မျက်လုံးကွယ်သည်အထိဖြစ်နိုင်သော နွားမျက်လုံးသန်ကောင်ရောဂါ

နွား၊ မြင်းတို့၏ မျက်လုံးအမြှေးပါးအိတ်(သို့) တတိယမျက်ခွံ၊ မျက်ရည်ပြွန်တို့တွင် အရွယ်ရောက်သန်ကောင်များကို တွေ့ရတတ်ပါသည်။

ရောဂါကူးစက်ပုံ

မျက်လုံးသန်ကောင်ကို ယင်ကောင်များမှတဆင့်သယ်ဆောင်ပေးပြီး နွားတစ်ကောင်နှင့်တစ်ကောင် ကူးစက်စေပါသည်။ ထို့ကြောင့် နွား၏မျက်လုံးတစ်ဝိုက် အထူးသဖြင့် မျက်ရည်ကိုစုပ်ယူသောယင်ကောင်များ ပေါများချိန်တွင် ဖြစ်ပွားနှုန်းပိုများနိုင်ပါသည်။

ရောဂါလက္ခများ

မျက်လုံးသန်ကောင်ရှိနေလျှင် တွေ့ရသောလက္ခဏာများမှာ -

မျက်ရည်ကျခြင်း၊
မျက်ကြည်လွှာရောင်ခြင်း၊
မျက်လုံးတစ်ဝိုက်ရှိအရေပြား ရောင်ရမ်းခြင်း၊
အလင်းစူးရှမှုကို ကြည့်ရန်ကြောက်ခြင်း၊
အချိန်ကြာလာပါက မျက်လုံးအတွင်း အနာဖြစ်လာနိုင်ပြီး မျက်လုံးကွယ်သည်အထိ ဖြစ်နိုင်သည်။
မျက်လုံးသန်ကောင်ကြောင့် မျက်လုံးအတွင်းအနာဖြစ်ပြီး အခြားဘက်တီးရီးယားပိုးများ ဝင်ရောက်လာနိုင်ပြီး pinky eye ဖြစ်လာနိုင်ချေ များလာပါမည်။

ကုသခြင်း

(၁) မျက်လုံးအတွင်း သန်ကောင်များရွေ့လျားပြီး နွားကိုနေရခက်နေစေပါက ထုံဆေးပေး၍ Normal Saline ဖြင့်ဆေး၍(သို့မဟုတ်)Forcep သုံးပြီး မျက်လုံးတွင်းမှသန်ကောင်ကို ဖယ်ရှားခြင်းများ ပြုလုပ်သင့်ပါသည်။
(၂) သန်ချဆေးပေးရမည်။
(၃) နောက်ဆက်တွဲ ဘက်တီးရီးယားဝင်ရောက်ပါက ပိုးသတ်ဆေးနှင့် အရောင်ကျဆေးပါသော မျက်စဉ်းခတ်ခြင်းနှင့် လိုအပ်သောဆေးဝါးများလည်းပေးရန် လိုအပ်ပါသည်။

ကြိုတင်ကာကွယ်ခြင်း

(၁) နွားများကို ငယ်ရွယ်စဉ် ၂ ပတ်သားမှစ၍ တစ်လတစ်ကြိမ် သန်ချဆေးပုံမှန်တိုက်ကျွေး၍ သန်ချပေးရမည်။
(၂) အသက် ၆ လနောက်ပိုင်းတွင်လည်း သန်ချဆေးထိုးခြင်း၊ တိုက်ကျွေးခြင်းများ ပြုလုပ်ရပါမည်။
(၃) ပတ်ဝန်းကျင်တွင် ယင်ကောင်ပေါက်ဖွားမှုနည်းအောင် စီမံပြီး ခြံ၏သန့်ရှင်းရေးကိုလည်း အလေးထားဆောင်ရွက်သင့်ပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟု ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...