ကယန်းတိုင်းရင်းသားကျေးရွာများဖြစ်သော ကောင်ထူ၊ ကောင်ဝှပ်ကျေးရွာများ၏ စိုက်ပျိုးထုတ်လုပ်မှုအပေါ် covid ရိုက်ခတ်မှု

     ရှမ်း-ကယားနယ်စပ်မြို့ဟုဆိုသော ဖယ်ခုံမြို့နယ်တွင်းရှိ ပင်လယ်ရေမျက်နှာပြင်အထက် ပေ ၄၀၀၀ကျော် မြင့်သော ကယန်းတိုင်းရင်းသားကျေးရွာများဖြစ်သော ကောင်ထူ၊ကောင်ဝှပ်ကျေးရွာများမှ သြပဲနစ်နည်းစနစ်ဖြင့် စိုက်ပျိုးလုပ်ကိုင်နေသော လူငယ်တောင်သူတစ်စု၏ စိုက်ပျိုးထွက်ကုန်များမှာ covid ရိုက်ခတ်မှုကြောင့် တင်ပို့ရောင်းချရာ၌ အခက်အခဲများကြုံခဲ့၍ ဆုံးရှုံးနစ်နာမှုများ ရှိခဲ့သည်။ 

အခု ကိုးဗစ်ရောဂါ ဖြစ်လည်းက စိုက်ပျိုးရေးလုပ်ရတာ သိပ်အဆင်မပြေတော့ဘူး။ ကိုယ်တိုင်စားဖို့တော့ လုံလောက်တာပေါ့ ရောင်းဖို့ကျတော့ အဆင်မပြေဘူး ကိုးဗစ်နဲ့ ။ ကိုးဗစ်လုပ်လိုက်လို့ အရင်တစ်ခေါက်လည်း ပို့ရမယ့် အသီးအရွက်တွေ မပို့ရတော့ အမျိုးထားလိုက်ရတယ်။ နောက်ဆုံးတစ်ခေါက်ကပို့ဖို့ လုပ်ထားတဲ့အထဲမှာ ပျားရည်လည်းပါတယ်။

ဟု ကောင်ဝှပ်ကျေးရွာမှ သြဂဲနစ်အသိအမှတ်ပြုလက်မှတ်ရ လူငယ်တောင်သူတစ်ဦးဖြစ်သော ကိုလင်းဦး မွ ပြောသည်။ 

     သြဂဲနစ်သီးနှံများ၏ ဈေးကွက်ပြဿနာမှာ ခုထက်ထိ ကြုံနေဆဲအချိန်တွင် covid ရိုက်ခတ်မှုကြောင့် ပိုမို ကျပ်တည်းခဲ့ကြသည်။ 

ကျွန်တော်တို့ အသီးအရွက်တွေကို ရန်ကုန်ပို့တာများတယ်။  စလုပ်လည်းက သူတို့စားသုံးသူတွေကိုယ်တိုင်လာပြီး ကြည့်သေးတာ။ ကျွန်တော်တို့လည်း သြဂဲနစ်အသိအမှတ်ပြု လက်မှတ်ရထားတော့ ရန်ကုန် သြဂဲနစ်ဈေးကွက်ကို ချိတ်ပြီး ပို့တာများတယ်။အများကြီးတော့ မဟုတ်ပါဘူးဗျာ၊ တစ်ပိုင်တစ်နိုင်စာပါပဲ။ဒါမဲ့ ခု ကိုးဗစ် ဖြစ်တော့ ရန်ကုန်ကစားသောက်ဆိုင်တွေလည်း ပိတ်ထားကြတယ် ပြောတယ်။ အဲ့တော့ ကျွန်တော်တို့ဘက်က ပုံမှန်ပို့နေကြ အသီးအရွက်တွေ မပို့ရတော့ဘူး။ ဒီက လွိုင်ကော်မြို့ပေါ်နဲ့  ဖယ်ခုံမြို့ပေါ်ပဲ နည်းနည်းပို့ရတော့တာ။ဒါတောင် ဟိုတလောက မြိုကိုပိတ်ထားတော့ ပို့မရဘူးလေ။ ခုတစ်ခေါက် ပို့လိုက်ရပေမဲ့ နောက်ထပ်ဘယ်ချိန်ပိတ်ပစ်မလဲ စိုးရိမ်နေရတာ။ အသီးအရွက်ဆိုတော့လည်း သိမ်းထားလို့မရဘူး။ကုန်သလောက်စားပြီး ကျန်တာတွေက ဆုံးရှုံးလိုက်ရတာ

ဟု လူငယ်တောင်သူ ကိုလင်းဦးမှ ဆက်ပြောသည်။ 

     လမ်းပန်းဆက်သွယ်ရေးအလွန်ခက်ခဲသော နေရာဒေသမှ ကယန်းလူမျိုး လူငယ်တောင်သူတစ်စုမှာ ၎င်းတို့၏ သီးနှံများကို ယုံကြည်စွာမှာယူစားသုံးနေသော ဈေးကွက်တစ်ခုမှလူတစ်စုကို အားကိုး၍ စိုက်ပျိုးထုတ်လုပ်မှုများ လုပ်ကိုင်နေရချိန်တွင် ယခုကဲ့သို့ covid ရိုက်ခတ်မှုများကြောင့် အခက်အခဲများကြုံနေရ၍ ဆုံးရှုံးနစ်နာကြရသည်။

သိင်္ဂီလှိုင်

(B.Agr.Sc)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကိုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်