Green Way သုံးနှစ်ပြည့်ခဲ့ပြီ

အခုဆို ကျွန်တော်တို့ရဲ့ အစိမ်းရောင်လမ်းလေး လျှောက်လမ်းလာခဲ့တာ သုံးနှစ်ပြည့်ခဲ့ပါပြီ။ သုံးနှစ်တာအတွင်းမှာ အောင်မြင်မှုများ၊ ကျဆုံးမှုများ၊ အခက်အခဲများ၊ ကျော်လွှားမှုများ စွာကို တွေ့ကြုံရင်ဆိုင်ခဲ့ရင်း အတိုင်းအတာတစ်ခုထိ ရင့်ကျက်မှုတွေ ရရှိခဲ့ပါပြီ။ သုံးနှစ်တာအတွင်းမှာ လုပ်ဆောင်ခဲ့တဲ့ လုပ်ငန်းတွေကို ပြန်ကြည့်ရင် ကျဆုံးမှုအချို့ရှိခဲ့ပေမယ့် အားရကျေနပ်ခဲ့ရပါတယ်။ ကျွန်တော်တို့အနေနဲ့ Food Justice Campaign ကို ဖေ့ဘုတ်မှာရော အပြင်မှာပါ အောင်မြင်စွာ ပြုလုပ်နိုင်ခဲ့ပါတယ်။ ပတ်ဝန်းကျင်ရေးရာအပိုင်းအနေနဲ့ လူငယ်အဖွဲ့တွေနဲ့ အတူတူ ကျင်းပခဲ့တာ ရှိခဲ့သလို ပတ်ဝန်းကျင်ထိန်းသိမ်းရေးနဲ့ လောင်စာသက်သာ မီးဖိုပြုလုပ်နည်း သင်တန်းတွေကိုလည်း သင်ကြားပေးနိုင်ခဲ့ပါတယ်။

ကျွန်တော်တို့ရဲ့ အဓိက ရည်ရွယ်ချက်က စိုက်ပျိုးရေးနဲ့ သက်ဆိုင်တဲ့ နည်းပညာတွေ၊ သတင်း အချက်အလက်တွေနဲ့ ဒေသဖွံ့ဖြိုးရေးကဏ္ဍမှာ အားတက်သရော်ပါဝင်နိုင်ဖို့ပါ။ ကျွန်တော်တို့ သင်တန်းကျင်းပခဲ့တဲ့ နယ်မြေမှ သင်တန်းသားတွေက ကျွန်တော်တို့ ဆွေးနွေးသင်ကြားခဲ့တဲ့ နည်းလမ်းတွေကို လက်တွေ့ကျင့်သုံးရင် အောင်မြင်နေတယ်ဆိုတဲ့ အသံတွေ ကြားခဲ့ရတော့ ပီတိအပြည့် ရှေ့ဆက်ဖို့ အင်အားအပြည့် ရရှိခဲ့ပါတယ်။ အခုဆို Msprial ရဲ့ ကူညီပံ့ပိုးမှုနဲ့ အင်တာနက် စာမျက်နှာကို လှပသေသပ်တဲ့ အသွင်အပြင်နဲ့ လာရောက်ကြည့်ရှုသူများ လွယ်ကူအောင် ဖန်တီးနိုင်ခဲ့ပါတယ်။ Mspiral ကိုလည်း အထူးကျေးဇူးတင်မိပါတယ်။ ကျွန်တော်တို့ရဲ့ စာမျက်နှာမှာ ပါဝင်အားဖြည့်ပေးခဲ့ကြသော ဆရာ၊ဆရာမများ၊ အစ်ကိုအစ်မများကို အထူးကျေးဇူးတင်သလို မေးခွန်တွေကို စိတ်ဝင်တစား မေးမြန်းကြသူများ၊ ဖြေကြားပေးကြသူများကို အထူးကျေးဇူးတင်ပါတယ်။

နောက်မကြာလှတဲ့ ကာလမှ မြန်မာနိုင်ငံရှိ ကျေးလက်နေပြည်သူများပါမကျန် ဖုန်းများ၊ အင်တာနက်များ သုံးစွဲလာနိုင်ကြတော့ပါမယ်။ ဒီသတင်းဟာ လယ်သမားတွေအားလုံးနဲ့ ချိတ်ဆက်လိုတဲ့ ကျွန်တော်တို့အတွက် ဝမ်းသာစရာသတင်း တစ်ခုပါ။ ကျွန်တော်တို့ရဲ့ ရည်ရွယ်ချက်တစ်ခုဖြစ်တဲ့ စိုက်ပျိုးရေးဆိုင်ရာ နည်းပညာတွေကို တောင်သူတွေ လက်ထဲသို့ တိုက်ရိုက် ရောက်ရှိနိုင်ဖို့ ရည်ရွယ်ပြီး အခု ဖုန်းကနေ အွန်လိုင်းစာမျက်နှာကို အလွယ်တကူ ဖတ်ရှုနိုင်ဖို့ ဆော့ဝဲ တစ်ခုကို အောင်မြင်စွာ ပြုလုပ်နိုင်ခဲ့ပါတယ်။ သုံးနှစ်ပြည့်အထိမ်းအမှတ်မှာ ဒီဆော့ဝဲလေးကို ထုတ်လွတ်လိုက်ပါတယ်။ အားလုံးအတွက် အသုံးဝင်လိမ့်မယ်လို့ ယုံကြည်ပါတယ်။

Green Way website ပိုမိုကောင်းမွန်လာစေရန်အတွက် စစ်တမ်းကောက်ယူခြင်း ပြုလုပ်ထားပါတယ်။ အားလုံးပဲ အဲဒီစစ်တမ်းလေးမှာ မေးထားတဲ့ မေးခွန်းလေးတွေကို ဖြေပေးရင်း စိုက်ပျိုးရေးနည်းပညာများ ပိုမိုဖြန့်ဖြူးနိုင်ဖို့ အားပေးပေးကြပါအုံး။

အတိတ်က အားပေးခဲ့တဲ့အရာတွေအတွက် အားလုံးကို ကျေးဇူးတင်သလို ဆက်လက်အားပေးကြပါအုံးလို တောင်းဆိုပါရစေ။

ဖုန်းဆော့ဝဲ ရယူရန် (mediafire)

ဖုန်းဆော့ဝဲ ရယူရန်(dropbox)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...