရန်အတွက်
ရေ၊ ဆပ်ပြာတို့ဖြင့်ဆေးစဉ်တွင် သေချာဆေးရပါမည်။

နို့သယ်သည့်ပုံးများကို အောက်ပါအတိုင်း ကလိုရင်းရေဖြင့် ပိုးသတ်ဆေးကြောနိုင်ပါသည်။
၁။နို့သယ်သည့်ပုံးကို ကလိုရင်းကန်ထဲတွင် တစ်မိနစ်စိမ်ပါ။
၂။ ထိုသို့စိမ်ရာတွင် ပုံး၏အစိတ်အပိုင်းအားလုံးနစ်မြုပ်နေရပါမည်။
၃။ ထို့နောက်ပုံးကိုရေစစ်ပါ။
၄။ ပုံးကိုအခြောက်ခံခြင်း
ကလိုရင်းရေဖြင့်ဆေးပြီးလျှင် ရေစစ်ပြီးနောက် ပုံးကို စင်ပေါ်တွင်မှောက်၍ အခြောက်ခံပါ။
ပုံးခြောက်သွေ့ပါက အဖုံးဖြင့်ပိတ်ထားပါ။
ထိုသို့နို့သယ်သည့်ပုံး ခြောက်သွေ့သန့်ရှင်းခြင်းဖြင့် ဘက်တီးရီးယားပိုးများပေါက်ပွားခြင်းကို တားဆီးနိုင် မည်ဖြစ်သည်။

နို့သယ်သည့်ပုံး၏ အတွင်းမျက်နှာပြင် ခြောက်သွေ့ခြင်းသည် နို့အရည်အသွေးကို ကောင်းမွန်စေသည်။

မူရင်း - မြန်မာ-နယူးဇီလန် ကောင်းမွန်သော နို့စားနွား မွေးမြူခြင်း စီမံကိန်း


S&Z International Co., Ltd ကြော်ငြာ
မြေကောင်း အမြစ်သန် ပင်သီးပွင့်ဝေ "ဟူးမစ်ကေ" See More စိုက်ပျိုးမြေတွေက တစ်နှစ်ထက်တစ်နှစ် အဆီအနှစ်တွေခမ်း‌ ခြောက်လာနေလို့ စိတ်ညစ်နေကြပြီလား.. ? မြေဩဇာတွေ ပေါပေါမသုံးနိုင်တော့ အထွက်တွေ မတက်လို့ ခက်နေပြီလား.. ? အဲ့ဒါတွေအားလုံးကို "ဟူးမစ် ကေ" ကို သုံးပေးလိုက်ရုံနဲ့ ဖြေရှင်းနိုင်ပါတယ် ခင်ဗျာ .. "ဟူးမစ်-ကေ"မှာ "ဟူးမစ်အက်စစ်- ၇၀ % ၊ ဖူးဗစ်အက်စစ် -၆-၁၅ % နဲ့ ပိုတက်ဆီယမ် -၁၀-၁၅%" ပါဝင်ပါတယ်..။ အဲ့ဒါတွေက ဘာတွေကောင်းစေတာလဲဆိုတော့… အဲ့ဒီဓာတ်တွေက နှစ်စဉ်ဆုံးရှုံးသွားတဲ့ မြေဆီမြေနှစ်တွေကို ပြန်လည်အားဖြည့်ပေးပြီး မြေဩဇာကို ရေရှည် အကျိုးပြု ထက်သန်စေတာပါပဲ.. မြေကိုဘယ်လိုအားဖြည့်ပေးတာလဲဆိုတော့ "ဟူးမစ်-ကေ" ကို ထည့်ပေးလိုက်တာနဲ့.. မြေသားဖွဲ့စည်းမှုကို ထိန်းညှိကောင်းမွန်စေတာ၊ မြေစေးတာ ဖွယ်တာတွေကို ထိန်းညှိပေးတာ၊ မြေဆီလွှာ အတွင်းက အကျိုးပြုအဏုဇီဝပိုးတွေကို ပွားများရှင်သန်စေတာ၊ မြေဆီလွှာအတွင်း အာဟာရဓာတ်တွေရဲ့ ဖလှယ်နိုင်မှုကို တိုးတက်ကောင်းမွန်စေတာ မြေချဉ်ငံဓါတ်ကိုလဲထိန်းညှိမျှတစေတာ နဲ့မြေဆီလွှာအတွင်း လေဝင်လေထွက် မျှတစေပြီး အစိုဓာတ်ထိန်းသိမ်းမှုကို မျှတစေတာ စတဲ့အကျိုးကျေးဇူးတွေ အများကြီး ရစေတာမို့ပါပဲ... သူ့ချည်းသာလော.. ဆိုရင်တော့ ပိုသေးသဗျ .. သီးနှံပင်တွေကို အမြစ်အားကောင်းစေပြီး အပင်သန်မာကြီးထွားစေ အထွက်နှုန်းတိုးစေတာလေးပါ အဆစ်ပါသေးဆိုတော့.. ကဲ..တောင်သူဦးကြီးတို့ရဲ့ ပျက်စီးနေတဲ့မြေဆီလွှာတွေကို "ဟူးမစ်-ကေ" နဲ့ အထူးဖြစ်နေအောင် ပြုပြင်လိုက်ကြ ပါစို့ဗျာ.. "ဟူးမစ်-ကေ" ကို သူ့ချည်းသက်သက်မသုံးဘဲ ပုလဲ၊ တီစူပါ၊ ပိုတက်အပြင် တခြား ကွန်ပေါင်းဓာတ်မြေဩဇာတွေနဲ့ လူးနယ်ကြဲပက်အသုံးပြုမယ်ဆိုရင်လည်း ဓါမြေဩဇာများအားလေလွင့်ဆုံးရှုံးမှုမှ ကာကွယ်ပေးပြီး ပိုမိုထူးခြားကောင်းမွန်တဲ့ အကျိုးအာနိသင်ကို ရရှိစေနိုင်မှာဖြစ်ပါတယ်ဗျာ..။ ဪ တစ်ခုကျန်သေးသဗျ ရေပျော်စွမ်းအား ၉၉.၉ % ရှိပြီး ရွက်ဖျန်းအားဆေး များဖြင့်လည်းရာစပ်ပက်ဖျန်း ပင်သီးပွင့် ဝေ စေဖို့ အသုံးပြုနိုင် ပါတယ် ခင်ဗျာ။ အသေးစိတ်သိရှိလိုပါက ဆက်သွယ်ရန်- S & Z International Co.,ltd အမှတ်(၁၆)၊ပျဥ်းကတိုးလမ်း၊(၃၄) ရပ်ကွက်၊ဒဂုံမြို့သစ်မြောက်ပိုင်း၊ရန်ကုန် Ph No-09797944994
Read more S&Z facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်