တစ်ရက်ခွဲခန့်အတွင်း ပြည်တွင်းတွင် ငလျင် ၅ ကြိမ်လှုပ်

ဒီဇင်ဘာ ၁၅ ရက်မနက် ၃ နာရီကျော်ကနေ ဒီနေ့ ဒီဇင်ဘာ ၁၆ ရက် မွန်းလွဲ ၂ နာရီကျော်ထိ ၁ ရက်ခွဲ ခန့်အတွင်း ပြည်တွင်းမှာ ငလျင် ၅ ကြိမ်လှုပ်ခဲ့ပြီး ၄ ကြိမ်ကတော့ မန္တလေးမြို့အနီးဝန်းကျင်တွေကို ဗဟိုပြုလှုပ်ခတ်ခဲ့တာဖြစ်တယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာနရဲ့ သတင်းထုတ်ပြန်ချက် အရ သိရပါတယ်။

ဒီဇင်ဘာလ (၁၅) ရက်နေ့ မြန်မာစံတော်ချိန် မနက် ၃ နာရီ၊ (၁၆)မိနစ်၊ (၃၅)စက္ကန့် အချိန်တွင် မန္တလေးမြေငလျင်စခန်းမှ တောင်-အနောက်တောင်ဘက် (၁၅)မိုင် ခန့်အကွာ၊ မြန်မာနိုင်ငံ ပြည်တွင်း (တံတားဦးမြို့၏ အရှေ့ဘက် (၄)မိုင်ခန့်အကွာ)၊ မြောက်လတ္တီတွဒ် (၂၁.၈၁) ဒီဂရီ၊ အရှေ့ လောင်ဂျီတွဒ် (၉၆.၀၃) ဒီဂရီ၊ အနက် (၆၃)ကီလိုမီတာကို ဗဟိုပြု၍ အင်အားရစ်(ခ်)တာစကေး (၅.၂) အဆင့်ရှိ အင်အားအသင့်အတင့်ရှိသော မြေငလျင်တစ်ခု စတင်လှုပ်ခဲ့ပြီး ယခုလှုပ်ခဲ့သမျှ ၅ ကြိမ်ထဲ အမြင့်ဆုံး ဖြစ်ပါတယ်။ 

ဒုတိယတစ်ကြိမ်ကတော့ ဒီဇင်ဘာလ (၁၅)ရက်နေ့မှာပဲ ထပ်လှုပ်ခဲ့တာဖြစ်ပြီး မြန်မာစံတော်ချိန်  ည ၁၁ နာရီ၊ (၄၃)မိနစ်အချိန်တွင် တမူးမြေငလျင်စခန်းမှ အရှေ့ဘက် (၆၅)မိုင်ခန့်ကွာဝေးသော မြန်မာနိုင်ငံ ပြည်တွင်း (ပင်လည်ဘူးမြို့၏ မြောက်-အနောက်မြောက်ဘက် (၉)မိုင်ခန့်အကွာ)၊ မြောက်လတ္တီတွဒ် (၂၄.၂၀) ဒီဂရီ၊ အရှေ့လောင်ဂျီတွဒ် (၉၅.၃၃)ဒီဂရီ၊ အနက် (၁၀)ကီလိုမီတာကို ဗဟိုပြု၍ အင်အား ရစ်(ခ်)တာစကေး (၄.၂)အဆင့်ရှိ အင်အားအနည်းငယ်ရှိသော မြေငလျင်တစ်ခု လှုပ်ရှားသွားတာဖြစ်တယ်လို့ သိရပါတယ်။

ကျန်တဲ့ ၃ ခုလုံးကတော့ ဒီနေ့မနက်ကစလို့ လှုပ်ရှားသွားတာဖြစ်ပြီး အားလုံးဟာ မန္တလေးအနီးဝန်းကျင်တွေ မှာပဲ လှုပ်သွားခဲ့တာပါ။

ဒီနေ့ မြန်မာစံတော်ချိန်  မနက် ၆ နာရီ၊ (၄၅)မိနစ်၊ (၂၁)စက္ကန့် အချိန်တွင် မန္တလေး မြေငလျင်စခန်းမှ တောင်ဘက် (၉)မိုင်ခန့်ကွာဝေးသော မြန်မာနိုင်ငံပြည်တွင်း (ပြည်ကြီးတံခွန်မြို့၏ အရှေ့ တောင်ဘက် (၂)မိုင်ခန့်အကွာ)၊ မြောက်လတ္တီတွဒ် (၂၁.၈၈) ဒီဂရီ၊ အရှေ့လောင်ဂျီတွဒ် (၉၆.၁၃)ဒီဂရီ၊ အနက် (၁၀)ကီလိုမီတာကို ဗဟိုပြု၍ အင်အား ရစ်(ခ်)တာစကေး (၃.၆)အဆင့်ရှိ အင်အားအနည်းငယ်ရှိ ငလျင်တစ်ခု၊ မြန်မာစံတော်ချိန် မွန်းလွဲ ၁ နာရီ၊ (၂၉)မိနစ်၊ (၁၃) စက္ကန့်အချိန်တွင် မန္တလေးမြေငလျင်စခန်းမှ တောင်ဘက် (၁၁)မိုင် ခန့်ကွာဝေးသော မြန်မာနိုင်ငံ ပြည်တွင်း (မြစ်ငယ်မြို့၏ အရှေ့ဘက် (၃)မိုင် ခန့်အကွာ) မြောက်လတ္တီတွဒ် (၂၁.၈၅)ဒီဂရီ၊ အရှေ့လောင်ဂျီတွဒ် (၉၆.၁၂)ဒီဂရီ၊ အနက် (၃)ကီလိုမီတာကို ဗဟိုပြု၍ အင်အားရစ်(ခ်)တာ စကေး (၃.၃) အဆင့်ရှိ အင်အားအနည်းငယ်ရှိသော မြေငလျင်တစ်ခုနဲ့ မြန်မာစံတော်ချိန် မွန်းလွဲ ၂ နာရီ၊ (၂၈)မိနစ်၊ (၃၁) စက္ကန့်အချိန်တွင် မန္တလေးမြေငလျင်စခန်းမှ အနောက် တောင်ဘက် (၁၁)မိုင် ခန့်ကွာဝေးသော မြန်မာနိုင်ငံပြည်တွင်း (အမရပူရမြို့၏ အနောက်တောင်ဘက် (၃)မိုင် ခန့်အကွာ) မြောက်လတ္တီတွဒ် (၂၁.၈၈)ဒီဂရီ၊ အရှေ့လောင်ဂျီတွဒ် (၉၆.၀၃)ဒီဂရီ၊ အနက် (၉)ကီလိုမီတာကို ဗဟိုပြု၍ အင်အားရစ်(ခ်)တာစကေး (၄.၇) အဆင့်ရှိ အင်အားအနည်းငယ်ရှိသော မြေငလျင်တစ်ခု စသဖြင့် ငလျင် ၃ ခုလှုပ်သွားခဲ့တာဖြစ်တယ်လို့ သိရပါတယ်။

ဒီငလျင်လှုပ်ခတ်မှုတွေအတွင်း သာသနိကအဆောက်အဦတစ်ချို့အပါအဝင် ပျက်စီးမှုအချို့ရှိခဲ့တယ်လို့ သတင်းတွေအရ သိရပါတယ်။

မြေငလျင်ငယ်များ များများလှုပ်လေ အင်အားပြင်းထန်တဲ့မြေငလျင်ကြီးတွေလှုပ်ဖို့ အလားအလာ နည်းပါးလေဖြစ်တာကို တွေ့ရတယ်လို့ မိုးလေဝသပညာရှင်ဦးထွန်းလွင်က ပြောကြားထားဖူးပါတယ်။

Photos Crd_မိုးဇလ/U Tun Lwin

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more