ငွေလဲနှုန်းဈေးကွက်နှင့် ပြည်ပပို့ကုန် ပဲမျိုးစုံဈေးကွက်အခြေအနေ

24/09/2022 09:00 AM တွင် အစိမ်းရောင်လမ်း အစိမ်းရောင်လမ်း မှ ရေးသား

ပြင်ပငွေလဲလှယ်နှုန်းဈေးကွက်အနေအထားအရ ငွေလဲနှုန်းတွေ ပြန်ကျသွားတဲ့အတွက် ပြီးခဲ့တဲ့ တစ်ပတ်အတွင်း ပြည်ပပို့ကုန်ပဲဈေးတွေ ပြန်လည်ကျဆင်းလာပါတယ်။ ဒီအနေအထားက ဘယ်လိုသက်ရောက်မှုရှိလဲ၊ ရှေ့အလားအလာ ဘယ်လိုရှိလဲဆိုတာကို ဖော်ပြပေးလိုက်ပါတယ်။

မတ်ပဲ

မတ်ပဲဈေးကတော့ တစ်တန်ကို သိန်း ၂၀ ကျော်အထိ ပြန်လည်မြင့်တက်ခဲ့ရာကနေ ဒီတစ်ပတ်မှာတော့ သိန်း ၂၀ အောက်ကို ဈေးပြန်ကျဆင်းသွားပါတယ်။ ငွေလဲလှယ်နှုန်းဈေး ကျဆင်းသွားတဲ့ အတွက် ကြောင့် ပဲဈေးလည်း ကျဆင်းသွားသလို ငွေဈေးတည်ငြိမ်မှု မရှိတဲ့အတွက် အရောင်းအဝယ်ကလည်း အေးပြီး ဈေးကျဆင်းသွားတာ ဖြစ်တယ်လို့ ကုန်သည်တွေက ဆိုပါတယ်။

အိန္ဒိယနိုင်ငံတွင်း ရာသီဥတုမမှန်မှုကြောင့် စိုက်ခင်းတွေ ပျက်စီးမှုတွေရှိနေပြီး ပဲအထွက်နှုန်းလျော့နည်းနိုင်ပြီး မတ်ပဲဈေးတွေ တက်မယ်လို့ အိန္ဒိယသတင်းတစ်ပုဒ်မှာ ဖော်ပြထားတဲ့အနေအထားကြောင့် ပြည်တွင်း မတ်ပဲဈေးနှုန်း တက်ဦးမယ်လို့ ကုန်သည်တွေကတော့ ခန့်မှန်းထားပြီး ငွေကြေးဈေးကြောင့်သာ မတ်ပဲဈေးက ကျဆင်းနေတာ ဖြစ်တယ်လို့ ဆိုပါတယ်။

ပဲစင်းငုံနီ

ပဲစင်းငုံနီကတော့  သိသိသာသာ ဈေးကျသွားတာမျိုး မရှိပါဘူး။ ငွေကြေးလဲလှယ်ဈေးနှုန်း ကျဆင်းပေမယ့် လက်ကျန်နည်းတဲ့အတွက် ဖြစ်တယ်လို့ သိရပါတယ်။ ဒါပေမဲ့ အရောင်းအဝယ်ကတော့ မရှိသလောက် နည်းတယ်လို့ သိရပါတယ်။

ပဲတီစိမ်း

ပဲတီစိမ်းကတော့ ရန်ကုန်ဈေးကွက်မှာ ဈေးငြိမ်နေပြီး နယ်ဈေးကွက်တွေမှာတော့ ဈေးက ကျဆင်းသွားပါတယ်။ တရုတ်တင်ပို့မှု ရှိနေပေမယ့် အဓိက ငွေကြေးဈေးကွက်တည်ငြိမ်မှု မရှိတဲ့အတွက် ဈေးက ကျဆင်းသွားတာ ဖြစ်ပါတယ်။ အရင်ကလောက် ဝယ်ယူမှု မသွက်တော့ပဲ စောင့်ကြည့် ဝယ်ယူမှုတွေ ရှိနေတယ်လို့လည်း သိရပါတယ်။ 

(စိုက်ပျိုးရေးဈေးကွက်သတင်းအေဂျင်စီ (AMIA) က ပေးပို့လာသည့် နေ့စဉ်ဈေးကွက်ဈေးနှုန်းများနှင့် တစ်ပတ်အတွင်း ဈေးကွက်သတင်းသုံးသပ်ချက်ကို အခြေခံ ဖော်ပြခြင်းဖြစ်ပါသည်။)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 


Natural Cure Co.,Ltd ကြော်ငြာ

ကျေးဇူးရှင်တောင်သူဦးကြီးများအားလုံးမင်္ဂလာပါရှင့် ခုမိတ်ဆက်ပေးချင်တာကတော့ အန်စီကွန်ပေါင်းဓာတ်မြေဩဇာလေးတွေဖြစ်ပါတယ် တောင်သူကြီးများအနေဖြင့် သီးပင်စားပင်စိုက်ပြီဆိုတာနဲ့ မြေဩဇာကျွေးလေ့ရှိကြတယ်မဟုတ်လား မြေဩဇာဆိုတာနဲ့ (NPK)အချိုးအစုံရှိတဲ့ အန်စီဓာတ်မြေဩဇာလေးတွေကို သတိရလိုက်ပါရှင့် အောက်မှာ အချိုးတစ်ခုချင်းစီအလိုက် ပုံလေးတွေနဲ့ အတူတူ ဖော်ပြပေးလိုက်ပါတယ်ရှင့် အသေးစိတ်သိလိုပါက 09958457742 ကို ဆက်သွယ်မေးမြန်းနိုင်ပါတယ်
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်