“ မိုးရာသီတွင် အဖြစ်များသော ကြက်ဝမ်းကျရောဂါကို ကာကွယ်ကုသနည်း”

ကြက်ဝမ်းကျရောဂါ(Fowl Cholera)မှာ အချိန်အခါမရွေး ဖြစ်ပွားတတ်သော ရောဂါတစ်မျိုးဖြစ်ပြီး မိုးရာသီအကူး၌ အဖြစ်များပါသည်။ အသေအပျောက်များ၍ ကူးစက်မှု လျင်မြန်သောကြောင့် ခြံလုံးကျွတ်သေစေနိုင်သော ကြောက်မက်ဖွယ်ရောဂါတစ်မျိုး ဖြစ်ပါသည်။

ရောဂါဖြစ်ပွားရသည့် အကြောင်းရင်းများမှာ-

- အဓိကအားဖြင့် ကြက်ဝမ်းကျရောဂါကို ဖြစ်စေတတ်သော ရောဂါပိုးများကို ရှူရှိုက်မိ၍ ဖြစ်တတ်ပါသည်။

- ရာသီဥတု အပြောင်းအလဲများ၊ အစားအသောက်အပြောင်းအလဲများနှင့် ကြက်များအားနည်းလာသောအခါတွင်လည်း ရောဂါဖြစ်ပွားတတ်ပါသည်။

ရောဂါလက္ခဏာများအနေဖြင့်-

- ခေါင်းငိုက်စိုက်ကျ၍ အပူချိန်တက်ပြီး အမောက်နှင့် ပါးပြင်များမှာ အညိုရောင်ဖြစ်နေတတ်ပါသည်။

- ရောဂါပိုးသည် ခြေထောက်နှင့် တောင်ပံကြွက်သားများကို တိုက်ခိုက်ခြင်းကြောင့် ခြေထောက်များမှာ ယောင်ရမ်း၍ သန်စွမ်းမှု မရှိတော့ပါ။

- အစာစားစဥ် အတောင်ခါ၍သော်လည်းကောင်း၊ အိပ်တန်းဝင်ချိန်တွင် အိပ်စင်ပေါ်မှ ပြုတ်ကျ၍သော်လည်းကောင်း သေတတ်ပါသည်။

-မသေမီ ဝမ်းပျော့ပျော့သွားတတ်၍ ဝမ်းမှာအစိမ်းရောင်ရှိတတ်ပြီး အနံ့မှာ အလွန်ဆိုးဝါးလှပါသည်။

- သေနှုန်းမြန်မှုသည် ရောဂါဖြစ်ပွားမှုပေါ်မူတည်ပါသည်။ များသောအားဖြင့်(၂-၃)ရက်အတွင်း ကြက်များသေကြေတတ်ပါသည်။

ရောဂါကူးစက်ပုံ

ရောဂါရှိသောကြက်နှင့် အခြားကြက်တို့ ထိတွေ့ခြင်းအားဖြင့်သော်လည်းကောင်း၊ ခြံလုပ်သားများ မကြာခဏ ကြက်ခြံသို့ ဝင်ထွက်သွားလာမှုကြောင့်လည်းကောင်း၊ ရောဂါ ရှိကြက်၏ မစင်၊ ရေနှင့် အစာထိတွေ့မှုကြောင့်လည်းကောင်း ရောဂါပိုးများမှာ တစ်နေရာမှ အခြားတစ်နေရာသို့ ကူးစက်ပြန့်ပွားသွားနိုင်ပါသည်။သို့သော် လူသို့ကူးစက်ခြင်း မရှိဘဲ ကြက်အချင်းချင်းသာ ကူးစက်နိုင်ပါသည်။

ကာကွယ်မှုအနေဖြင့်-

- ကြက်ခြံသန့်ရှင်းရေးနှင့် ရောဂါပိုးမွှားနှိမ်နင်းရေးသည် အဓိကဖြစ်ပါသည်။ အမြဲသန့်ရှင်းမှုရှိခြင်းနှင့် ပိုးသတ်နေခြင်းဖြင့် ရောဂါဖြစ်ပွားမှုကို ကာကွယ်နိုင်ပါသည်။

- ရောဂါဖြစ်ပွားနေသည့် ကြက်များကို သီးခြားစီ ခွဲထားရမှာဖြစ်ပြီး သေဆုံးသွားသောကြက်များကိုလည်း မြေမြှုပ်ပေးရပါမည်။

- ကြက်ခြံရှိ သောက်ရေခွက်၊ အစာခွက်တို့ကို ပိုးသတ်ဆေးဖြင့် သန့်စင်ရန် လိုအပ်ပါသည်။

- ကြက်ခြံသန့်ရှင်းရေး အလေးထားဆောင်ရွက်ရေး၊ အချိန်မှန် ပိုးသတ်ပေးရေးနှင့် ကြိုတင်ကာကွယ်ဆေးများထိုးနှံပေးခြင်းဖြင့် ရောဂါဖြစ်ပွားမှုကို ကောင်းစွာကာကွယ်နိုင်ပါသည်။

ကုသနည်းမှာ-

၁။ အေဗွီတော့စ်(Aviots) ဆာလ်ဖာမီသာဇင်း ၃၃.၃% ဆေးရည်(Sulfamethazine 33.3% Solution)ဆေးကို သောက်ရေ ၁ ဂါလံ အတွက် ဆေးလက်ဖက်ရည်ဇွန်းကြီး ၁ ဇွန်းခန့် ( ၁၂ စီစီ) ဖျော်ထည့်ပြီး ၃ ရက်တိုက်၊ ၂ရက်နားစနစ်ဖြင့် တိုက်ကျွေးနိုင်ပါသည်။

၂။ ဆာလ်ဖာဒိုင်မီသော်ဆင်း(Sulfadimethoxine) ဆေးကိုလည်း ကြက်သောက်ရေတွင် ၅%ကျော်ထည့်ပြီး ၂ ရက်၊ ၃ ရက် တိုက်ကျွေးပါက ကြက်ဝမ်းကျရောဂါကို သက်သာပျောက်ကင်းစေပါသည်။

၃။ ကြက်ဝမ်းကျရောဂါနှင့် သွေးဝမ်းတို့ကိုကုသရာမှာ အေဗီချိုင်းနားဆေးမှုန့် (Aviochina Powder) ကလည်း အစွမ်းထက်လှပါသည်။ ကြက်များ သွေးဝမ်း မဖြစ်အောင်၊ ဝမ်းကျရောဂါ မဖြစ်အောင် ကာကွယ်သည့်အနေဖြင့် ဆေး ၁ ထုပ်ကို ငှက်ပျောဖူးပုလင်းအလုံး ၃၀ ဖြင့် ထည့်ဖျော်ပြီး ရက်ပေါင်း ၆၀ နီးပါး တိုက်ကျွေးနိုင်ပါသည်။

၄။ မွေးမြူရေးသမားအချို့ကတော့ ကြက်ဝမ်းကျရောဂါအတွက် ထရစ်ပယ်ဆာလ်ဖာ(Triple Sulfa)ကို ကြက်စာ ၃ ပိဿာတွင် ဆေး ၁၆ ပြားထည့်ပြီး ၃ ရက်မှ ၅ရက်ထိတိုက်ကျွေးကြပါသည်။

၅။ ထို့ပြင် အက်စ်ကြူ ၂၅(S.Q 25) ကလည်း ကြက်ဝမ်းကျရောဂါကို ကုသနိုင်တဲ့ ဆေးတစ်မျိုးဖြစ်သည်။ ရေ ၂ဂါလံခွဲမှာ ဆေးအနေနဲ့ လက်ဖက်ရည်ဇွန်း ၁ဇွန်းထည့်ဖျော်ပြီး ၃ ရက်တိုက်၊ ၃ ရက်နားစနစ်ဖြင့် ကုသပါ။ ဝမ်းကျရောဂါဖြစ်နေတဲ့ ကြက်များကိုလည်း အခြားကြက်များနှင့် ရောမထားဘဲ သီးသန့်ခွဲထားရပါမည်။

ဆောင်ပါးများ/သတင်းများပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...