ဆိတ်ငယ်ကလေးများတွင် အဖြစ်များသော ပါးသက်နာရောဂါကို ကာကွယ်ကုသနည်း

17/10/2022 17:00 PM တွင် ဦးဇော်(dof) ဦးဇော်(dof) မှ ရေးသား

ဆိတ်ငယ်ကလေးများတွင်အဖြစ်များသော ရောဂါတစ်ခု ဖြစ်သော ပါးသက်နာ(Contagious Ecthyma)ရောဂါမှာ ဗိုင်းရပ်စ်ပိုးကြောင့် ဖြစ်ပွားသည်။ အစပိုင်းတွင် ဆိတ်ငယ်၏ နှုတ်ခမ်း၊ နှာခေါင်းတို့တွင် အရည်ကြည်ဖုများ စတင်ဖြစ်ပေါ်လာပြီး အရည်ကြည်ဖုပေါက်သွားကာ အနာအဖြစ် တွေ့ရတတ်ပါသည်။ ဤရောဂါပိုးသည် ဆိတ်ငယ်၏ ကိုယ်ခံအားစနစ်ကို ကောင်းစွာလှုံ့ဆော်နိုင်ပါသည်။

ရောဂါဖြစ်စေသည့် အကြောင်းအရင်းများမှာ-

  • ခံနိုင်ရည်အလွန်ရှိပြီး ခြံတွင်ကာလကြာရှည်စွာနေနိုင်သော ဗိုင်းရပ်စ်ပိုးတစ်မျိုးကြောင့် ဖြစ်ပွားရပါသည်။
  • ရောဂါ ၁ ကြိမ်ဖြစ်ပွားပြီးပါက ဗိုင်းရပ်စ်ပိုးသည် ခြံတွင်အမြဲတမ်း ရှိနေမည် ဖြစ်ပါသည်။

ရောဂါလက္ခဏာများမှာ-

  • ဆိတ်ငယ်ကလေးများ၏ ပါးစပ်တွင် အနာဖြစ်နေခြင်းကို တွေ့ရပါမည်။
  • ခွာနာလျှာနာရောဂါနှင့် မှားနိုင်သော်လည်း ပါးသက်နာမှာ ဆိတ်ငယ်လေးများ(အထူးသဖြင့် နို့စို့အရွယ်ဆိတ်ငယ်ကလေးများ)တွင်သာ တွေ့ရတတ်ပြီး ပါးစပ်တွင်သာ ဒဏ်ရာအများဆုံး တွေ့ရပါသည်။
  • ခွာတွင် ဒဏ်ရာများကို တွေ့ရလေ့ မရှိပါ။ 

ရောဂါကူးစက်ပုံမှာ-

  • ဗိုင်းရပ်စ်ပိုးများကို ဆိတ်ငယ်ကလေးများက စားမိရာမှ စတင်ကူးစက်ပြီး ပါးစပ်တွင်ပြည်ဖုများ စတင်ဖြစ်ပေါ် လာစေပါသည်။
  • ပြည်ဖုများသည် ပေါက်သွားပြီး အနာဖေးအဖြစ် (၁-၂) ပတ်ခန့် ကျန်ရှိနေနိုင်ပါသည်။
  • အနာဖေးဖတ်များ မြေကြီးပေါ်သို့ ကျသွားသည့်အခါ ဗိုင်းရပ်စ်များပါသွားပြီး ၎င်းတို့သည် မြေကြီးပေါ်တွင် နှစ်ပေါက်အောင် ရှင်သန်နေနိုင်ကြပါသည်။
  • ဆိတ်ငယ်ကလေးက နို့စို့သည့်အခါ ဆိတ်မကြီး၏ နို့တိုင်သို့ ရောဂါကူးသွားပြီး အနာဖြစ်ပေါ်လာစေတတ်ပါသည်။

အသေကောင်အား ခွဲစိတ်တွေ့ရှိမှုမှာ-

  • ဤရောဂါကြောင့် ဆိတ်ငယ်များ သေဆုံးမှုမှာ အလွန်ရှားပါသည်။ သို့ရာတွင် ဒဏ်ရာကြောင့် နာကျင်ပြီး အစာမစားနိုင်၊ နို့မစို့နိုင်ဘဲ အာဟာရပြတ်ကာ သေဆုံးနိုင်ပါသည်။ 

ရောဂါအားစစ်ဆေးခြင်း

  • ရောဂါလက္ခဏာများကို ကြည့်ရှုခြင်းဖြင့် သိရှိနိုင်ပါသည်။

ကာကွယ်ခြင်း

  • ပါးသက်နာရောဂါကို ကာကွယ်ရန်အတွက် ပိုးရှင်ကာကွယ်ဆေးရှိပြီး ပေါင်နှင့်လက်ပြင်အတွင်းပိုင်းတွင် ဒဏ်ရာအသေးစားပြုလုပ်၍ ကာကွယ်ဆေးကို လိမ်းပေးရပါသည်။

ကုသခြင်း

  • အနာများအား ဘက်တီးရီးယားပိုးများ ဝင်ရောက်လာပါက ပဋိဇီဝလိမ်းဆေးများဖြင့် ကုသနိုင်ပါသည်။ 
  • ရောဂါဖြစ်နေချိန်အတွင် ဆိတ်ကလေးများ ပုံမှန်နို့စို့နိုင်ရန် စီမံပေးရမည်ဖြစ်ပြီး တခါတရံ ဆိတ်မကြီး၏ နို့အုံတွင် အနာများဖြစ်ပေါ်နေပါက ပုလင်းဖြင့်တိုက်ရပါမည်။
  • တခါတရံတွင် Contagious ecthyma သည် လူသို့ကူးစက်တတ်ပြီး အထူးသဖြင့် လက်ချောင်းများတွင် နာကျင်သော အနာများဖြစ်ပေါ်စေနိုင်ပါသည်။
  • ၎င်းအနာများသည် (၁-၄)ပတ်အတွင်း ကျက်သွားမည် ဖြစ်ပါသည်။
  • ထိုသို့ လူကိုကူးစက်ခြင်း မရှိစေရန် ရောဂါဖြစ်နေသော ဆိတ်မကြီးနှင့် ဆိတ်ကလေးများကို ကိုင်တွယ်ပါက ရာဘာ လက်အိတ်စွတ်၍ ကိုင်တွယ်သင့်ပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်