သိုးငယ်၊ဆိတ်ငယ်လေးများတွင် အူရောင်၊ သွေးဝမ်းသွားခြင်းဖြစ်စေသည့် ရောဂါကို ကာကွယ်ကုသနည်း

13/06/2022 14:10 PM တွင် ဦးဇော်(dof) ဦးဇော်(dof) မှ ရေးသား

အူရောင်ရမ်းခြင်း၊ သွေးဝမ်းသွားခြင်းတွေ ဖြစ်စေတဲ့ Enterotoxemia ရောဂါဖြစ်ပွားပါက သိုးငယ်၊ ဆိတ်ငယ်လေးများ အလျင်အမြန်သေဆုံးတတ်သဖြင့် ကြိုတင်ကာကွယ်ခြင်းများ ပြုလုပ်ရပါမည်။ 

Enterotoxemia ရောဂါသည် Clostridium Perfringens ဟုခေါ်သော ဘက်တီးရီးယားပိုးကြောင့်ဖြစ်ပွားပြီး နို့စို့အရွယ်သိုးငယ်၊ ဆိတ်ငယ်လေးများတွင် အဖြစ်များပါသည်။ ပုံမှန်အားဖြင့် ယင်းဘက်တီးရီးယားပိုးသည် အူအတွင်း ဘေးဒုက္ခ မပေးနိုင်သော ပမာဏအနည်းငယ်သာ ရှိနေတတ်ပါသည်။

သိုးငယ်၊ ဆိတ်ငယ်လေးများသည် အာဟာရပမာဏ အမြောက်အများ ရရှိသည့်အခါ (များသောအားဖြင့်တစ်ကောင်တည်းပေါက်သော သိုးငယ်၊ဆိတ်ငယ်လေးများတွင်) သို့မဟုတ် အစာအမျိုးအစားတစ်ခုတည်း ကျွေးနေရာမှ အခြားတစ်ခုသို့ ရုတ်တရက်ပြောင်းလဲလိုက်သည့်အခါ အူ၏ရွေ့လျားမှုမှာ နှေးသွားပြီး ရောဂါပိုးများအလျင်အမြန်ပွားများလာပါသည်။

ရောဂါလက္ခဏာများ အနေဖြင့်-

- သွေးဝမ်းများသွားခြင်း၊

- တခါတရံ သွေးဝမ်းမသွားမီ သိုးငယ်၊ဆိတ်ငယ်လေးများ သေဆုံးတတ်ပါသည်။

- များသောအားဖြင့် သိုးငယ်၊ဆိတ်ငယ်လေးများမှာ မသေဆုံးမီ ဖျားနာသောလက္ခဏာ လုံးဝတွေ့ရလေ့မရှိဘဲ သေဆုံးတတ်ပါသည်။ 

- သေဆုံးသည့်အခါ တောင့်နေသည့်ပုံစံမှာ မေးခိုင်ရောဂါကြောင့် သေဆုံးသည့်ပုံစံနှင့် ဆင်တူပါသည်။

အသေကောင်အား ခွဲစိတ်တွေ့ရှိမှု အနေဖြင့်-

- အူသိမ်နှင့် အူမကြီးတလျှောက် အူနံရံနှင့် ကျောက်ကပ်များတွင် သွေးယိုစိမ့်မှုများ ဖြစ်ပေါ်နေသည်ကို တွေ့ရပါမည်။

- အူထဲရှိ အစာဟောင်းများမှာ အရည်များဖြစ်နေတတ်ပါသည်။

ရောဂါအား စစ်ဆေးပါက-

- ရောဂါလက္ခဏာများနှင့် အသေကောင်အားခွဲစိတ်စစ်ဆေးမှုများဖြင့် ရောဂါအားရှာဖွေဖော်ထုတ်နိုင်မည် ဖြစ်ပါသည်။

တိရစ္ဆာန် သေဆုံးပြီးနောက် အူအတွင်းရှိအစာဟောင်းများတွင် Clostridium ဘက်တီးရီးယားပိုး ပါဝင်မှုနှင့် ၄င်းကထုတ်လုပ်သော အဆိပ်ပါဝင်မှုတို့အား ဓာတ်ခွဲခန်းတွင်စမ်းသပ်နိုင်မည်ဖြစ်ပါသည်။ 

ကာကွယ်ခြင်း အနေဖြင့်-

- ကာကွယ်ဆေးထိုးနှံခြင်းနှင့် တစ်ကောင်တည်းမွေးလာသော သိုး၊ ဆိတ်ငယ်လေးများနှင့် နို့ထွက်ကောင်းသောမိခင်မှ မွေးဖွားလာသော တိရစ္ဆာန်ငယ်လေးများအား အစာကျွေးမွေးရာတွင် ဂရုစိုက်ခြင်းတို့ဖြင့် ကာကွယ်နိုင်ပါသည်။ 

- မိခင်အား ကလေးမမွေးမီနှင့် ကလေးငယ်လေးများအား အသက် ၂ လသားတွင် ကာကွယ်ဆေး ထိုးနှံပေးရပါမည်။

ကုသခြင်းအနေဖြင့်-

- ဤရောဂါဖြစ်ပွားပါက သိုးငယ်၊ဆိတ်ငယ်လေးများ အလျင်အမြန် သေဆုံးတတ်သဖြင့် ကုသရန်အချိန် မမီတတ်ပါ။ ကာကွယ်ခြင်းသည် ကုသခြင်းထက် ပိုထိရောက်ပါသည်။

- အကယ်၍ အခြေအနေ သိပ်မဆိုးပဲ အချိန်မီသိရှိပါက ပဋိဇီဝဆေးများ ထိုးနှံခြင်းနှင့် အဆိပ်ဖြေဆေး(Antitoxin) ထိုးနှံခြင်းတို့ဖြင့် ကုသနိုင်ပါသည်။ 

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်