အိန္ဒိယ ပြည်ပတင်ပို့ဆန်ဈေး မြင့်တက်

ဆန်တင်ပို့မှုထိပ်သီးနိုင်ငံ အိန္ဒိယရဲ့ ယခုအပတ် ဆန်ဈေးနှုန်းတွေဟာ တစ်နှစ်ကျော်အတွင်း အမြင့်ဆုံးထိ ‌ရောက်ရှိသွားခဲ့ပါတယ်။

အိန္ဒိယက ဆန်အမျိုးအစားတစ်ချို့အပေါ် တင်ပို့မှု ကန့်သတ်လာမလား စိုးရိမ်ချက်ကြောင့် အိန္ဒိယဆန် ဝယ်လိုအား ကောင်းခဲ့ပြီး ဈေးတက်လာတာ ဖြစ်ပါတယ်။

အိန္ဒိယရဲ့ ငါးမှတ်ပေါင်းဆန်ဈေးဟာ အရင်အပတ်က တစ်တန်ကို ၃၆၆-၃၇၂ ဒေါ်လာကြား ရပ်တည်ခဲ့ရာကနေ ဒီတစ်ပတ်မှာတော့ ၂၀၂၁ ဇွန်လနောက်ပိုင်း အမြင့်ဆုံးနှုန်းဖြစ်တဲ့ တစ်တန်ကို ၃၇၉-၃၈၉ ဒေါ်လာကြားထိ ရောက်ရှိလာပါတယ်။ အိန္ဒိယဆန်ဈေး မြင့်တက်မှုဟာ သုံးပတ်ဆက် ရှိလာပါပြီ။

အိန္ဒိယပေါင်းဆန်ဈေးဟာ ဘင်္ဂလားဒေ့ရှ်ဘက်က ဆန်ဝယ်ယူရေးတင်ဒါတစ်ခုကြောင့် မြင့်တက်လာတာလို့ အိန္ဒိယရဲ့ အကြီးဆုံးဆန်တင်ပို့လုပ်ငန်း Satyam Balajee ရဲ့ အမှုဆောင်ဒါရိုက်တာ Himanshu Agarwal က ပြောပါတယ်။ ဘင်္ဂလားဒေ့ရှ်မှာ သီးနှံပျက်စီးမှုကြောင့် ယခုနှစ်အတွင်း ဆန်ပမာဏအများအပြား တင်သွင်းဖို့ လိုအပ်နေတာပါ။

တစ်ချိန်တည်းမှာပဲ အိန္ဒိယမှာလည်း မိုးနည်းကာ စပါးစိုက်ဧရိယာ ကျဆင်းခဲ့တာကြောင့် ဆန်ကွဲတင်ပို့မှုအပေါ် ကန့်သတ်ဖို့ စဉ်းစားနေတယ်လို့ အစိုးရတာဝန်ရှိသူနဲ့ ဆန်လုပ်ငန်းလုပ်ကိုင်နေသူတွေက ရိုက်တာသတင်းဌာနကို သောကြာနေ့က ပြောပါတယ်။

ဆန်ဖြူကတော့ ရောင်းကုန် ပေါများနေတာကြောင့် ဈေးနှုန်းတည်ငြိမ်နေတယ်လို့ အိန္ဒိယတောင်ပိုင်း အန္ဓရဒေသပြည်နယ် ကာကီနာဒါမြို့အခြေစိုက် ပို့ကုန်လုပ်ငန်းရှင်တစ်ယောက်က ပြောပါတယ်။

အိမ်နီးချင်းဘင်္ဂလားဒေ့ရှ်နိုင်ငံဟာ အရန်ဆန်ဖြည့်တင်းပြီး ပြည်တွင်းဆန်ဈေး ထိန်းချုပ်ဖို့ အသည်းအသန် ကြိုးပမ်းနေရချိန် ဆန်တန်ချိန် ၃၃၀၀၀၀ တင်သွင်းရေးအတွက် ဗီယက်နမ်၊ အိန္ဒိယတို့နဲ့ အရောင်းအဝယ်စာချုပ်တွေ အပြီးသတ် ချုပ်ဆိုနေပါတယ်။

ထိုင်းနိုင်ငံမှာတော့ ငါးမှတ်ဆန်ဈေးဟာ အရင်အပတ်က တစ်တန်ကို ၄၁၆-၄၂၀ ဒေါ်လာကြား ရှိခဲ့ရာကနေ အနည်းငယ် ကျဆင်းကာ ၄၁၅-၄၁၆ ဒေါ်လာကြား ရောက်ရှိလာပါတယ်။

ဘန်ကောက်အခြေစိုက် ကုန်သည်တစ်ယောက်တော့ ငွေလဲနှုန်း ပြောင်းလဲလာလို့ ဆန်ဈေးကျလာတာလို့ ပြောပါတယ်။

"မိုးတွင်းဆိုတော့ ဝယ်လက်တွေကတော့ သိပ်ပြီး သွက်သွက်လက်လက် မရှိပါဘူး။ သီးနှံထုတ်လုပ်ရေးပိုင်းပဲ များနေတာကြောင့်ပါ" လို့ ထိုင်းကုန်သည်က ပြောပါတယ်။ တက်လာတဲ့ ဆန်မှာယူမှုတစ်ချို့ဟာ အရှေ့အလယ်ပိုင်းဒေသဘက်က ဖြစ်ပြီး ပမာဏမများဘူးလို့ ၎င်းက ပြောပါတယ်။

တခြားကုန်သည်တစ်ယောက်ကတော့ ပေါင်းဆန်အတွက် အာဖရိကဘက်ကနေ အော်ဒါတွေ တက်နေကြောင်းနဲ့ ဆန်ဖြူဝယ်လိုအားက ပုံမှန်သာ ရှိကြောင်း ပြောပါတယ်။

ဘတ်ငွေဈေးကျတာ၊ သင်္ဘောတင်ကုန်ပို့‌စရိတ် သက်သာလာတာနဲ့ မိုးကောင်းလို့ စပါးအထွက်ကောင်းတာတွေကြောင့် ထိုင်းဆန်တင်ပို့မှုဟာ မျှော်မှန်းချက်ဖြစ်တဲ့ တန်ချိန် ခုနစ်သန်းနဲ့ ခုနစ်သန်းခွဲကြား ပြည့်မီနိုင်တယ်လို့ သူက ပြောပါတယ်။

ဗီယက်နမ်မှာတော့ အမျိုးသားနေ့အားလပ်ရက်ကြောင့် ဈေးတွေ ပိတ်ထားဆဲဖြစ်ပါတယ်။

ဝေယံဟိန်း (B.Ag)

Ref: INDIAN RATES JUMP ON SOUND DEMAND AMID CONCERN OVER POSSIBLE EXPORT CURBS -

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...