ဆိတ်မွေးမြူရေးရဲ့အကျိုးရလဒ်များ နှင့် ဆိတ်နို့နဲ့နွားနို့ ဘာတွေကွာလဲ..?

ဆိတ်ကနေ အသား၊ နို့၊ အမွေးနဲ့သားရေများကို ရရှိပါတယ်..။ ဒါတင်မက ဆိတ်ကရရှိတဲ့ ဆိတ်ချေးဟာလည်း အလွန်အသုံးဝင်တဲ့ သဘာဝမြေသြဇာဖြစ်ပါတယ်..။

ဆိတ်ဟာ တခြားသော အိမ်မွေးတိရစ္ဆာန်များ ဥပမာ-နွားတစ်ကောင်နဲ့ ယှဉ်ရင် သာလွန်တဲ့အချက်များစွာ ရှိပါတယ်..။

၁။ ဆိတ်ဟာ နွားနဲ့ နှိုင်းစာရင် အရွယ်အစားသေးငယ်ပြီး ရင်းနှီးမြှုပ်နှံမှုတန်ဖိုး နည်းပါးပါတယ်..။

၂။ ခြံအကျယ်အဝန်းအနေနဲ့ နွား၂ ကောင်မွေးမြူနိုင်တဲ့ မြေအကျယ်အဝန်းမှာ ဆိတ် ၆ ကောင် မွေးမြူနိုင်ပါတယ်..။

၃။ နွားမတစ်ကောင်အတွက် လိုအပ်တဲ့အစာပမာဏဟာ အနည်းဆုံးအနေဖြင့် ဆိတ်၂ ကောင်အတွက် လုံလောက် စွာ ကျွေးနိုင်ပါတယ်..။

၄။ ဆိတ်ဟာ နွားနဲ့မတူဘဲ မြက်တစ်မျိုးတည်းသာမက တခြားသောသစ်ရွက်အပင်များကို စားသုံးနိုင်သလို နွားနဲ့ နှိုင်းယှဉ်ပါက အမျှင်ပါသော အစာများကို ပို၍ ချေဖျက်နိုင်ပါတယ်..။

၅။ ဆိတ်မတွေကို အသက် ၁ နှစ်အရွယ်မှာ သားစပ်နိုင်ကြပြီး အသက် ၁ နှစ်ခွဲအရွယ်မှာ ပထမဆုံး သားကို မွေးမြူနိုင်ကြပါတယ်..။

၆။ ဆိတ်မတွေဟာ အသက် ၅ နှစ်၊ ၆ နှစ်အရွယ်အထိ သားကောင်းစွာ မွေးမြူနိုင်ကြပြီး တချို့သောဆိတ်မ တွေဟာ အသက် ၁၂ နှစ်အရွယ်ထိ သားမွေးနိုင်ကြပါတယ်..။ စီမံခန့်ခွဲမှုကောင်းမယ်ဆိုရင် ၂ နှစ်မှာ ဆိတ် ၃ ကောင် ရရှိနိုင်ပါတယ်..။

၇။ အိမ်ထောင်စုဝင် ၄ ယောက်ရှိတဲ့ အိမ်ထောင်စုတစ်စုအတွက် ဆိတ်၂ ကောင်မွေးထားခြင်းဖြင့် တစ်နေ့လျှင် တစ်ဦးအတွက် ဆိတ်နို့ ၆၀ သားခန့် သောက်သုံးနိုင်ပါတယ်..။

၈။ ဆိတ်ဟာ အရွယ်အစားသေးငယ်လို့ အမျိုးသမီးများ၊ ကလေးငယ်များပင် ထိန်းသိမ်းစောင့်ရှောက်နိုင်ပါတယ်..။

၉။ ဆိတ်ကိုအသားနဲ့ နို့အတွက် အဓိကမွေးမြူကြပါတယ်..။ ဆိတ်နို့မှာ အဖိုးတန်သောအသားဓာတ်(protein) များ ပါဝင်ပါတယ်..။ နို့စားနွားမကို မွေးမြူရန်မတတ်နိုင်တဲ့ တောင်သူတစ်ဦးအနေနဲ့ နို့ရရှိဖို့ ဆိတ်မကို မွေးမြူနိုင် ပါတယ်..။

ဆိတ်နို့ကို နို့ထွက်ပစ္စည်းအနေနဲ့ ဒိန်ချဉ်၊ ထောပတ်နဲ့ ဒိန်ခဲများအဖြစ် ထုတ်လုပ်နိုင်ပါတယ်..။ ဆိတ်နို့မှာ ပါဝင်တဲ့ အာဟာရဓာတ်အနေနဲ့ နွားနို့မှာပါဝင်တဲ့အာဟာရဓာတ်နဲ့ ကွာခြားမှုများစွာ မရှိပါဘူး။

ဆိတ်နို့ဟာ အငန်ဓာတ်များလို့ နွားနို့မှာ အချဉ်ဓာတ်များပါပါတယ်..။ ဆိတ်နို့မှာ အဆီဓာတ် ၄.၉% ၊ အသားဓာတ် ၄.၃% ၊ သကြားဓာတ် ၄.၁% ၊ ပြာဓာတ် ၀.၈၉% နဲ့ အဆီမဟုတ်သော အစိုင်အခဲ ၉.၃% တို့ ပါဝင်ပါတယ်..။

ဆိတ်နို့မှာ ပါဝင်တဲ့ အဆီဓာတ်၊ အသားဓာတ်၊ ပြာဓာတ်နဲ့ အဆီမဟုတ်တဲ့ အစိုင်အခဲပမာဏတို့ဟာ နွားနို့တွင် ပါဝင်တဲ့ ပမာဏထက်များပြားလို့ သကြားဓာတ်ပါဝင်မှုမှာ နွားနို့ထက်ပမာဏနည်းပါတယ်..။ ဓာတုဗေဒဖွဲ့စည်းမှု အရ ဆိတ်နို့ဟာ လူနို့နဲ့ အလွန်နီးစပ်ပါတယ်..။

ဆိတ်နို့သာမက ဆိတ်သားကိုလည်း လူမျိုးမရွေးစားသုံးနို င်ကြပါတယ်..။ ဆိတ်သားစျေးနှုန်းဟာ အခြားသော အသားစျေးနှုန်းများထက် စျေးပိုရပါတယ်..။

ဆိတ်ကို အပင်များဖျက်ဆီးတတ်သော သတ္တဝါအဖြစ် မြင်တတ်ကြပါတယ်..။ အမှန်စင်စစ် အပြစ်တင်ထိုက်တာ ဟာ ဆိတ်မဟုတ်ဘဲ ဆိတ်ကိုစနစ်တကျထိန်းကျောင်းနိုင်ခြင်း မရှိတဲ့ ဆိတ်ပိုင်ရှင်များကိုသာ ဖြစ်ပါတယ်..။

စနစ်တကျထိန်းသိမ်းစောင့်ရှောက်ထားတဲ့ဆိတ်များဟာ မလိုလားအပ်သော ပေါင်းပင်များကို စားသုံးတဲ့အတွက် မြက်ပင်ကြီးထွားရေးကိုပင် အထောက်အကူပြုနိုင်ပါတယ်..။ ဆိတ်ကိုနေရာအနှံ့မွေးမြူနိုင်ပေမယ့် ပို၍ပူနွေး သောအရပ်များမှာ ဆိတ်များပိုမိုဖြစ်ထွန်းနိုင်ပါတယ်..။

ဆိတ်မများဟာ ပျမ်းမျှ ၂၁ ရက်ခန့် တစ်ကြိမ် မြိုင်ပေါ်ပါတယ်..။ ဆိတ်မဟာ သားတင်ရန် အသက် (၇-၁၀)လခန့် ရှိရမှာဖြစ်ပြီး အလေးချိန်အားဖြင့် (၃၆-၄၁)ကီလိုခန့် ရှိသင့်ပါတယ်..။ ဆိတ်မများရဲ့ ဇီးကာလကတော့ ပျမ်းမျှ ရက်ပေါင်း (၁၅၀) ဖြစ်ပါတယ်..။

ရေးသားသူ- ဦးဇော်(dof)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...